ჩქაროსნული ავტომაგისტრალის ქუთაისის შემოვლითი გზის, სამტრედია-ქუთაისის 31 კმ-იანი მონაკვეთი 2017 წლის 22 მაისს ცალმხრივად ჩაიკეტა. მაშინ საავტომობილო გზების დეპარტამენტი, გზის ჩაკეტვის მიზეზად, თბილისი-სენაკი-ლესელიძის მონაკვეთზე დაფიქსირებულ მრავალ დარღვევს ასახელებდა, კერძოდ კი დაწესებული რეჟიმებისადმი დაუმორჩილებლობას. დღეს მძღოლებს აღნიშნულ მონაკვეთზე მოძრაობის უფლება ეძლევათ მხოლოდ დასავლეთიდან აღმოსავლეთის მიმართულებით, დასავლეთისკენ მოძრავ ავტომობილებს კი ქუთაისის გავლით უწევთ მოძრაობა. ჩქაროსნული ავტომაგისტრალის ქუთაისის შემოვლითი გზაზე მიმდინარე სამუშაოებთან და მის გახსნასთან დაკავშირებით ,,გურია ნიუსი“ საავტომობილო გზების დეპარტამენტის თავმჯდომარეს გიორგი სეთურიძეს ესაუბრა. მისი განცხადებით, ქუთაისის შემოვლითი გზის აღნიშნულ მონაკვეთზე მიმდინარეობს გარეგანათების ქსელების მოწყობა: ზოლების და დამტებითი საგზაო ნიშნების მოწყობა, ასევე, მონტაჟდება ვიდეო-სამეთვალყურეო სისტემები, რომლის დასრულების შემდეგ იქნება მსჯელობა გახსნასთან დაკავშირებით, თუ როდის უნდა გაიხსნას გზის 31 კმ-იანი მონაკვეთი.
_ რატომ ჩაიკეტა ქუთაისის შემოვლითი გზა?
ქუთაისის შემოვლითი გზა აშენებულია ძალიან მაღალი სტანდარტებით. მიუხედავად იმისა, რომ გზა არის საკმაოდ ხარისხიანი, დაწესებულია სიჩქარის შეზღუდვა 90კმ/სთ-ში, მძოლები უმეტესწილად ამას არ ითვალისწინებდენ, მოძრაობდენ სიჩქარის გადაჭარბებით და გასწრების მანევრირების არასწორად შესრულების დროს ხშირად ხდებოდა ავტოსაგზაო შემთხვევა, რასაც ზოგჯერ მოყვებოდა მგზავრების გარდაცვალებაც. მაშინ საპატრულო პოლიციასთან ერთად, მივიღეთ გადაწყვეტილება, რომ სანამ არ მოხდებოდა ამ მონაკვეთზე სიჩქარის მკაცრი კონტროლი, მანამდე გაცალმხრივებულიყო, რაც საშუალებას მოგვცემდა, შემხვედრი მოძრაობიდან გამოწვეული და გასწრების შედეგად ავტოსაგზაო შემთხვევები თავიდან აგვეცილებინა, ამიტომ ჩაიკეტა გზის აღნიშნული მონაკვეთი,
_ ამ ეტაპზე, ქუთაისის შემოვლითი გზის მონაკვეთზე, რა სახის სამუშაოები მიმდინარეობს?
მთავრობის განკარგულებით, შსს ერთად საავტომობილო გზების დეპარტამენტმა დაიწყო ამ პრობლემაზე მუშაობა და ახლა კი მიმდინარეობს თანამედროვე სიჩქარის საკონტროლი მოწყობილობების მონტაჟი, როგორც კი ეს მოწყობილობები სრულად იქნება დამონტაჟებული, ხელახლა იქნება მსჯელობა და შესაბამისი გადაწყვეტილება მიღებული. თვითონ ამ სისტემებს თუ დააკვირდებით, ხაშურამდე უკვე მოხდა მათი მონტაჟი. ეს არის სექციური რადარები, რომელიც აკონტროლებს გადაადგილების სიჩქარეს _ არ აქვს მნიშვნელობა, კამერებთან რა სიჩქარით გაივლის ავტომობილი, მანდ თქვენი საშუალო სიჩქარე ითვლება.
_ საუბრობენ გზის არასწორ დაპროექტებასა და მშენებლობაზე…
_ ეს არ შეესაბამება სიმართლეს. გზა არის აშენებული სრული სტანდარტებით. კვანძები და ხიდები აშენებულია იმის გათვალისწინებით, რომ როდესაც მოიმატებდა მოძრაობის ინტესივობა, უნდა აშენებულიყო დამატებით ორი ზოლი. ახლა, ამ ეტაპზე მოძრაობაის ინტესივობა ამის საჭიროებას არ მოითხოვს, მაგრამ რადგან მძღოლები არ იცავდენ სიჩქარის რეჟიმს, აქედან იყო გამოწვეული ყველა ავტოსაგზაო შემთხვევა.
_ როდის გაიხსნება ქუთაისის შემოვლითი გზა?
_ ველოდებით მუშაობის დასრულებას. როგორც კი დასრულდება და დამონტაჟდება შესაბამისი ხელსაწყოები, შემდგომაზე იქნება მსჯელობა გზის გახსნასთან დაკავშირებით. რაც შეეხება ვადებს, იმედია, რომ ზაფხულამდე ეს მოწყობილობები გვექნება მუშა რეჟიმში.
_ გავრცელებული ინფორმაციით, აღნიშნული გზის მონაკვეთზე, მეორე ზოლის მშენებლობა რიკოთის მონაკვეთის მშენებლობის დასრულების შემდეგ დაიწყება, რამდენად შეესაბამება აღნიშნული ინფორმაცია სიმართლეს?
_ გეთანხმებით, ჩვენ მთავრობის დადგენილებით, უკვე ვაწარმოებთ მანდ მეორეზოლის საპროექტო სამუშაოებს და ძალიან მელე გვექნება საბოლოო პროექტი და როგორც კი რიკოთის მონაკვეთი შევა მწყობრში, შემდგომ დავიწყებთ ფიქრს თუ როდის დაიწყოს დამატებითი ორი ზოლის მშენებლობა, მაგ ორ მონაკვეთზე ანუ ნახშირღელედან სამტრედიამდე.
_ თავის დროზე რატომ არ აშენდა დამატებითი მეორე ზოლი?
მოგეხსენებათ, რომ მაგ მონაკვეთზე დასავლეთიდან ანუ გურიიდან აქეთ წამომსვლელთა ავტომობილების ინტესივობა არ იყო დიდი, აქედან გამიომდინარე, არ საჭიროებდა მეორე ზოლის მშენებლობას, თუმცა, ინტესივობის გაზრდის შემთხვევაში, იგეგმება მშენებლობა. შეგახსენებთ _ ქუთაისის შემოვლითი გზა 2014 წელს გაიხსნა, რომლის ღირებულება 69,6 მილიონ ლარს და 20,9 მილიონ ევროს შეადგენს.
