ზოგადად დიეტა 4 ეტაპისგან შედგება: შესავალი პირველი ეტაპი, როცა ორგანიზმი ეჩვევა ახალ მდგომარეობას. მეორე და ძირითადი ეტაპი, რომლის დროსაც ხდება ორგანიზმის ინდივიდუალურ მოთხოვნილებებზე მორგება, მესამე ეტაპი – მიღწეული შედეგების დასტაბილურება და მეოთხე ეტაპი, მუდმივი წონის კონტროლი. ამ ეტაპზე უნდა მოხდეს სასურველი და მიღწეული წონის შენარჩუნება. თუმცა, როგორც დიეტოლოგები ამბობენ ადამიანებს ხშირად უჭირთ დიეტით მიღწეული შედეგების შენარჩუნება, ვინაიდან ისინი იყენებენ ე.წ. მონო დიეტებს.
“დღეისათვის ძალიან პოპულარულია მონო დიეტები, რომლებიც ჯანმრთელობისთვის სასარგებლო არაა. შედეგებს იღებენ, თუმცა დიეტის შეწყვეტის შემდეგ ძალიან უჭირთ წონის”, _ ამბობს “გურია ნიუსთან” საუბრისას ნატალია ჩუჩიშვილი, ენდოკრინოლოგ-დიეტოლოგი.
მისივე თქმით, იმისათვის, რომ დიეტა იყოს უსაფრთხო და რაც მთავარია შედეგიანი, ინდივიდუალურად უნდა იყოს დანიშნული.
“ძალიან ხშირია თვითნებური დიეტები, როცა რომელიმე სახელგანთქმულ დიეტას იცავს ადამიანი, მაგრამ არავინ ითვალისწინებს იმას, რომ ეს დიეტა კონკრეტულად ერთი ადამიანისთვისაა შემუშავებული და შესაძლოა მან სხვა ადამიანზე იგივე შედეგი არ აჩვენოს.
დიეტის დანიშვნამდე აუცილებელია დადგინდეს სიმსუქნის გამომწვევი მიზეზი. შესაძლოა საჭირო გახდეს სიმპტომური მკურნალობა, დიეტის გარეშე.
თვითნებურ მუდმივ დიეტას მივყევართ ორგანიზმის გამოფიტვამდე, ნივთიერებათა ცვლის დარღვევამდე. ხშირად აკვიატებულ აზრად აქვთ ხოლმე ქცეული დიეტის დაცვა და იმდენად დაბალ წონამდე ჩამოდიან რომ ორგანისმს ძალა არ შეწევს გაუმკავლდეს სხვადასხვა ვირუსულ დავადებებს, თუ ჰორმონალურ დარღვევებამდე მივიდნენ ეს კიდევ უფრო დიდ პრობლემებთანაა დაკავშირებული. დიეტა ისე უნდა დავიცვათ რომ ეს ორგანიზმისთვისაც სასარგებლო იყოს.
ბოლო თვეებია ძალიან აქტუალური გახდა ქატოს დიეტა. ამ შემთხვევაში შემიძლია ვთქვა, რომ ეს მონო დიეტა არაა. გარდა დიეტურისა მას აქვს ხანგრძლივი და სამკურნალო ხასიათი. ქატო ხელს უწყობს კუჭ-ნაწლავის მოქმედებას და შესაბამის შედეგებს იძლევა დიეტის კუთხითაც. საშიში აბსოლუტურად არ არის, თუ რა თქმა უნდა, კონკრეტულ შემთხვევაში კონკრეტული უკუჩვენება არ გამოიწვია”, _ უთხრა “გურია ნიუსს” ჩუჩიშვილმა.
ფსიქოლოგები მიიჩნევენ, რომ დიეტის შედეგი ყოველთვის დამოკიდებულია ადამიანის ფსიქოლოგიურ მომზადებაზე.
“დიეტაზე გადასვლა ეს არ უნდა იყოს შიმშილი, ფსიქოლოგიურად უნდა მოემზადოს ადამიანი, შეცვალოს თავისი დამოკიდებულება საკვების მიმართ, ჩამოიყალიბოს პირობითი რეფლექსი, ზედმეტი საკვების მიღების სურვილისგან გათავისუფლდეს., ყველა ამ ზემოთ ჩამოთვლილის გათვალისწინებით მარტივად შეიძლება მიაღწიოს ადამიანმა დიეტის ეფექტს, ყოველგვარი შიმშილობის გარეშე. იმისათვის, რომ ადამიანს გაუჩნდეს ამ ყელაფრის სურვილი და დაიწყოს ბრძოლა საკუთარ ფსიქიკასთა, კარგია თუ რაიმე ბიძგს მისცემენ მეგობრები ან ახლობელი ადამიანები, ზოგჯერ უცხოს მიერ მის მიმართ ნათქვამი რაიმე არასასიამოვნო სიტყვებიც აღძრავს ადამიანში წონის დაკლების სურვილს”, _ განამრტავს “გურია ნიუსთან” ფსიქოლოგი ია ახვლედიანი.
