ქალი პოლიტიკოსის კვირა _ მედეა მახარობლიძე

ერთი კვირა არის დეპუტატის საქმიანობის მხოლოდ ის მცირე მონაკვეთი, რომელის წარმოდგენილია მუნიციპალიტეტის საკრებულოს საქმიანობის ერთიან ჯაჭვში და რომლის შედეგებიც აისახება იმ ცვლილებებში, რომლებიც ხორციელდება ქალაქის ტერიტორიაზე.

ჩემი როგორც ქალაქის მუნიციპალიტეტის საკრებულოს დეპუტატის საქმიანობას განსაზღვრავს მუნიციპალიტეტის ქონების მართვისა და ბუნებრივი რესურსების საკითხთა კომისიის მუშაო–ბის სპეციფიკა, ასევე ჩემი როგორც ქალი დეპუტატის საზოგადოებრივი საქმიანობა, რომელიც მოიცავს ამომრჩევლებთან შეხვედრას, მათ სოციალურ საყოფაცხოვრებო პირობების შესწავლასა და შესაბამის რეაგირებას, ასევე ქალის, როგორც ოჯახის დიასახლისისა და შვილების დედის მონიჭებულ უფლებებისა და ვალდებულებების განხორციელებას.

ორშაბათი 26 სექტემბერი

სამუშაო კვირა, როგორც წესი, იწყება გასული კვირის პარასკევს შედგენილი გეგმის დაზუსტებითა და კორექტირებით. ამჯერად კომისიის წინაშე დადგა საკითხი ქ. ოზურგეთის მუნიციპალიტეტის მერის მიერ გადმოგზავნილი წერილისა და დანართის თანახმად საკრებულოს სხდომაზე უნდა განხილულიყო საქართველოს ადგილობრივი თვითმმართველობის ეროვ–ნული ასოციაციის მიერ წარმოდგენილი გზმკვლევი „ქალაქ ოზურგეთში კლიმატის ცვლილება–სთან ადაპტაციის კონცეფცია“. წარმოდგენილი დოკუმენტაციის წინასწარი განხილვისას გამოიკვეთა, რომ აუცილებელია კლიმატის ცვლილების შემარბილებელი პრევენციული ღონისძიებების შემუშავება, საჭირო პარამეტრების დადგენისა და ანალიზის მიზნით მოკვლეულიყო მასა–ლიბი, რომლებიც ასახავდა ქალაქში, რაიონში ამინდის ცვლილების გრძელვადიან სტატისტიკას და აქედან გამომდინარე კლიმატის ცვლილების მასალების გაანალიზებით შედგებოდა კლიმატის ცვლილების დინამიკა. მოპოვებულ იქნა ის მრავალწლიან სტატისტიკურ მონაცემები, რომლების დაგროვილ იქნა 1964-1990 წლებში ოზურგეთის სოფელ შეკვეთილში კოლხეთის კლიმატური გამოცდების სამეცნიერო-კვლევით ცენტრის კლიმატური კვლევების და ანასაულის მეტეოსადგურის მონაცემების საფუძველზე, რომლის თანახმად ოზურგეთის მუნიციპალიტეტი მდებარეობს დასავლეთ საქართველოს უკიდურეს დასავლეთ ზონაში გურიის მთისწინეთის ქვეოლქში. აჭარა-გურიის ქედი, რომელიც ესაზღვრება მუნიციპალიტეტს წარმოადგენს მთათა ერთობლიობას. მუნიციპალიტეტის ტერიტორიაზე ნამდვილი სუბტროპიკული ლანდშაპტია მისთვის დამახასიათებელი კლიმატური, ნიადაგური და გეობოტანიკური პირობებით. ტერიტორიის რელიეფი ბორცვიანია, ალაგ-ალაგ დაბალმთიანი, უმეტეს ნაწილში აბსოლუტური სიმაღლე ზღვის დონიდან 200-300 მეტრს არ აღემატება.

ოზურგეთის ჰავა ხასიათდება ზღვის სუბტროპიკული ნოტიო კლიმატით, ნალექების სიუხვით და მშრალი ზაფხულის სეზონის უქონლობით, რაც განპიროვნებულია შავი ზღვის სიახლოვით. ოზურგეთი ზღვის დონიდან საშუალოდ 80 მეტრ სიმაღლეზე იმყო-ფება.

ნალექების წლიური რაოდენობა შეადგენს 2189-2800 მმ-ს. საშუალო წლიური მაქსიმალური ტემპერატურა + 18,გ გრადუსია; საშუალო მინიმალური ტემპერატურა + 1,9 გრადუსი. ყველაზე თბილი თვეა აგვისტო + 22,3 გრადუსი, ყველაზე ცივი იანვარი + 4,5-დან მერყეობს + 5,2 გრადუსამდე. ტემპერატურის საშუალო წლიური ამპლიტუდა არის + 16,6 გრადუსი, საშუალო სადღეღამისო ტემპერატურა + 13,6 გრადუსი. საშუალო ფარდობითი ტენიანობა 83 % -ია. ნალექიან დღეთა რაოდენობა მერყეობს 150-დან 190 დღემდე. ნალექების დიდი რაოდენობა მოდის შემოდგომასა და ზამთარში. ჯამური მზის რადიაცია 8,3 კკალ/სმ2 თვეში. მზია ნათების საათობრივი რიცხვი იცვლება 1549 საათიდან 1700 საათამდე. ჰაერის დამტვერიანება შეადგენს 29710 მგ/მ2 დღე-ღამეში. ჰაერის მარილიანობა შეადგენს 2,6 მგ/მ2 დღე-ღამეში. ქარის სიქარე 2,2 მ/წმ. როგორც მერიის მიერ წარმოდგენილ დოკუმენტებით გამოიკვეთა გზამკვლევის ძირითადი მიზანი იყო დათბობით გამოწვეული ტემპერატურის ცვლილელებისადმი ადაპტირება. ჩემს მიერ მოპოვებული მასალებით გამოიკვეთა, რომ უფრო მიზანშეწონილია ვიფიქროდ არა ადაპტაციაზე, არამედ პრევენციაზე. ჩაის, სუბტოპიკულ კულტურათა ანასეულის სამეცნიერი-კვლევითი ინსტიტუტის სამეცნიერო შრომებით დამტკიცდა, რომ ტყის მასივების, ქარსაფარი ზოლების საგანგაშო შემცირებამ, სასარგებლო წიაღისეულის (მათ შორის ქვიშა-ხრეშის, ბენტონიტური თიხების, კაოლინისა და ოქრას) დაუსაბუთებულმა მოპოვებამ რაიონში გამოიწვია მიკრო კლიმატის ცვლილება ანუ განხორციელდა ადაფური, გეომორფოლოგიური, აბიოტური პროცესების ცვლილება, რაც გამოიხატება მეწყერული და ეროზიული პროცესების გააქტიურებით, გაბატონებული ქარების მომატებით, მდინარეთა კალაპოტების ცვლილებით, ნატანის შემცირებით, რაც გავლენას ახდეს შავი ზღვის სანაპირო ზოლია ფორმირებაზე.

სამსახურის შემდეგ ოჯახურ გარემოში შვილებთან ერთად განხილულ იქნა ის პრობლემები, რომლებიც დგას ოჯახის წინაშე, როგორც ყოფითი ასპექტით, ასევე ეკონომიური თუ საყოფაც–ხოვრებო კუთხით, შევთანხვდით იმ საკითხებზე, რომლებიც ცალ–ცალკე უნდა მოეგვარებინა თითოეულ ჩვენგანს.

სამშაბათი 27 სექტემბერი

ორშაბათს მოპოვებული მასალების საფუძველზე შედგენილ იქნა კლიმატის ცვლილებასთან დაკავშირებული პრევენციული ღონისძიებების გეგმა, რომელიც განხილულ იქნა მუნიციპალიტეტის ქონების მართვისა და ბუნებრივი რესურსების საკითხთა კომისიის სხდომაზე. სხდომაზე გამოთქმული მოსაზრებების საფუძველზე ჩამოყალიბდა ერთიანი აზრი, რაც წარმოდგენილ იქნა კომი–სიის დასკვნის სახით. კერძოდ: ცნობად იქნას მიღებული კომისიის მოკვლეული მასალებისა და „ქალაქ ოზურგეთში კლიმატის ცვლილებასთან ადაპტაციის კონვენციის“ გზამკვლევის შეჯერებული ვარიანტი. კლიმატის ცვლილების შერბილების მიზნით დაისახა შემდეგი ღონისძიებები: ქალაქში გამავალ მდინარეებიდან აუცილებელია შეწყდეს ქვაღორღის მოპოვება, რათა ბუნებრივად გაგრძელდეს შავი ზღვის სანაპირო ზოლის ფორმირება.; ) ქალაქში გამავალ მდინარეებსა და მათ შენაკადებზე შეიზღუდოს კასკადური ელექტროსადგურების მშენებლობა, რათა მაქსიმალურად იქნას შენარჩუნებული მდინარეთა ხეობებში არსებული ხელუხლებელი ფლორა და ფაუნა; ქალაქში აიკრძალოს ისეთი საწარმოთა მშენებლობა და ექსპლუატაცია, რომლებიც არსებული ტექნოლოგი–ური პროცესების პირობებში ვერ უზრუნველყოფენ ჰაერის, წყლის დაბინძურების თავიან აცილებას და ნახმარი წყლების მაქსიმალურად გასუფთავებას; კულტურისა და ძეგლთა დაცვის სამინისტროს წინაშე წარდგეს პროექტები, რომლებიც ქალაქში არსებულ ისტორიულ ძეგლებს მიიყვანს იმ კონდიციამდე, რომ ისინი არ დაკარგავენ ისტორიული ძეგლის მნიშვნელობას და ამასთან მიმზიდ–ველი იქნებიან ტურისტებისათვის; გზამკვლევის ის ნაწილი, რომელიც შეეხება კლიმატის ცვლილებას 2050 და 2100 წლებში მიღებულ იქნა მთლიანად სახელმძღვანელოდ, წარმოდგენილი ფორმით.

კომისიის მუშაობა აისახა კომისიის სხდომის ოქმში. მომზადდა მასალები, რომლებიც უნდა განხილულიყო საკრებულოს ბიუროს სხდომაზე.

სამუშაოს დამთავრების შემდეგ ოჯახის წევრებმა ერთმანეთს გავუზიარეთ ორშაბათს დაგეგმილ საკითხთა შესრულების მდგომარეობა.

ოთხშაბათი 28 სექტემბერი

კომისიამ განიხილა ქ. ოზურგეთის მუნიციპალიტეტის მერიის ეკონომიური განვითარების, ქონების მართვის, ინფრასტრუქტურის, ტრანსპორტისა და კეთილმოწყობის სამსახურისა და სივრცითი მოწყობის, არქიტექტურული, ურბანული განვითარებისა და მშენებლობის სამსახურს მიერ გემებით გათვალისწინებულ სამუშაოთა შესრულების მდგომარეობას. კერძოდ სამსახურების მიერ შემუშავებული და მისაღებად წარმოდგენილი ქონების პრივატიზების, სარგებლობისა და მართვის უფლებით სარგებლობის წესი, რის საფუძველზედაც უნდა აღრიცხულიყო და დარეგისტრირებულიყო ქალაქის საკუთრებაში გადმოცემული უძრავ-მოძრავი ქონება. განხილულ იქნა დასრულებული რეგიონალური პროექტების ფონდიდან დასაფინანსებელი სამუშაოები; კერძოდ საავტომობილო გზის სარეაბილიტაციო სამუშაოები წმიდა გიორგის ქუჩაზე; 310 ათასი ლარის ღირებულების ნაპირსამაგრი სამუშაოები; მრავალსართულიანი ბინების შიგა ეზოების კეთილმოწყობა. გრიბოედოვის ქუჩაზე ჩატარდა 420,0 ათასი ლარის სარეაბილიტაციო სამუშაოები, ხოლო ჭავჭავაძის ქუჩაზე 8 ათასი ლარის. ბესიკის ქუჩაზე შესრულდა სავალი ნაწილის აღდგენა. ქალაქის ქუჩებში მოეწყო საგზაო ნიშნები და საგზაო ნიშნები იქნა დატანებული გზებსა და მოედნებზე.

დღის მეორე ნახევარში განხილულ იქნა ქალაქ ოზურგეთის ჭავჭავაძის ქუჩის მე–19 ბინის მე–2 სადარბაზოს მცხოვრებთა თხოვნა საცხოვრებელი სახლების სახურავების აღდგენის სადარბაზოში შექმნილი მძიმე ვითარების გამოსწორების თაობაზე. ქალაქის მერიის შესაბამის სამსახურებს წარედგინა მოთხოვნა შექმნილი მგომარეობის გამოსასწორებლად დასასახი სამუშაოებისა და გემის წარმოდგენის შესახებ.

ხუთშაბათი 29 სექტემბერი

კომისიის მიერ განხილულ იქნა ქალაქის დასუფთავების მდგომარეობის შესწავლა, ქალაქის ქუჩებში საამშენებლო ნარჩენების გამოვლენა და ა(ა)იპ-ის “ოზურგეთის სერვის ცენტრთან” ერთად ნარჩენების გატანისა და მსგავსი დარღვევების თავიდან აცილების პრევენციული ღონისძიებების დაგეგმვა-გატარება. გეგმა. გამოიკვეთა, რომ უკანასკნელ წლებში მნიშვნელოვნად გაიზარდა ქვეყანაში იმპორტის მოცულობა. ქალაქში, ისევე როგორც საქართველოში დიდი ოდენობით შემოვიდა საკვები პროდუქტები ისეთი შესაფუთი მასალებით, რომელთა უტილიზაცია ბუნებრივი გზით დროშია გაწელილი – მათი ქიმიური შემადგენლობის გამო, ხოლო დაწვისას გამოიყოფა მავნე აირები, რომლებიც აბინძურებენ გარემოს, ასეთივე პრობლემებს ჰქმნის მინერალური წყლებისა და უალკოჰოლო სასმელების ერჯერადი გამოყენების ტარა მასალა. დღეისათვის არაა დამუშავებული ასეთი მასალების გაუვნებლების და უტილიზაციის ტექნოლოგია, ხოლო მათი დამარხვითა და ბუნებრივი დაშლით ხდება მიწის ქვედა ფენების მოწამლა. დღეს არსებული ნაგვის გატანის შემუშავებული პრაქტიკის პირობებში შეუძლებელია, ერთმანეთში არეული სხვადასხვა დასახელების ნაგვის განცალკევება, მისი შემდგომი გადამუშავების და გამოყენების მიზნით., სამსახურის წინაშე დაისვა საკითხი, ხომ არ გადასულიყო ქალაქი სხვადასხვა ტიპის ნარჩენების განცალკევებისა და ნარჩენების მართვის ახალ მოდელზე, რაც თავისთავად დიდ სირთულეებთანაა დაკავშირებული, მაგრამ არსებული ვითარება და ევროპელ პარტნიორთა მიერ ჩატარებული სემინარებისა და ტრენინგების საფუძველზე იკვეთება, რომ დღის წესრიგში დგება არასამშენებლო ნარჩენების გადამუშავებასა და გამოყენების საკითხი და გარკვეული მოსამზადებელი სამუშაოების ჩატარების გარეშე პრობლემის მოგვარება შეუძლებელია. სერვის ცენტრის ხელმძღვანელობამ მზაობა გამოხატა აღნიშნულ საკითხზე, მაგრამ ამ ეტაპზე აუცილებელია სხვადასხვა ტექნიკური პრობლემების მოგვარება, მათ შორისაა ცენტრის გადაიარაღების საკითხი, მოსახლეობის ინფორმირებისა და მომზადების რთული პროცესის განხორციელება. ნაგავსაყრელის მოდერნიზაციისა და მომზადების პროცედურები. საკანონმდებლო ბაზის ცვლილება და სხვა. შეხვედრაზე გადაწყდა ერთობლივი საქმიანობისათვის გეგმის შედგენის თაობაზე.

პარასკევი 29 სექტემბერი

კომისიამ იმსჯელა ქალაქის გზებისა და ტროტუარების რეკონსტრუქცია რეაბილიტაციის პირობებში არსებული მწვანე ნარგავების, პარკების, ტყეპარკების და სკვერების მდგომარეობს შესახებ. არსებული მასალებისა და დოკუმენტაციის წინასწარი შესწავლის საფუძველზე გამოიკვეთა, რომ არსებული მცენარეული საფარი (ტყის ფონდის გარდა) მოიცავს იმ პარკებს, ტყე-პარკებსა და სკვერებს, რომლებიც გაშენდა რაიონის ტერიტორიაზე, რომელსაც დროთა განმავლობაში დაეკისრა როგორც ესთეთიკური, ისე სასიცოცხლო და ნიადაგდაცვითი ფუნქცია.

ქალაქის მწვანე ნარგავების საერთო ფართი შეადგენს 87 ჰექტარს და შექმნილია იაპონური მუხის, ლუგუსტერმიას, ჭადრის, მარაოსებრი პალმის და სხვა ჯიშის მცენარეებით. ქალაქის გამწვანება მოითხოვს ახალი ნარგავებით განახლებას. ქალაქის ტერიტორიაზე არსებული ჭადრის ხეები, რომელთა დეკორატიული გასხვლა წარმოებდა არსებული წესების უგულებელყოფით მობერებული, გამხმარია და ქალაქის იერსახეს აუშნოებს. კინოთეატრის პარკში არსებული ჭადრების ბაღში აუცილებელია დეკორატიული გასხვლის ჩატარება. კომისიის მიერ მომზადდა რეკომენდაცია, რომელიც გადაეგზავნა ქალაქის მერიას, კერძოდ: ა) ჩატარდეს სკვერებში, ტყეპარკებში, პარკებში, ქარსაფარ ზოლებში ინვენტარიზაცია, რთა გამოვლინდეს ხმელი, ზეხმელი, ფაუტი და დაზიანებული მწვანე ნარგავები, და ის შეიცვალოს ახალით (მსგავსი ჯიშის ან ფოთლოვანი ხეებით); რათა შეჩერდეს მეწყერული მოვლენები, რომლებიც შეიმჩნევა ქალაქის გარეუბნებში. ბ) ქალაქის ტერიტორიაზე დეკორატიული ხეები თანდათან შეიცვალოს ჭადრის ხეებით, როგორც ეს ხდება ევროპის ქვეყნებში;

დღის მეორე ნახევარში მე ვმონაწილეობდი, როგორც კომისიის წევრი ქ. ოზურგეთის მუნიციპალიტეტის საკრებულოს სამანდატო, საპროცედურო, იურიდიულ საკითხთა და ეთიკის კომისიისა და ოზურგეთის მუნიციპალიტეტის საკრებულოს სივრცით–ტერიტორიული დაგეგმარების და ინფრასტრუქტურის კომისიის ერთობლივ სხდომის მუშაობაში, რომელზედაც განიხილებოდა არასამთავრობო ორგანიზაციათა მიერ მომზადებული სარეკომენდაციო წერილი, რომლითაც ისინი ითხოვდნენ „ქალაქ ოზურგეთის მუნიციპალიტეტის ტერიტორიაზე არსებულ ქუჩებზე საგზაო მოძრაობის დაგეგმარების შესახებ“ განკარგულების ბათილად ცნობას იმ მოტივით, რომ განკარგულების შინაარსი აწესებს ქცევის ზოგად წესს, რაც კანონის დარღვევაა, რადგან ასეთი შინაარსის მქონე ნორმატიული აქტი უნდა გამოცემულიყო ნორმატიული ადმინისტრაციული აქტის – დადგენილების სახით. სხდომის მონაწილეების მიერ მიღებულ იქნა შეთანხმება, რომ საკითხი განსახილველად საკრებულოს გაეგზავნა საქართველოს მთავრობის ადმინისტრაციის იურიდიულ დეპარტამენტისთვის სამართლებრივი ექსპერტიზის მიზნით.

კომისიის დასრულების შემდეგ ჩემს მიერ ჩამოწერილ იქნა ის საკითხების, რომლის შესწავლასა და განხილვას ვაპირებდი მომავალ კვირაში.

მედეა მახარობლიძე,

ქალაქ ოზურგეთის მუნიციპალიტეტის საკრებულოს ქონების მართვისა და ბუნებრივი რესურსების საკითხთა კომისიის თავმჯდომარე