ახალგაზრდა ფინანსისტთა და ბიზნესმენთა ასოციაცია „აფბა“-მ ბრიფინგი გამართა თემაზე: ქართული ნავთობ-იმპორტიორები ისევ „გაბერილი“ ტარიფებით ოპერირებენ. ორგანიზაციის ანალიტიკოსის პაატა ბაირახტარის განცხადებით, „აფბა“-ა აგრძელებს საწვავის ბაზრის კვლევას. „ჩვენ მიივჩნევთ, რომ დღეს საქართველოში საწვავის ფასი კვლავ არ შეესაბამება ფუნდამენტურ მოცემულობებს და სართაშორისო ფასის ცვალებადობას.
იანვრის თვეში, როდესაც ჩვენ საწვავის ბაზრის პირველი კვლევა წარმოვადგინეთ, მსოფლიო ბაზარზე ნავთობის ფასი 58%-ი იყო შემცირებული, საქართველოში კი ეს შემცირება არ აღემატებოდა 15-18 % -ს. ვინაიდან, იანვრის თვეშიც მსოფლიო ბაზარზე ნავთობის ფასის კლების ტენდენცია ნარჩუნდებოდა, ახალგაზრდა ფინანსისტები ვიმედოვნებდით, რომ კლება ქართულ ბაზარზეც ჰპოვებდა ობიექტურ ასახვას და ქართული ნავთობ იმპორტიორები შესთავაზებდნენ მომხმარებელს რეალურ ფასს. ამის ნაცვლად საწვავის ფასი არ ჩამოსულა 1.59 ლაზე ქვემოთ. ანუ, ამ შემთხვევაშიც ქართულ ბაზარზე კლება არ აღემატებოდა 20%-ს მაშინ, როდსაც მსოფლიო ბაზარზე 58%-იანი კლების ტენდენცია ფიქსირდებოდა.“ ბაირახტარის განცხადებითვე იმით აპელირება რომ თითქოსდა ლარი გაიფასურდა და ამიტომ ვერ აისახა მსოფლიო ბაზარზე ასებული მდგომარეობა საქართველოზეც, სიმართლეს არ შეესაბამება.
„თუ დავუშვებთ იმას, რომ მსოფლიო ბაზარზე საწვავის 58%–იანი გაიაფება, საქართველოში დოლარის გაძვირების გამო არ აისახა და ლარის 30%–იანი გაუფასურების გამო, საწვავი კიდევ 30–35%–ით არ გაიაფდა, მაშინ გამოდის, რომ ფასის ზრდას დოლარის კურსს ვერ დავუკავშირებთ.
მიმდინარე წლის თებერვალში ნავთობის ფასმა დაიწყო „თამაში“, მაგრამ ეს რყევები 2-4 %-ზე ზევით არ წასულა, სწორედ ეს გახდა ქართული კომპანიებისთვის ბოლო 1 თვეში ფასის 3–ჯერ გაზრდის მიზეზი.
იანვრის მონცემებთან შედარებით, თებერვალში მსოფლიო ბაზარზე ნავთობის ფასი მართლაც გაიზარდა, მაგრამ საინტერესოა, რამდენით გაიზარდა ფასი და რამდენად შეეძლო ამ ცვალებადობას საქართველოში ისედაც გაუიაფებელი საწვავის, კიდევ უფრო გაძვირება.
თუ მოსოფლიოში მიმდინარე პროცესებს დავაკვირდებით და მის ასახვას ქართულ ბაზარზე, აშკარად დავინახავთ, რომ ისინი თანხვედრაში არ მოდიან ერთმანეთთან. მსოფლიო ბაზარზე იანვრის თვიდან მოყოლებული დღემდე საწვავი 8%-ით გაძვირდა, საქართველოში კი ეს ზრდა 14 %-ს აღემატება, განსხვავება ფასების ზრდაში აშკარაა.“ განმარტა ბაირახტარმა.
დღეს ქართულ ბაზარზე ერთი ლიტრი რეგულარის ტიპის საწვავის ღირებულება 1.82 ლარს აღწევს.
ანალიტიკოსის განცხადებითვე საჭიროა დაჩქარდეს საწვავის ბაზრის კვლევა და დაიდოს საბოლოო ანგარიში.
„ასევე, მეტად საგულისხმო ფაქტია კომპანიების ერთობლივი და შეთანხმებული მოქმედება, როდესაც ყველა წამყვანი კომპანია ერთი მოცულობით და ერთსა და იმავე დროს ახდენს ფასების ზრდასა თუ კლებას, ეს კიდევ უფრო აღრმავებს ეჭვს იმის თაობაზე, რომ კომპანიებს შორის არსებობს კარტერული გარიგება და მათ შეთანხმებული ფასწარმოქმნის პოლიტიკა აქვთ. ამასთან დაკავშირებით აფბა-ს არაერთხელ უსაუბრია. ახალგაზრდა ფინანსისტები მოუწოდებენ კონკურენციის სააგენტოს, დააჩქაროს საწვავის ბაზრის კვლევა და საბოლოო ანგარიშის წარდგენა.“ განაცხადა ბაირახტარმა პრეს- კლუბში სტუმრობისას.
