“ომი ისლამური სახელმწიფოს მებრძოლების განადგურების შემდეგ დასრულდება”_ვალსი

EURONEWS-ის ინფორმაციით, საფრანგეთი პირობას დებს,რომ პარიზში მომხდარი თავდასხმების გამო  "ისლამურ სახელმწიფოს" გაანადგურებს.

როგორც საფრანგეთის პრემიერ-მინისტრმა, მანუელ ვალსმა განაცხადა, მისი ქვეყანა ხანგძლივი ომის წინაშე დგას.

მან ასევე დასძინა,რომ დარწმუნებულია ისლამური სახელმწიფოს მებრძოლებს დაამარცხებენ.

"ერაყში ამ ტერორისტული ორგანიზაციის გავლენა მცირდება,რაც ინტენსიური დაბომბვევის შედეგია და ჩვენ გავაგრძელებთ დაბომბვას,"_განაცხადა საფრანგეთის პრემიერ-მინისტრმა.

მისივე თქმით, ომი მაშინ დასრულდება, როცა "ისლამური სახელმწიფოს" მებრძოლებს გაანადგურებენ.

"საფრანგეთის პრეზიდენტის და საფრანგეთის სურვილია,რომ ვიბრძოლოთ ომის დასრულებამდე, ვიდრე ერაყსა და სირიაში მათ მებრძოლებს არ გავანადგურებთ,"_განაცხადა ვალსმა.

როგორც ცნობილია, პარიზში მომხდარი ტერაქტის შემდეგ საფრანგეთმა ისლამური სახელმწიფოს დასაყრდენ ქალაქ რაქაზე საჰაერო იერიში მიიტანა.

გავრცელებული ინფორმაციით, საფრანგეთის მიერ განხორციელებული ავიაიერიშების შედეგად ორი სამხედრო ცენტრი დაიბომბა.