“ქართული-ოცნების” მულტი-მილიონერმა ლიდერმა თითქმის დაასრულა მაჟორიტარი კანდიდატების წარდგენა, რომელთა უმეტესობა არ არის პოლიტიკოსი. ივანიშვილის მიერ დასახელებული კანდიდატები, ძირითადად, ვეტერანი კულტურის მუშაკები და სპორტსმენები არიან, რომლის ნაწილიც ივანიშვილის ორგანიზაციაში მუშაობს. ეს ადამიანები წლების მანძილზე იღებდნენ მისგან საკმაოდ მსხვილ შემოწირულობას. ივანიშვილის ხელგაშლილობით პატარა პოლიტიკურმა პარტიებმაც ისარგებლეს.” _ ასე ახასიათებს ანალიტიკოსი კოალიციის მიერ წარდგენილ მაჟორიტარობის კანდიდატებს,
ანალიტიკოსი ამტკიცებს, რომ ივანიშვილი და მისი პარტია კოალიციის ჰეგემონები არიან და სხვა პარტიებს გადაწყვეტილებების დამოუკიდებლად მიღების საშუალება არა აქვთ.
“ქართული ოცნება” ნომინალურად კოალიციაა, რომელშიც დომინანტი ივანიშვილის ეპონიმური პარტიაა, დანარჩენი მცირე ჯგუფები კი მის გარშემო არიან. სახელი “ქართული ოცნება” ივანიშვილს ეკუთვნის და მან ეს სახელი უწოდა არა მარტო საკუთარ პარტიას, არამედ მთელს კოალიციას. ივანიშვილის კონტროლი მთელს კოალიციაზე მისი ფინანსური სიძლიერითაა გამყარებული. მან საკუთარი თავი ყველა ნომინაციაში წარადგინა, სატელიტური პარტიების მაგივრადაც თავად დაასახელა კანდიდატები.”
ვლადიმერ სოკორი, რომელიც ქართული ოპოზიციის მიმართ ყოველთვის მწვავე შეფასებებით გამოირჩეოდა, ,,კოალიცია” ქართული ოცნების” კანდიდატების სამ თვისობრივ მახასიათებელს გამოყოფს:
“ივანიშვილის მიერ დასახელებულ თითქმის ყველა კანდიდატის პოლიტიკურ პროფილს სამი საერთო მახასიათებელი აქვს:
პირველი _ ისინი მიილტვიან 1990-იანი წლებისკენ სოციალური სტატუსის მოპოვების, მენტალობისა და ინტერესების თვალსაზრისით.
მეორე _ მათ უმეტესობას არ აქვს დასავლეთზე ზემოქმედების უნარი, არ ფლობს ინგლისურ ენას, არ შეუტანიათ წვლილი “ვარდების რევოლუციის” შემდგომ რეფორმებში, არ აქვთ ინტერესი გაიგონ ამ რეფორმების არსი და აღიარონ ის ძალისხმევა, რაც ხორციელდება ევროატლანტიკური ინტეგრაციის კუთხით.
მესამე _ მთელი 10 წლის განმავლობაში, ეს ადამიანები უბრალოდ არ იყვნენ ჩართულები პოლიტიკურ პროცესში.
ეს სამი თვისება საერთოა კოალიციის ყველა კანდიდატისათვის. მხოლოდ კოალიციაში შემავალი რამდენიმე პატარა პარტიის კანდიდატები განსხვავდებიან ამ საერთო პროფილისგან.”
ვლადიმერ სოკორი ივანიშვილის მიერ განხორციელებულ გრძელ და მოკლევადიან ინვესტიციებზე საუბრობს, რომლის განაღდებაც კოალიციის ლიდერმა უკვე დაიწყო.
“პერსონალურად ეს კანდიდატები დავალებულები არიან ივანიშვილისგან სხვადასხვა თვალსაზრისით. ის აფინანსებდა კულტურის წარმომადგენლებს, ყოფილ ვარსკვლავ სპორტსმენებს, რომლებმაც დაკარგეს სახელმწიფო დაფინანსება პოსტსაბჭოთა პერიოდში და ივანიშვილი უხდიდა ხელფასებს. დღეს კი ივანიშვილი ამ გრძელვადიან ინვესტიციას ანაღდებს ამ ადამიანების ლოილურობის მოპოვების სახით, მან განახორციელა მოკლევადიანი ინვესტიციაც 2011 წლის ოქტომბრის შემდეგ, როდესაც შეარჩია მცირე პოლიტიკური ჯგუფები. ამ ჯგუფებს არ გააჩნდათ ფინანსები დამოუკიდებლად ეწარმოებინათ საარჩევნო კამპანია და ივანიშვილთან დაკავშირება მათთვის გამოსავალი იყო. ერთ-ერთი ასეთი ჯგუფი, პოლიტიკაში ახალბედა “თავისუფალი-დემოკრატები” არიან ირაკლი ალასანიას ლიდერობით და მეორე კი ვეტერანი რესპუბლიკელები ხიდაშელი-უსუფაშვილის ოჯახური გუნდისა და ძმები ბერძენიშვილების ლიდერობით. მათ გარდა კიდევ არის სამი პატარა ფრაქცია.”
სოკორი კოალიცია “ქართულ ოცნებას” მეორე მსოფლიო ომის შემდეგ აღმოსავლეთ-ცენტრალურ ევროპაში არსებულ პროკომუნისტურ “ფიქციურ კოალიციას” ადარებს:
“ეს მსგავსება არაა იდეოლოგიური, რადგან “ქართული ოცნება” ეკლექტიკურია, მსგავსება ჩანს კოალიციის სტრუქტურასა და მართვაში: ჰეგემონი პარტია და მასზე ფინანსურად დამოკიდებული პარტიების ჯგუფი. მმართველი პარტია გავლენას ახდენს სატელიტური პარტიების შიდაპარტიულ გადაწყვეტილებებზე.
აქტიურად ასაქმებს “თანამოაზრე-მოგზაურებს” კულტურის მოღვაწეებს შორის,რომლებიც ამ ბოლო დროს სპორტსმენებით ჩაანაცვლა. ხდება დასავლური ორიენტაციის ელემენტების მარგინალიცაზია უაღრესად შეზღუდული, საკუთარი თვითკმაყოფილი პროვინციული პერსონების სასარგებლოდ.
კოალიციაში პარტია “ქართულ ოცნებას“ კულტურის სფეროს ყველაზე მეტი წარმომადგენელი ჰყავს. ამ თვალსაზრისით, ის აგრძელებს საბჭოთა ტრადიციას “მოწინავე საზოგადოების“ შესახებ, რომლებიც ტრადიციულად სარგებლობდნენ საზოგადოების მხარდაჭერით.
ივანიშვილი მოქმედებს, როგორც მესაკუთრე ლიდერი პარტია “ქართული ოცნების” და მთელი კოალიციის მიმართ.”
“ჯეიმსთაუნის ფონდის” ანალიტიკოსი ფიქრობს, რომ ფინანსები ივანიშვილს საშუალებას მისცემს შეინარჩუნოს კოალიცია, თუმცა წარსული ტრადიციების გათვალისწინებით, არაფრის გამორიცხვა არ შეიძლება.
