და სასულიერო პირების და მრავალრიცხოვანი მოსახლეობის იმ საპროტესტო დემონსტრაციას აფასებს, რომელიც ჰომოფობიისა და ტრანსფომობიის დღისადმი მიძღვნილი აქციის წინააღმდეგ გაიმართა:
“სამართალდამცავი ორგანოები წინასწარ იყვნენ ინფორმირებული აღნიშნულის და იმ საფრთხის შესახებ, რომელიც შეიძლება წარმოშობილიყო კონტრდემონსტრანტების მხრიდან. მიგვაჩნია, რომ სამართალდამცავმა ორგანოებმა არაეფექტურად დაგეგმეს მოქმედებები და არასწორი ორგანიზება გაუწიეს საკუთარ განლაგებას. მათი რეაგირება არ იყო ადეკვატური კონტრდემონსტრანტების მხრიდან გამოვლენილ ძალადობაზე.
ჩვენი დამკვირვებლები ადასტურებენ, რომ მთელი ამ პროცესის განმავლობაში, პოლიციელები უმცირესობათა მიმართ არანეიტრალურად იყვნენ განწყობილები. მათი კომენტარები, შიდა გადალაპარაკება იყო შეურაცხმყოფელი და ლგბტ მოქალაქეებს ბილწი სიტყვებით იხსენიებდნენ. გარდა ამისა, როდესაც კოტრდემონსტრანტები პომოფობიის წინააღმდეგ გამართული აქციის არეალში შეიჭრნენ, პოლიცია საერთოდ მოეშვა და მათი ქცევა არაადეკვატური გახდა. იმის ნაცვლად, რომ პოლიცია სამართალდამრღვევი პირების დაკავებით და იდენტიფიცირებით ყოფილიყო დაკავებული, გამშველებლის ფუნქციას ითავსებდა.
საბოლოო ჯამში უნდა ითქვას, რომ შეკრების და მანიფესტაციის უფლება ორივე მხარეს გააჩნდა. საქართველოს კონსტიტუციით კონტრდემონსტრანტების უფლება დაცულია _ მათ უნდა გამოეხატათ საკუთარი ნება, ოღონდ ეს არ უნდა გასცდენოდა მშვიდობიან ფორმებს. სამწუხაროდ, კონკრეტულ შემთხვევაში, აქცია მშვიდობიან ფორმებს გასცდა და პოლიციამ არაფერი გააკეთა იმისთვის, რომ არ მომხდარიყო სხვისი უფლებების დარღვევა. სტატუსი _ სასულიერო პირი ან მრევლი, ნაკლებმნიშვნელოვანია. ისინი კონტრაქციის მონაწილეები იყვნენ და თუ ვინმეს უფლებას არღვევდნენ, მათ ამ ქმედებას ადეკვატური რეაგირება უნდა მოჰყოლოდა,” _ ამბობს გიორგი მშვენიერაძე.
