დედამიწის მოსახლეობის თითქმის ნახევარზე მეტი იზოლაციაში იმყოფება. კორონავირუსის გამო ევროპის კონტინენტი წითელ ზონაშია. რეკორდულად გაიზარდა დაინფიცირების და გარდაცვალების შემთხვევები, გაზრდილი დაინფიცირების შემთხვევების რაოდენობით ესპანეთმა, უკვე მსოფლიო რუკაზე იტალიას გადაუსწრო. აქ ბოლო მოცემებით 124 522 ადამიანია დაინფიცირებული, 11 744 ადამიანი კი გარდაიცვალა. დრამატულად გაზრდილია ფატალური შემთხვევები იტალიაში, აქ 119 827 ადამიანი დაინფიცირდა COVID-19-ით, ხოლო 14 681 ადამიანი გარდაიცვალა.
ყველაზე რთული მდგომარეობაა ლომბარდიის რეგიონში სადაც, 47 520 ადამიანია ინფიცირებული. აღნიშნული ფატალური შემთხვევების გამო იტალიის პრემიერ-მინისტრმა პირდაპირ ეთერში საუბრის დროს ემოციები ვერ დამალა და ქვეყანაში კარანტინი 13 აპრილამდე გაახანგრძლივა. ამ ფონზე კი ევროკომისია იტალიას კრიზისის დასაძლევად დახმარებას ჰპირდება. ინფიცირებულთა მაღალი მაჩვენებლებია, ასევე ევროპის სხვა ქვეყნებშიც. ჩინეთს ინფიცირების შემთხვევებით გადაუსწრო გერმანიამ, სადაც 91 159 ადამიანია ინფიცირებული, 1 275 ადამიანი კი გარდაიცვალა.
COVID-19-ით 82 165 ადაკიანი დაინფიცირდა საფრანგეთში, ხოლო 6 507 ადამიანი გარდაიცვალა, ასევე მძიმე მდგომარეობაა დიდ ბრიტანეთში, სადაც COVID-19-ით 38 168 ადამიანია ინფიცირებული, 3 605 კი გარდაცვლილი, აღნიშნული საგანგაშო მონაცემების გამო ბრიტანეთის ხელისუფლება კორონავირუსთან საბრძოლველად ახალი გეგმის წარსადგენად ემზადება. ასევე საგანგაშო მდგომარეობაა აშშ-ში, რომელიც კორონავირუსის ინფიცირების მაჩვენებლით მსოფლიოში კვლავ ლიდერობს. ქვეყანაში COVID-19-ით დაავადებული 277 522 ადამიანია, 7 403 ადამიანი კი გარდაცვლილი. ქვეყანაში ყველაზე რთული მდგომარეობა ნიუ-იორკშია, სადაც ჯონ ჰოკინსის უნივერსიტეტის მონაცემებით 57 159 არის დაინფიცირებული და ფატალური 1 867 შემთხვევა დაფიქსირდა.
ჩინეთი ერთადერთი ქვეყანა, სადაც ეპიდემიის გავრცელების მხრივ პოზიტიური ტენდენცია ნარჩუნდება, აქ ბოლო 24 საათის განმავლობაში COVID-19-ით დაინფიცირების 19 შემთხვევა გამოვლინდა, 4 ადამიანი კო გარდაიცვალა. ჩინეთში, სულ COVID-19 -ით 81 639 ადამიანია ინფიცირებული, 76 755 კი გარდაცვლილი. ხელისუფლების გადაწვეტილებით, ქვეყანაში 4 აპრილი ვირუსით გარდაცვლილი ადამიანების ხსოვნის საპატივსაცემოდ გლოვის დღედ გამოცხადდა. მსოფლიოში, ბოლო მონაცემებით COVID-19-ით 1 127 528 ადამიანია ინფიცირებულია, ხოლო 59 949 ადამიანი გარდაცვლილი, აქედან 234 023 ადამიანი გამოჯანმრთელდა.
