გაზაფხულზე ვარდის ნორჩი ამონაყარი განსაკუთრებულ ყურადღებას და მოვლას საჭიროებს ნიადაგის მორწყვისა და განოყიერების მხრივ. გაზაფხულზე (ან შემოდგომაზე) დაკალმებული ვარდის გადარგვა კი შეიძლება მომდევნო სეზონზე, თუმცა, გამართლებულია ერთი წლის გასვლის შემდეგ, ადგილის შეცვლა, როცა ფესვთა სისტემა უკვე გაძლიერებული იქნება. წინააღმდეგ შემთხვევაში, შესაძლოა, გახმეს; მეორე წელს კი ასეთი საფრთხე აღარ არსებობს. ამიტომ, ვარდის გამრავლების და მოშენების მსურველებმა საგანგებოდ უნდა დავიმახსოვროთ, რომ დაკალმებული ვარდის გადარგვა ყველაზე უკეთესია ერთი ან ორი წლის შემდეგ.
დაკალმებული ვარდისთვის კარგია, თუ გამოვიყენებთ ბიოენერგოაქტივატორს _ ბიორაგს, რომელიც მაქსიმალურად უწყობს ხელს მცენარის ფესვებიდან საკვები ნივთიერებების შეთვისებას და მის სწორ გადაადგილებას მცენარეში. აგრეთვე, დაფესვიანების და ზრდის დაჩქარებაშიც მონაწილეობს. ასევე, გვახსოვდეს, რომ ვარდის კალმების ადვილად დასაფესვიანებლად აუცილებელია მისი სწორად და დროულად აჭრაც გვიან შემოდგომაზე და ადრე გაზაფხულზე. უნდა შევარჩიოთ უქარო, მშრალი ამინდი, როცა ყინვა არაა.
