მაიმუნის თავდასხმის შედეგად 12 დღის ბავშვი დაიღუპა.
როგორც BBC იუწყება, შემთხვევა ინდოეთში, ქალაქ აგრაში მოხდა.
ოჯახის თქმით, მაიმუნი სახლში იმ დროს შევიდა, როცა დედა ბავშვს კვებავდა და ჩვილი გასტაცა.
ცხოველის დევნა მაცხოვრებლებმა დაიწყეს, რის შემდეგაც, დაკბენილი ბავშვი მაიმუნმა ერთ-ერთ სახურავზე დატოვა.
ბავშვი საავადმყოფოში მიყენებული დაზიანებებისგან გარდაიცვალა.
ადგილობრივი მოსახლეობის თქმით, მსგავსი თავდასხმები დასახლებაში ხშირად ხდება.
