ჭინჭრისგან შეიძლება მოვამზადოთ სასუქი. ამისათვის საჭიროა მოვკრიფოთ 1 კგ. ჭინჭრის ფოთოლი აყვავებამდე. შემდეგ, მოკრეფილი ფოთოლი უნდა დავჭრათ წვრილად და მოვათავსოთ ხის ან პლასტმასის კასრში და დავასხათ იმ რაოდენობის წყალი, რომ ჭინჭრის ფოთოლი დაიფაროს. წყლის დონე კასრის ზედაპირიდან 20-25 სმ-ით ქვემოთ უნდა იყოს, ვინაიდან შემდგომ დუღილის შედეგად კასრიდან ხსნარი არ გადმოვიდეს. გარემო სითბოს შედეგად ნარევი დაიწყებს დუღილს. დუღილის დროს საჭიროა დღეში 2-3-ჯერ მოვურიოთ ხის ჯოხით, რათა გაზები გამოიყოს ნარევიდან. ნარევი გამოყოფს უსიამოვნო სუნს, რისთვისაც მასში აწვეთებენ რამდენიმე წვეთ ვალერიანის გამონაწურს. ორი კვირის შემდეგ, ნარევი წყვეტს დუღილს, რის შემდეგაც ამ ნარევს აზავებენ წყალში (პროპორციით 1/5). ამ ხსნარით თბილ ამინდში საღამოთი, ხოლო გრილ ამინდში დილით რწყავენ მცენარის მხოლოდ ძირებს ისე, რომ მან ფესვებამდე ჩააღწიოს.
ეს ხსნარი გამოიყენება დასუსტებული მცენარის მდგომარეობის გასაუმჯობესებლად და საუკეთესოა პამიდვრისთვის, კიტრისთვის, კომბოსტოსთვის, ნიახურისთვის და სხვა ბოსტნეულისთვის, გარდა პარკოსნებისა და ხახვისა.
მორწყვიდან 4-5 დღის შემდეგ, მცენარის ფოთლები მუქ მწვანე ფერს მიიღებს და ნაყოფიც სწრაფად გაიზრდება.
