კულტურისა და ძეგლთა დაცვის სამინისტროს პრესსამსახურის ინფორმაციით, Open Doors 2013-ის ღონისძიება, რომელიც ორგანიზებულია შვეიცარიის საგარეო საქმეთა სამინისტროს განვითარებისა და თანამშრომლობის სააგენტოს მხარდაჭერით, ფესტივალის ინდუსტრიის განყოფილებასთან ერთად და ასევე ACE (Ateliers du Cinéma Européen), EAVE (European Audiovisual Entrepreneurs) და Producers Network Marché du Film (კანის ფესტივალი), მიეძღვნა სამხრეთ კავკასიის ფილმებს.
წელს ძირითადი აქცენტი გაკეთდა სომხეთზე, აზერბაიჯანსა და საქართველოზე. 100 განაცხადიდან 12 პროექტი იქნა შერჩეული, რომელიც მონაწილეობდა 2013 წლის კოპროდუქციის ლაბორატორია Open Doors -ში.
ფესტივალის დროს ორგანიზებული ოთხ დღიანი სემინარი მიზნად ისახავს მხარი დაუჭიროს შერჩეულ რეჟისორებსა და პროდიუსერებს ფინანსური პარტნიორების მოძიებაში, რომ დაასრულონ თავიანთი ფილმების წარმოება.
დაჯილდოების ცერემონიისათვის Open Doors-ის ჟიურიმ შეარჩია შემდეგი პროექტები, შეთავაზებული შვეიცარიის საგარეო საქმეთა სამინისტროს განვითარებისა და თანამშრომლობის სააგენტოს (SDC), ბელინზონას რაიონის, Visions Sud Est, the CNC (Centre national du cinéma et de l’image animée) და ARTE -ს მიერ: Open Doors წარმოების პრემია 20 000 შვეიცარიული ფრანკი _ ალექსანდრე კვატაშიძეს – “ჩეჩნეთის გზაჯვარედინი“, საქართველო/საფრანგეთი/ესტონეთი, ნიდერლანდები; Open Doors განვითრების პრემია 15 000 შვეიცარიული ფრანკი _ ოკსანა მირზოიანის „ Abysm“, სომხეთი; Open Doors პოსტ-პროდუქციის პრემია 15 000 შვეიცარიული ფრანკი _ ნინო გოგუას „მადონა“, საქართველო; ARTE Open Doors პრემია 6,000 ევრო _ ალექსანდრე კვატაშიძეს „ჩეჩნეთის გზაჯვარედინი“ საქართველო/საფრანგეთი/ესტონეთი, ნიდერლანდები; საფრანგეთის კინოცენტრის (CNC – Centre National du cinéma et de l’image animée) პრემია 7,000 ევრო _ რუსუდან პირველის „ძილის გაკვეთილები“.
საქართველო Open Doors Screening პროგრამა წარმოადგენს 22 ფილმს სომხეთიდან, აზერბაიჯანიდან და საქართველოდან, რომელიც გრძელდება ფესტივალის დასრულებამდე. ნაჩვენები იქნება ლევან ზაქარეიშვილის “თბილისი-თბილის”, ნანა ჯორჯაძის “27 კოცნა”, გელა ბაბლუანის “ცამეტი”, ნანა ჯანელიძის ფილმი ”ნეტავი იქ არის თეატრი?!”, ზაზა რუსაძის ”ჩემი საბნის ნაკეცი”.
ფესტივალს დაესწრნენ ეროვნული კინოცენტრის დირექტორი ნანა ჯანელიძე და ევრიმაჟში საქართველოს წარმომადგენელი თამარ ტატიშვილი.
ასევე, წელს ლოკარნოს ფესტივალმა პატივი მიაგო ქართველ რეჟისორს ოთარ იოსელიანს, რომელსაც გადაეცა სპეციალური პრიზი ”Pardo alla carriera” კინემატოგრაფიის განვითარებაში განსაკუთრებული წვლილის შეტანისთვის.
