რა გაკეთდა დღემდე და რომელ სოფლებში გახორციელდება წელს გაზიფიცირების სამუშაოები

ბუნებრივი აირით ქვეყნის მთელი ტერიტორიის უზრუნველყოფა კვლავ აქტუალურ თემად რჩება.

სოფლების გაზიფიცირების პროცესი, რომელიც  2009 წელს დაიწყო, ამ დრომდე არ დასრულებულა.

რა გაკეთდა დღემდე, სად გახორციელდება წელს გაზიფიცირების სამუშაოები, როდისთვის უნდა დასრულდეს პროცესი_ ამ კითხვებით „გურია ნიუსმა“ ეკონომიკისა და მდგრადი განვითარების სამინისტროს მიმართა.

„შპს „სოკარმა“ გაზიფიცირების სამუშაოები დაიწყო 2009 წელს. სამუშაოები შესრულდა 7 რეგიონში და ამ წელს ბუნებრივი გაზის ქსელში ჩართვის საშუალება მიეცა აჭარის, გურიის, იმერეთის, კახეთის, მცხეთა-მთიანეთის, ქვემო ქართლისა და შიდა ქართლის რეგიონების 15 ათასამდე პოტენციურ აბონენტს.  შპს “გაზის ტრანსპორტირების კომპანიამ“ სამუშაოების გახორციელება დაიწყო 2012 წელს და 2014-2018 წლებში გაზიფიცირების სამუშაოებს ასრულებს სახელმწიფო ბიუჯეტიდან  გამოყოფილი თანხებით. ამ პერიოდში ბიუჯეტიდან სულ გამოიყო 130 მლნ. ლარი.   გაზიფიცირების სამუშაოებმა მოიცვა საქართველოს ათივე რეგიონი. 2009-2018 წლებში ბუნებრივი გაზის ქსელში ჩართვის საშუალება მიეცა 379 489 პოტენციურ აბონენტს, მათ შორის:

შიდა ქართლის რეგიონი _ 43,538,  ქვემო ქართლის რეგიონი _ 39,160 სამცხე-ჯავახეთის რეგიონი – 8,638,  სამეგრელო-ზემო სვანეთის რეგიონი- 65,438,  რაჭა-ლეჩხუმის რეგიონი _  4,484,  მცხეთა-მთიანეთი რეგიონი -17,732,  იმერეთის რეგიონი  56,742,  გურიის რეგიონი – 28,773,  აჭარის რეგიონი-  54,188  კახეთი  რეგიონი – 58,856.  შპს „სოკარმა“ დაასრულა ხელშეკრულებითა და მისი დამატებებით აღებული ვალდებულებების შესრულება (250 ათასი აბონენტი) და 2009-2017წწ განმავლობაში განახორციელა  300 ათასამდე აბონენტის გაზიფიცირებისთვის საჭირო სამუშაოები“,_ამბობენ ეკონომიკისა და მდგრადი განვითარების სამინისტროში.

მათივე ინფორმაციით, 2018 წლის გეგმის მიხედვით, გაზიფიცირების პროცესი შიდა ქართლის, ქვემო ქართლის, იმერეთის, კახეთის, მცხეთა-მთიანეთის, სამეგრელო-ზემო სვანეთის და გურიის რეგიონების შემდეგ მუნიციპალიტეტების შემდეგ სოფლებში გახორციელდება:

„რაც შეეხება საბიუჯეტო სახსრებით მიმდინარე სამუშაოებს, 2018 წლის გეგმის მიხედვით სამუშაოები განხორციელდება შემდეგ დასახლებულ პუნქტებში:

შიდა ქართლის რეგიონი

გორის მუნიციპალიტეტი:   სკრა, უფლისციხე, ქვახვრელი, ახალხიზი;

კასპის მუნიციპალიტეტი:   თელიანი, დოესი, გარიყულა, თელთაგორის აგარაკები;

ხაშურის მუნიციპალიტეტი:   პატარა ფლევი, ტკოცა, ზემო აძვისი, ნაცარგორა, დიდი ფლევი;

ზემო ბროლოსანი, ქვემო ბროლოსანი, წეღვერი, ტიტვინისწყარო, ნაბახტევი, კლდისწყარო, მცხეთიჯვარი, უწლევი, ალი, ბრილი, ქინძათი, ახალუბანი, დუმაცხოვი.

ქვემო ქართლის რეგიონი:

ბოლნისის მუნიციპალიტეტი:  დისველი, ტანძია, აკაურთა, ძეძვნარიანი, ფოცხვერიანი, იწრია

დმანისის მუნიციპალიტეტი:  პატარა დმანისი.

მცხეთა–მთიანეთის რეგიონი:

დუშეთის მუნიციპალიტეტი: მჭადიჯვარი.

იმერეთის რეგიონი:

ვანის მუნიციპალიტეტი: ზედა გორი, ზედა ბზვანი;

თერჯოლის მუნიციპალიტეტი:  დელტასუბანი.

კახეთის რეგიონი:  

თელავის მუნიციპალიტეტი: ფშაველი, ლაფანყური, ლალისყური,  ახალი შუამთის ხახულის დედათა მონასტერი.

სამეგრელო–ზემო სვანეთის რეგიონი:

ზუგდიდის მუნიციპალიტეტი:  შამგონი;

სენაკის მუნიციპალიტეტი:  ახალსოფელი, საგვარამიო, თეკლათი.

გურიის რეგიონი:

ჩოხატაურის მუნიციპალიტეტი: დაბლაციხე,_ გვაცნობეს ეკონომიკისა და მდგრადი განვითარების სამინისტროდან.

როგორც ეკონომიკისა და მდგრადი განვითარების სამინისტროში ამბობენ, სამინისტრო დამატებითი სამუშაოების გეგმა-გრაფიკს განიხილავს, რის შემდეგაც განისაზღვრება დასახლებული პუნქტების სიაც.

„ამჟამად მიმდინარეობს დამატებითი სამუშაოების გეგმა-გრაფიკის განხილვა, რის შემდეგაც,  მთავრობის განკარგულებით განისაზღვრება დასახლებული პუნქტების ნუსხაც“, _ ამბობენ სამინისტროში.