_ მიზეზი მოსაზღვრე სოფელ ნაგომარში საქონლის დაავადების _ “ბრუცელოზის” გამოვლენის ხშირი შემთხვევები გახდა. როგორც ნაგომრის სოფლის რწმუნებულმა, მიხეილ ცქვიტიშვილმა ჩვენთან საუბარში თქვა, პირველი შემთხვევა სოფელში ოცი დღის წინ დაფიქსირდა: “ანალიზი ჩაუტარდა 29 მსხვილფეხა პირუტყვს, აქედან 6 პასუხი დადებითი იყო ანუ ექვსივეს დაავადება დაუდგინდა. ამჯერად მიმდინარეობს ანალიზის მეორე ეტაპი ბრუცელოზის სახეობის ტიპიზაციის დადგენის მიზნით. ამოსულია ვეტერინარი და დეზინფექცია ტარდება,” _ გვითხრა რწმუნებულმა.
რაც შეეხება სოფელ აკეთისა და ჭანჭათს, ეს ორი სოფელი ნაგომარს ესაზღვრება და საქონელი ხშირად სარგებლობს ამ სოფლის საძოვრებით.
ჩვენს სოფლის მეურნეობის დარგში ადგილობრივ სამსახურის უფროსს ნუგზარ ცინცაძეს ვესაუბრეთ:
_ რა არის პირველადი სიმპტომები, რომელსაც დაავადებული პირუტყვი გამოავლენს?
_ ხდება ნაყოფის მოგდება, შემდეგ უკვე უნდა დაისვას დიაგნოზი _ ავადმყოფობა ლაბორატორიულად უნდა დადგინდეს.
_ გამოვლინდა, რომ 6 პირუტყვი უკვე დაავადებულია ბრუცელოზით. არის თუ არა ეპიდემიის საფრთხე და უნდა გამოცხადდეს თუ არა კარანტინი?
_ ამას ვეტსამსახური გადაწყვეტს. გამოვლენის შემთხვევაში, სასწრაფოდ აღებული იქნება ნაყოფი, რათა დადგინდეს არის თუ არა დაავადებული, ამის შემდეგ მოსახლეობამ უნდა მიმართოს ოზურგეთში შესაბამის სამსახურს, შემდეგ ეს სამსახური მიიღებს ზომებს.
_ მოსახლეობამ როგორ უნდა აიცილოს თავიდან მოსალოდნელი საფრთხე?
_ თუ დაავადება აღმოჩნდება, პატრონმა აუცილებლად უნდა მოიცილოს თავიდან დაავადებული პირუტყვი. რაც შეეხება თავდაცვის ზომებს, რძე გადადუღების გარეშე არ უნდა იქნას მიღებული. ასევე, აუცილებელია წველის შემდეგ სარეცხი საპნით ხელების დაბანა. იმ შემთხვევაში, თუ გამოვლინდება მსგავსი სიმპტომი, მოსახლეობამ ტრანსპორტირებისა და დაავადების დროული დიაგნოსტიკისთვის, არაუგვიანეს 24 საათისა, უნდა მიმართოს სურსათის ეროვნული სააგენტოს გურიის რეგიონუ; სამმართველოს – 595221170; 5919148 50; 591914847, ან ადგილობრივი ადმინისტრაციული ერთეულის რწმუნებულებს, _ გვითხრა ნუგზარ ცინცაძემ.
