UEFA-მ ჩემპიონთა ლიგის საუკეთესო მოთამაშეების კანდიდატები დაასახელა

UEFA-მ ვებ გვერდზე ჩემპიონთა ლიგის 2016/2017 წლების სეზონის საუკეთესო მოთამაშეების პოზიციაზე წარდგენილი კანდიდატების სია გამოაქვეყნა.

შერჩეულ 12 ფეხბურთელს შორის კი ტურნირის გასული სეზონის გამარჯვებული, „რეალ მადრიდი“ ლიდერობს.

UEFA-ს მიერ გამოქვეყნებულ სიაში „რეალ მადრიდის“ 6 ფეხბურთელი მოხვდა.

„გურია ნიუსი“ UEFA-ს მიერ გამოქვეყნებულ სიას გთავაზობთ:

მეკარეები :_ ჯანლუიჯი ბუფონი („იუვენტუსი“) მანუელ ნოიერი („ბაიერნი“), იან ობლაკი („ატლეტიკო“);

მცველები:_  ლეონარდო ბონიჩი („იუვენტუსი“, ახლა „მილანი“), მარსელო („რეალ მადრიდი“), სერხიო რამოსი (რეალ მადრიდი“);

ნახევარმცველები :_ კაზემირო ( „რეალ მადრიდი“), ტონი კოროსი („რეალ მადრიდი“ ), ლუკა მოდრიჩი („რეალ მადრიდი“);

თავდამსხმელები _ პაულ დიბალა („იუვენტუსი“), ლიონელ მესი ( „ბარსელონა“), კრიშტიანუ რონალდუ (რეალ მადრიდი).

როგორც ცნობილია, 2016/2017 წლების სეზონის საუკეთესო მოთამაშეების გამოსავლენად UEFA-ს ჟიური  32 კლუბის მწვრთნელით და ევროპის სპორტული მედიის 55 ჟურნალისტითაა დაკომპლექტებული.

UEFA -ს ცნობით, ჟიურიში არ არიან იმ გუნდების მწვრთნელები, რომელი გუნდების ფეხბურთელებიც, შესაძლოა, საუკეთესო მოთამაშეებად დასახელდნენ.

როგორც ცნობილია, UEFA-ს ჩემპიონთა ლიგის 2016/2017 წლების სეზონის საუკეთესო მოთამაშეების დაჯილდოება 24 აგვისტოს, მონაკოში გაიმართება.