ბევრს აინტერესებს, მსოფლიოში არსებობს თუ არა ისეთი ადგილი, სადაც კორონავირუსს ამ დრომდე არ მიუღწევია. დედამიწაზე 26 წერტილია, სადაც ჯერ COVID19 – ის ინფექცია არ დაფიქსირებულა. ასეთი ადგილებია ტონგა, სამოა, წყნარი და ინდოეთის ოკეანის კუნძულები, ამათგან უმეტესი ნაწილი დასახლებული ადგილებია.
ადამიანებს, მოგზაურობის შესაძლებლობების მიცემის შემთხვევაში, შეუძლიათ იმოგზაურონ ისეთ ადგილებში, სადაც ჯანდაცვის მსოფლიო ორგანიზაციის რუკაზე ჯერ კორონავირუსი არ ფიქსირდება
,,გურია ნიუსი“ გთავაზობთ რამდენიმე ასეთ ადგილს, სადაც მოგზაურობის მოყვარულებს, საჰაერო ფრენბის აღდგენის შემდგომ, შიშის და შეზღუდვების გარეშე შეუძლიათ იმოგზაურონ.
ასეთი ერთ-ერთი კუნძული, სადაც კორონავირუსი არ დაფიქსირებულა არის მარშალის კუნძულები. მეორე მსოფლიო ომის შემდეგ, იქ აშშ დაკვეთით ბირთვული იარაღის გამოცდა ტარდებოდა. კუნძულზე სულ 67 ბირთვული იარაღის გატესტვა მოხდა. ეს იყო ადგილი, სადაც პირველად თერმობირთვული იარაღი ჩამოვარდა. ამის გამო მარშალის კუნძულების მცხოვრებლებს პერიოდულად უწევდათ კუნძულის დატოვება. ამჟამად კუნძულზე 60 000-მდე ადამიანი ცხოვრობს და ამ დრომდე უცნობია, რამდენად დაბინძურებულია იქაური გარემო და როგორია მცხოვრებთა ჯანმრთელობის მგომარეობა. ყოველ შემთხვევაში, ამ ამჟამად იქ ჯანმო კორონავირუსით ინფიცირების შესახებ ინფორმაციას არ ფლობს.
მეორე ასეთი ადგილია კომოროს კუნძული, რომელიც აფრიკისა და მადაგასკარს შორის მდებარეობს. აქ მოსახლეობის უმეტესობა მუსლიმია. კუნძულის პრეისლამურ ისტორიაში არსებობს თქმულება, რომ ჯინის ბოთლიდან გადმოვარდა ულამაზესი ქვა, რომელიც შემდგომ კუნძულად გადაიქცა.
კუნძულის მოსახლეობაა დაახლოებით 1 მლნ ადამიანს შეადგენს. ადგილობრივები ბუნებასთან ჰარმონიაში ცხოვრობენ, ამ კუნძულს პარფიუმერის კუნძულსაც კი ეძახიან, რადგან სურნელოვანი მცენარეებით არის ცნობილი. აქ არის წითელი ანანასის პლანტაციები და ვანილის მარცვლებიც, რომლთა ექსპორტი მთელ მსოფლიოში ხორციელდება. აქედან გამომდინარე, კუნძული კომოროსი სამოგზაუროდ არაჩვეულებრივი ადგილია.
ასევე, სადაც კორონავირუსს არ მიუღწევია არის პორალურ მხარეში მდებარე კუნძული, რომელიც ნორვეგიასთან ახლოს არის და მას სვალბარდი და მაიენი ეწოდება. ამ კუნძულს მსოფლიო შპიცბერგენის არქიპელაგის სახელით იცნობს. კუნძულის კლიმატური პირობებიდან გამომდინარე მუდმივად დასახლებული პუნქტი არაა, თუმცა, მუდმივად მოძრავია. კუნძულს მუდმივად სტუმრობენ მეცნიერები, ფოტოგრაფები და მოგზაურები.
პოლარული კუნძული გამორჩეულია იმითაც, რომ აქ ხან მუდმივად დღეა და ხანაც კი ღამე. ახლა კუნძულზე დღეა, თუმცა ერთ თვეში პოლარული ღამეები დაიწყება და ნებისმიერი დროს იქნება შესაძლებელი ჩრდილოეთის ციალის ნათების ნახვა, რომლის სანახავადაც კუნძულზე უამრავი ტურისტი ჩავა.
კიდევ ისეთი კუნძული, სადაც COVID-19-ი არ დაფიქსირებულა, არის წმინდა ელენეს კუნძული, რომელიც აფრიკის კონტინეტთან ახლოს მდებარეობს. კუნძულზე 7 000 ადამიანი ცხოვრობს. აღნიშნულ კუნძულზე, ნაპოლეონმა ცხოვრების უკანასკნელი წლები ტყვეობაში გაატარა. ის კუნძულზე 10-თვიანი მოგზაურობის შემდეგ 1816 წელს ჩავიდა და 6 წელი ცხოვრობდა.
ასევე, სადაც კორონავირუსს არ შეუღწევია არის ტონგა, რომელიც წყნარი ოკეანის სამხრეთ-დასავლეთ ნაწილში მდებარეობს, კუნძულის მეორე სახელწოდებაა ,,მეგობრობის კუნძული“, რომელიც 1773 წელს ინგლისელმა მოგზაურმა ჯეიმზ კუკმა დაარქვა. კუნძულზე, დაახლოებით, 119 000 ადამიანი ცხოვრობს.
მორიგი ქვეყანა, სადაც კორონავირუსი არ დაფიქსირებულა, არის წყნარ ოკეანეში მდებარე პატარა სახელმწიფო სამოა. ქვეყნის დასახელების ზუსტი წარმოშობა უცნობია. არსებობს რამდენიმე ვერსია, ერთ-ერთი ვერსიის თანახმად, „სამოა“ წარმოადგენს სიტყვა „Sa-ia-Moa“-ს შემოკლებულ ფორმას, რაც სამოური ენიდან ითარგმნება, როგორც „ღვთიური მოასათვის“,
ჯანდაცვის ორგანიზამიამ კორონავირუსთან დაკავშირებით პანდემია 2020 წლის 11 მარტს გამოაცხადა.
