საქართველოსა და ევროკავშირს შორის გაფორმებული ასოცირების შეთანხმება დღეიდან სრულად ამოქმედდა.
2016 წლის 1 ივლისს ამოქმედებულ მუხლებს შორისაა საგარეო და უსაფრთხოების პოლიტიკასთან დაკავშირებული ნაწილი, სადაც მხარეები თავიანთ ერთგულებას საქართველოს ტერიტორიული მთლიანობის, საერთაშორისოდ აღიარებული საზღვრების ურღვევობის, სუვერენიტეტისა და დამოუკიდებლობის პრინციპების მიმართ კიდევ ერთხელ ადასტურებენ.
დღეიდან ასევე სრულად ამოქმედდა მუხლები, რომლებიც დაკავშირებულია პერსონალურ მონაცემთა დაცვასთან, გარდა ამისა თანამშრომლობა მიგრაციის, თავშესაფრისა და საზღვრის მართვის სფეროებში, ორგანიზებული დანაშაულისა და კორუფციის წინააღმდეგ, საჯარო ფინანსების მართვა და ფინანსური კონტროლი, ტრანსპორტი, გარემოს დაცვა, კორპორაციული სამართალი, ბუღალტრული აღრიცხვა და აუდიტი, კორპორაციული მმართველობა, განათლება და ჯანდაცვა.
ასევე, ძალაში შევიდა შეთანხმების ორი დარჩენილი დანართი, რომლებიც ეხება განათლების და ახალგაზრდობის, ასევე, აუდიოვიზუალურ და მედიის სფეროებში თანამშრომლობას.
"საქართველო-ევროკავშირის ასოცირების შეთანხმება ძალაშია!
2016 წლის 1 ივლისს საქართველოსა და ევროკავშირს შორის ასოცირების შეთანხმება, მისი 431-ე მუხლის თანახმად, ძალაში შევიდა მას შემდეგ რაც 23 მაისს ევროკავშირის საგარეო საქმეთა საბჭომ მიიღო გადაწყვეტილება რატიფიკაციის პროცედურების დასრულების თაობაზე. რატიფიკაციის საკმაოდ შრომატევადი პროცესი, ორ წელზე ნაკლები გაგრძელდა და მასში მონაწილეობდნენ ევროპარლამენტი, ევროკავშირის 28 წევრი ქვეყნისა და საქართველოს საკანონმდებლო ორგანოები. შეთანხმების უპრეცედენტოდ მოკლე ვადებში რატიფიკაცია ცალსახად წარმოადგენს ევროკავშირის წევრი ქვეყნების მხრიდან საქართველოს ევროპული გზის მტკიცე მხარდაჭერას.
1 ივლისი კიდევ ერთი მნიშვნელოვანი თარიღია საქართველო-ევროკავშირის ურთიერთობების ისტორიაში, ვინაიდან ასოცირების შეთანხმება უკვე ოფიციალურად გახდა ევროკავშირთან სრულიად ახალი, მაღალი დონის თანამშრომლობის განმსაზღვრელი ძირითადი სამართლებრივი ჩარჩო. დღეიდან, ოფიციალურად ამოქმედდა ხელშეკრულების ყველა დებულება და საქართველოს პოლიტიკური ასოცირებისა და ეკონომიკური ინტეგრაციის პროცესი, რომელიც ევროპული პოლიტიკური, სავაჭრო-ეკონომიკური, სოციალური და სამართლებრივი სტანდარტების დანერგვას გულისხმობს, შეუქცევადად და სრულმასშტაბიანად წარიმართება", _ აღნიშნულია საქართველოს საგარეო საქმეთა სამინისტროს მიერ გავრცელებულ განცხადებაში.
შეგახსენებთ, საქართველოსა და ევროკავშირს შორის ასოცირების შეთანხმებას ხელი 2014 წლის 27 ივნისს, ბრიუსელში მოეწერა. საქართველოს მხიდან მას ხელი იმჟამინდელმა პრემიერ-მინისტრმა ირაკლი ღარიბაშვილმა მოაწერა.
ასოცირების შეთანხმების უდიდესი ნაწილი, ღრმა და ყოვლისმომცველი თავისუფალი ვაჭრობის შესახებ შეთანხმების ჩათვლით, 2014 წლის 1 სექტემბრიდან შევიდა ძალაში.
ამავე თემაზე:
ევროკავშირი მიგრანტების კრიზისის გამო ვიზალიბერალიზაციის პროცესს აფერხებს
ევროპარლამენტმა თურქეთის ვიზალიბერალიზაციის საკითხის განხილვის პროცესი შეაჩერა
რას აცხადებს ევროკომისარი საქართველოს ვიზალიბერალიზაციაზე
"ნაციონალური მოძრაობის" ანტიქართული გეგმა ჩავარდა" _ ზვიად კვაჭანტირაძე განცხადებას ავრცელებს
"არავითარი "ვიზა ლიბერალიზაციის კენჭისყრა" არ ყოფილა" _ კანდელაკი კვაჭანტირაძეს პასუხობს
ზვიად კვაჭანტირაძე: "ოჰ, ეს თმენის ვალდებულება რააა!"
გიორგი კვირიკაშვილი: "ესაა ჩვენი დაბრუნება ევროპაში დამოუკიდებლობის პერიოდის შემდგომ"
ევროკომისია სრულად უჭერს მხარს საქართველოსთვის უპირობო ვიზალიბერალიზაციას
პარლამენტმა ვიზალიბერალიზაციასთან დაკავშირებით მიმართვა მიიღო
ევროპარლამენტის კომიტეტი საქართველოსთვის ვიზალიბერალიზაციის საკითხს 20-21 აპრილს განიხილავს
რა სასიხარულო ამბავი ჩამოიტანა საქართველოში ევროკომისარმა
გვექნება თუ არა ზაფხულში უვიზო მიმოსვლა ევროპასთან
მითები და რეალური ფაქტები უვიზო მიმოსვლის შესახებ
ევროკავშირთან ვიზალიბერალიზაციის პროცესი ზაფხულისთვის დასრულდება – დავით ბაქრაძე
"კეთილი იყოს თქვენი მობრძანება ევროკავშირში" _ ბერნარ კუშნერის მილოცვა საქართველოს
