და ხიდი, რომელიც სოფელში უნდა აშენებულიყო, მათთვის სასარგებლო ადგილზე აეგოთ.
“ნაციონალური მოძრაობის” წინასაარჩევნო კამპანიის დროს, ბჟოლიეთელებმა იმ დროინდელ გამგებელს, ლელა იმედაშვილს და სოფლის მაჟორიტარ დეპუტატს, ზაურ ოსეფაიშვილს სთხოვეს, რომ ხიდი, რომლის ასაშენებელი თანხა ცენტრალური ბიუჯეტიდან იყო გამოყოფილი, იმ ადგილზე აეშენებინათ, სადაც ადრე იყო:
_ კომუნისტების დროს სადაც იყო ხიდი, იქ უნდა აშენდეს. ახლა რა ადგილიც შეარჩიეს, ეს არავის არგია. ჭალაში სრულდება გზა და შემდეგ მთაა. ამ მთის იქით საყანე ფართობები გვაქვს, მაგრამ იქამდე ხომ უნდა მივიდეთ?! ჩვენი მოთხოვნის შესაბამისად რომ ააგონ, მაშინ პრობლემები მოგვარდება, მაგრამ როგორც ჩანს, მთავრობა ამ ხიდს თავისთვის აგებს, ალბათ, მასალის გამოტანა უნდათ ტყიდან, _ ამბობდნენ ზაფხულში ბჟოლიეთელები ჩვენთან საუბრისას.
იმ დროს ბჟოლიეთელებმა დაპირებები მიიღეს, თუმცა, როგორც აღმოჩნდა, სულ ტყუილად _ ხიდი, რომლის აშენებაზე 178 142 ლარი დაიხარჯა, იმ ადგილზე აშენდა, სადაც ხელისუფლებამ გადაწყვიტა _ ხიდი ჭაობში სრულდება და საცალფეხო გზა, დაახლოებით ერთ კილომეტრში იწყება.
ხიდის ზუსტი დანიშნულება სოფელშიც არ იციან: _ მოსახლეობის ერთ ნაწილს ზევით უნდოდა, მეორე ნაწილს _ ქვევით. როგორც ჩანს, მიაგნეს “ჭკვიანურ” გამოსავალს და ააგეს შუაში, ჭაობში და მთის ძირას. თუმცა, ამ ადგილზე ვის სჭირდება, ნამდვილად არ ვიცით, _ გვითხრეს ბჟოლიეთში.
რატომ არ გაითვალისწინეს მოსახლეობის ინტერესები და რატომ დაიხარჯა 178 142 ლარი უმისამართოდ, გამგეობაში ვერ გვპასუხობენ. გამგებლის მოადგილე, გია გიორგაძე პასუხისმგებლობას თავიდან იცილებს და ამბობს, რომ მან არაფერი იცის, მიუხედავად იმისა, რომ მოთხოვნებით მოსული ბჟოლიეთელები, იმდროინდელმა გამგებელმა, ლელა იმედაშვილმა, რომელიც იმ დროს “ნაციონალების” წინასაარჩევნო კამპანიით იყო დაკავებული, სწორედ გიორგაძესთან გადაამისამართა.
სოფლის დეპუტატი ზაურ ოსეფაიშვილი გვიმტკიცებს, რომ ამ ხიდის ამ ადგილზე აშენება მოსახლეობის მოთხოვნა იყო. მისივე თქმით, მოსახლეობას შეშა გამოაქვს ტყიდან, თუმცა, სივიწროვის გამო, ამ ხიდზე ვერც “ურალის” მარკის მანქანა გავა და ვერც ტრაქტორი: _ “უაზის” ტიპის მანქანა გადის. ეგ კაპიტალური, საავტომობილო ხიდია, _ გვიზუსტებს ოსეფაიშვილი, თუმცა, ხელშეკრულებაში, რომელიც სამშენებლო კომპანიასთან არის გაფორმებული, გარკვევით წერია, რომ 178 142 ლარი ფეხმავალთა ხიდისთვის დაიხარჯა!
სტატიები მომზადებულია ფონდის “ღია საზოგადოება _ საქართველოს” მიერ დაფინანსებული პროექტის _ “დათვალე საკუთარი ფული!”,
ფარგლებში და მასში გამოთქმული მოსაზრება არ გამოხატავს ფონდის პოზიციას
