“საზოგადოებრივი ტრანსპორტი მოსახლეობას უფასოდ მოემსახურება“ _ კალაძე

თბილისის მერის, კახა კალაძის განცხადებით, 31 დეკემბერს, ახალი წლის ღამეს დედაქალაქის მოსახლეობას საზოგადოებრივი ტრანსპორტი უფასოდ მოემსახურება.

როგორც კალაძემ განაცხადა, მეტროპოლიტენი და ავტობუსები  31 დეკემბრის 23:00 საათიდან პირველი იანვრის 04:00 საათამდე, ხოლო საბაგირო – 03:00 საათამდე იმუშავებს.

კალაძის თქმით, დედაქალაქში სხვადასხვა მარშუტებზე 156 ერთეულამდე ავტობუსი,  30-წუთიანი ინტერვალით იმოძრავებს.