სინგაპურში საზღვაო ავარიის შედეგად 5 მეზღვაური დაიკარგა. აღნიშნულ ინფორმაციას BBC ავრცელებს.
როგორც ცნობილია, ერთმანეთს ტანკერი და საზღვაო ექსკავატორი შეეჯახნენ.
გავრცელებული ცნობით, ექსკავატორზე ეკიპაჟის 12 წევრი იმყოფებოდა, რომელთაგან 7 საავადმყოფოში გადაიყვანეს.
ტანკერზე მყოფი 26 ადამიანიდან კი არავინ დაშავებულა.
როგორც ცნობილია, სამაშველო-სამძებრო ოპერაცია მიმდინარეობს და მასში ვერტმფრენიც მონაწილეობს.
