სადაც რამდენიმე ჟურნალისტი დააკავეს. მინისტრის აზრით, მანიფესტანტებისგან პოლიციელებმა საკმარისზე მეტი მოითმინეს და იმ სიტუაციაში შეუძლებელი იყო პოლიციელებს გაერჩიათ ვინ იყო ჟურნალისტი და ვინ არა.
“ძალიან სამწუხაროა, რომ, ერთის მხრივ, სტუდენტების მიერ დაგეგმილი მშვიდობიანი მანიფესტაცია გადაიზარდა რაღაც არაორგანიზებულ ქაოტურ მანიფესტაციაში. პირველ რიგში, მინდა ვთქვა, რომ მე მივესალმები, ზოგადად ჩვენი ხელისუფლება მიესალმება სტუდენტების აქტიურობას. მათი ჩართულობა საზოგადოების ცხოვრებაში არის ძალიან მნიშვნელოვანი, მნიშვნელოვანია ქვეყნისთვის. მაგრამ იმავდროულად ყველას უნდა გვახსოვდეს, რომ ეს იქნება სტუდენტების მოძრაობა, მანიფესტაცია თუ სხვა, მათი ვალდებულებაა, დაიცვან და არ დაარღვიონ კანონი.
პოლიცია მოიქცა ისე, როგორც უნდა მოქცეულიყო _ მათ დაიცვეს საზოგადოებრივი წესრიგი. იყო რამდენიმე სერიოზული ფაქტი. მაგალითად, აბსოლუტურად უმიზეზოდ. მანქანა დაუზიანეს შემხვედრ მძღოლს. ჩვენ ამის კადრებიც გვაქვს. ძალიან აგრესიულად გამოირჩეოდა რამდენიმე წევრი. მე რა კადრებიც ვნახე, აქედან გამომდინარე ვაცხადებ, რომ მათი აგრესია და დესტრუქციულობა მთლიან მასას გადაედო. საბოლოო ჯამში, ჩვენ მივიღეთ ძალიან არასასიამოვნო, არამშვიდობიანი მანიფესტაცია. რა თქმა უნდა, ეს სამწუხაროა. იმედი მაქვს, რომ მომავალში ამას აღარ გაიმეორებენ. რაც შეეხება პოლიციის მხრიდან გამოხატულ რეაგირებას, ვფიქრობ, იგი აბსოლუტურად ადეკვატური იყო. მათი ვალდებულებაა, რომ დაიცვან კანონი, დაიცვან საზოგადოებრივი წესრიგი. მიუხედავად ჩვენი საპატრულო პოლიციის არაერთგზის მოწოდებისა, დაეცვათ წესრიგი და არ დაერღვიათ კანონი, მანიფესტაციის მონაწილენი არ დაემორჩილნენ. ამან გამოიწვია ის უსიამოვნო შედეგი.
ვფიქრობ, რომ განსაკუთრებული არაფერი მომხდარა. ეს ხდება ნებისმიერ ნორმალურ, ცივილიზებულ, დემოკრატიულ ქვეყანაში. ერთი რამე უნდა გვახსოვდეს ყველას _ ჩვენ ვართ ხელისუფლება, ეს არის სახელმწიფო. შესაბამისად, ჩვენ სწორი გადაწყვეტილება მივიღეთ. თქვენ თუ გნებავთ მიიღოთ ქაოსი, მაშინ მხარი უნდა დაუჭიროთ გუშინდელისნაირ ძალიან არასასიამოვნო ფორმებს. თქვენ თუ გინდათ დაწყნარებული, დამშვიდებული სახელმწიფო, უნდა იყოთ ობიექტური და სიმართლის მხარეს. პოლიციელებმა საკმარისზე მეტი მოითმინეს. სამწუხაროა, რომ ამ ინციდენტში ორი ჟურნალისტი მოჰყვა, მაგრამ, პოლიციელი იმ დროს ვერ გაარკვევდა, ვინ იყო და ვინ არ იყო ჟურნალისტი. რა თქმა უნდა, ვწუხვარ, რომ ამ ინციდენტში მონაწილეობდა ორი ჟურნალისტი. მე გულწრფელად ვწუხვარ მათ გამო, მაგრამ, ძალიან გთხოვთ, გაითვალისწინოთ _ პოლიციელი ადგილზე ვერ გაარკვევდა, იყო თუ არა ეს ადამიანი ჟურნალისტი.”
ჟურნალისტებმა შეახსენეს მინისტრს, რომ დაკავებულ ჟურნალისტებს მიკროფონი ეჭირათ, რაზეც ღარიბაშვილმა უპასუხა, რომ “მიკროფონი შეიძლება ნებისმიერ ადამიანს ეჭიროს.”
