ბარათაშვილის ხიდზე დღეს სარეაბილიტაციო სამუშაოები დაიწყო. ობიექტი თბილისის მერმა დავით ნარმანიამ, მერის მოადგილე გიორგი სოლომონიასთან და კეთილმოწყობის საქალაქო სამსახურის უფროს ავთანდილ სუდაძესთან ერთად დაათვალიერა.
პროექტი ითვალისწინებს ბარათაშვილის ხიდის სავალი და საფეხმავლო ნაწილის შეცვლასა და ნაგებობის ქვეშ არსებული მიწისქვეშა გადასასვლელის სრულ რეაბილიტაციას. აღდგენითი სამუშაოები ჩაუტარდება ხიდის სავალ ნაწილს, გაკეთდება ჰიდროიზოლაცია, მოეწყობა ახალი ტროტუარები და მიწისქვეშა გადასასვლელები.
ბარათაშვილის ხიდზე სარეაბილიტაციო სამუშაოების დათვალიერების შემდეგ, დავით ნარმანიამ უკვე ექსპლუატაციაში შესული მეტეხის საგვირაბო კომპლექსის გაგრძელებაზე არსებული ხიდები დაათვალიერა. მათი რეაბილიტაცია სამი თვის განმავლობაში მიმდინარეობდა. ხიდებზე ჩატარდა სადეფორმაციო ნაკერების რეაბილიტაცია, შეიცვალა ჰიდროიზოლაცია, მოეწყო ტროტუარები, მოაჯირები და გზის საფარი. შეკეთდა სანაპირო და შუალედური ბურჯები.
„მას შემდეგ რაც დავამთავრეთ მეტეხის გვირაბის მიმდებარედ არსებული ხიდების რეაბილიტაცია, დავიწყეთ სარეაბილიტაციო სამუშაოები ბარათაშვილის ხიდზე, რადგან ეს ორი ხიდი და გზა ერთმანეთთან ძალიან მჭიდრო კავშირშია. ბარათაშვილის ხიდზე დაზიანებების ხარისხი მაღალია. ამიტომ, მივიღეთ გადაწყვეტილება, ფუნდამენტურად გავაკეთოთ ხიდი და მის ქვეშ არსებული მიწისქვეშა გადასასვლელი, რათა ნაგებობაზე გადაადგილება უსაფრთხო და კომფორტული იყოს, როგორც ავტომობილებისათვის, ისე ფეხით მოსიარულეთათვის“,-განაცხადა თბილისის მერმა.
ბარათაშვილის ხიდის სარეაბილიტაციო სამუშაოებს შპს „ენ სი სი“ აწარმოებს, პროექტის მიხედვით სამუშაოების ვადად განსაზღვრულია 220 დღე. ხიდის რეაბილიტაციის პერიოდში საავტომობილო მოძრაობა ნაწილობრივ შეიზღუდება.
ბარათაშვილის ხიდის კვლევა-გამოცდა 2013 წელს საქართველოს ტექნიკურ უნივერსიტეტთან არსებულმა ხიდსაცდელმა ცენტრმა ჩაატარა. ნაგებობის გამოცდის შემდეგ მომზადებული დასკვნის საფუძველზე დადგენილია, რომ ხიდის ძირითადი კონსტრუქცია (ბურჯები და მალის ნაშენი) კარგ მდგომარეობაშია, შესაცვლელია ნაგებობის სავალი ნაწილი, ჰიდროიზოლაცია, ტროტუარები და მიწისქვეშა გადასასვლელები.
ბარათაშვილის ხიდი მე-20 საუკუნის 60–იან წლებში აშენდა. ნაგებობამ მანამდე არსებული რკინის კონსტრუქცია ჩაანაცვლა. აშენების შემდეგ, მისი რეაბილიტაცია არ განხორციელებულა.
ბარათაშვილის ხიდზე დღეს სარეაბილიტაციო სამუშაოები დაიწყო. ობიექტი თბილისის მერმა დავით ნარმანიამ, მერის მოადგილე გიორგი სოლომონიასთან და კეთილმოწყობის საქალაქო სამსახურის უფროს ავთანდილ სუდაძესთან ერთად დაათვალიერა.
პროექტი ითვალისწინებს ბარათაშვილის ხიდის სავალი და საფეხმავლო ნაწილის შეცვლასა და ნაგებობის ქვეშ არსებული მიწისქვეშა გადასასვლელის სრულ რეაბილიტაციას. აღდგენითი სამუშაოები ჩაუტარდება ხიდის სავალ ნაწილს, გაკეთდება ჰიდროიზოლაცია, მოეწყობა ახალი ტროტუარები და მიწისქვეშა გადასასვლელები.
ბარათაშვილის ხიდზე სარეაბილიტაციო სამუშაოების დათვალიერების შემდეგ, დავით ნარმანიამ უკვე ექსპლუატაციაში შესული მეტეხის საგვირაბო კომპლექსის გაგრძელებაზე არსებული ხიდები დაათვალიერა. მათი რეაბილიტაცია სამი თვის განმავლობაში მიმდინარეობდა. ხიდებზე ჩატარდა სადეფორმაციო ნაკერების რეაბილიტაცია, შეიცვალა ჰიდროიზოლაცია, მოეწყო ტროტუარები, მოაჯირები და გზის საფარი. შეკეთდა სანაპირო და შუალედური ბურჯები.
„მას შემდეგ რაც დავამთავრეთ მეტეხის გვირაბის მიმდებარედ არსებული ხიდების რეაბილიტაცია, დავიწყეთ სარეაბილიტაციო სამუშაოები ბარათაშვილის ხიდზე, რადგან ეს ორი ხიდი და გზა ერთმანეთთან ძალიან მჭიდრო კავშირშია. ბარათაშვილის ხიდზე დაზიანებების ხარისხი მაღალია. ამიტომ, მივიღეთ გადაწყვეტილება, ფუნდამენტურად გავაკეთოთ ხიდი და მის ქვეშ არსებული მიწისქვეშა გადასასვლელი, რათა ნაგებობაზე გადაადგილება უსაფრთხო და კომფორტული იყოს, როგორც ავტომობილებისათვის, ისე ფეხით მოსიარულეთათვის“,-განაცხადა თბილისის მერმა.
ბარათაშვილის ხიდის სარეაბილიტაციო სამუშაოებს შპს „ენ სი სი“ აწარმოებს, პროექტის მიხედვით სამუშაოების ვადად განსაზღვრულია 220 დღე. ხიდის რეაბილიტაციის პერიოდში საავტომობილო მოძრაობა ნაწილობრივ შეიზღუდება.
ბარათაშვილის ხიდის კვლევა-გამოცდა 2013 წელს საქართველოს ტექნიკურ უნივერსიტეტთან არსებულმა ხიდსაცდელმა ცენტრმა ჩაატარა. ნაგებობის გამოცდის შემდეგ მომზადებული დასკვნის საფუძველზე დადგენილია, რომ ხიდის ძირითადი კონსტრუქცია (ბურჯები და მალის ნაშენი) კარგ მდგომარეობაშია, შესაცვლელია ნაგებობის სავალი ნაწილი, ჰიდროიზოლაცია, ტროტუარები და მიწისქვეშა გადასასვლელები.
ბარათაშვილის ხიდი მე-20 საუკუნის 60–იან წლებში აშენდა. ნაგებობამ მანამდე არსებული რკინის კონსტრუქცია ჩაანაცვლა. აშენების შემდეგ, მისი რეაბილიტაცია არ განხორციელებულა.
