გერმანიაში ქართველი სტუდენტი გარდაცვლილი იპოვეს. ქუთაისელი სტუდენტი 2 ოქტომბერს გარდაიცვალა.
19 წლის ბახვა იმედაძე გერმანიაში სასწავლო კურსით წავიდა. გამგზავრებამდე ის წერეთლის უნივერსიტეტის აგრარული ფაკულტეტის სტუდენტი იყო, თუმცა გაცვლითი სასწავლო კურსის გამო, სტუდენტის სტატუსი შეუჩერდა.
“ფაქტი ნამდვილად მოხდა, მაგრამ რა მიზეზით, არ ვიცით. ის იყო ჩვენი სტუდენტი, მაგრამ გაცვლითი პროგრამის გამო შეიჩერა სტატუსი და წავიდა. მომხდარის გამო მწუხარებას გამოვთქვამთ”, – განაცხადა წერეთლის უნივერსიტეტის პრორექტორმა შალვა კირთაძემ.
ქართველი სტუდენტის გარდაცვალების მიზეზი, ჯერჯერობით, უცნობია.
