საქართველოს პარლამენტმა 2004-2012 წლებში საქართველოში ადამიანის უფლებების დარღვევის ფაქტებს შეფასება მისცა. ადამიანის უფლებათა დაცვის კომიტეტს ამ ფაქტის შესწავლის მოთხოვნით 20 000-ზე მეტმა მოქალაქემ მიმართა.
დეპუტატ ეკა ბესელიას თქმით, მისმა კომიტეტმა აღნიშნულ დარღვევებთან დაკავშირებით სხვადსხვა საერთაშორისო ორგანიზაციების ანგარიშები შეისწავლა. დადგინდა, რომ ამ წლებში ადგილი ჰქონდა, ადამიანის უფლებათა უხეშ დარღვევებს. კერძოდ საუბარია: სიტყვისა და გამოხატვის თავისუფლებაზე, სამართლიანი სასამართლოს უფლებებზე. პირადი ცხოვრების ხელშეუხებლობაზე და კერძო საკუთრების უფლების ხელყოფაზე. კომიტეტის თავმჯდომარის განცხადებით, 24 გვერდიან დასკვნაზე შესაბამისმა სამსახურებმა შსს-მ და პროკურატურამ აქტიური და დროული ქმედებები უნდა განახორციელონ და გამოიძიონ ის ფაქტები, რაც 2004-2012 წლებში ხდებოდა. ეს არის ადამიანის სიცოცხლის მოსპობის ფაქტი, ციხეებში არაადამიანური მოპყრობისა და შეკრების მანიფესტაცის აღკვეთის ფაქტები. ბესელია საგამოძიებო ორგანოებს მოუწოდებს დაინტერესდნენ აღნიშნული დოკუმენტით და მასში მოცემული ფაქტებით.
“დღეს პარლამენტის ბიურომ 2 მნიშვნელოვანი გადაწყვეტილება მიიღო. ეს არის ორი დოკუმენტი, რომელსაც ჩვენ პრაქტიკულად 1 წლის განმავლობაში ვამზადებდით. პირველი ეს არის საქართველოს 20 000-ზე მეტი მოქალაქის ხელმოწერა. პარლამენტს მიემართა პეტიცით, რომ შესწავლილიყო 2004-2012 წლებში ადამინაის უფლებების დარღვევის ფაქტები. ამ ყველაფერს კი შესაბამისი სამართლებრივი და პოლიტიკური შეფასება მიეცა.
ჩვენ რამდენიმე თვის განმავლობაში ვსაწვლობდით ამ ფაქტებს, სწორედ ამ წლებში ოფიციალურ ანგარიშებზე დაყრდნობით, ეს არის ევროპული ორგანიზაციების – ევროპის საბჭოს, ადამიანის უფლებათა დაცვის კომისიის, სახელმწიფო დეპარტამენტის, საერთაშორისო უფლებადამცველი ორგანიზაციების და სხვა უფლებადამცველი ორგანიზაციების ანგარიშები კონკრეტულ დარღვევებთან დაკავშირებით. დასკვნის მიხედვით, რომელიც პარლამენტის ბიურომ დღეს უცვლელად დატოვა, მიიღეს დასკვნა, ისე როგორც შეფასება, ადამიანის უფლებების დარღვევის 2004-2012 წლებში. სისტემურ დარღვევებთან დაკავშირებით, დადგინდა, რომ ამ წლებში ძირითად და ფუნდამენტურ-კონსტიტუციური უფლებების დარღვევებს სისტემური ხასიათი ჰქონდა. როგორიცაა სიცოცხლის უფლების ხელყოფა, არაადამიანური და დამამცირებელი წამების აკრძალვა. ფიზიკური ხელშეუხელბლობისა და თავისუფლების უფლება, სიტყვისა და გამოხატვის თავისუფლება,” _ განაცხადა ეკა ბესელიამ.
