მსოფლიოში, კორონავირუსის პანდემიად გამოცხადების შემდეგ, ქვეყნების უმეტესობა საგანგებო მდგომარეობაზე გადავიდა და ე.წ. ლოქდაუნი ანუ სრული და მკაცრი კარანტინი აამოქმედა. კრანატინის გამოცხადებამ საჯარო დაწესებულებების დახურვა და საწარმოების გაჩერება განაპირობა, რამაც სამუშაო ადგილების შემცირება გამოიწვია.
ეკონომიკური კრიზისის ზღვარზე ყოფნისა და უმუშევრობის შიშით, ხალხი ბევრ ქვეყანაში აპროტესტებს იმ მკაცრ შეზღუდვებს, რომლებიც მთავრობებმა კორონავირუსის პრევენციის მიზნით დააწესეს.
პირველი ასეთი ქვეყანა, სადაც კორონავირუსის გამო დაწესებული შეზღუდვები გააპროტესტეს, არის ამერიკის შეერთებული შტატები.
ამერიკელები უკვე რამოდენიმე კვირაა, რაც თვითიზოლაციას და კარანტინს აპროტესტებენ. მიუხედავად იმისა, რომ ზოგიერთ შტატში შეზღუდვები შეარბილეს და პარკები, პლაჟები და სხვადასხვა ადგილობრივი დაწესებულებები ეტაპობრივად იხსნება, ამერიკელები მაინც ითხოვენ კარანტინის მოხსნას.
20 აპრილს დემონსტრანტები ვაშინგტონში, კაპიტოლიუმთან შეიკრიბნენ და კარანტის გაუქმება მოითხოვეს, მანამდე მსგავსი აქციები მიჩინგანში, ოჰაიოში, კოლორადოში, მინესოტასა და ვირჯინიაში გაიმართა, სადაც მოსახლეობის პროტესტი განსაკუთრებით მწვავეა.
პროტესტის მონაწილეთა თქმით, ეკონომიკა მნიშვნელოვნად ზარალდება, რაც მოქალაქეების ჯიბეებზე პირდაპირ აისახება.
წარმომადგენელთან პალატის ერთ-ერთმა წევრმა ქალმა მიჩიგანის მკვიდრის ვიდეო გაასაჯაროვა. კადრებში ჩანს, თუ როგორ უყვირის საპროტესტო აქციისას ქალი წინა ხაზზე მყოფ ექიმს და მას ეუბნება ,,წადი ჩინეთში!“.
აქციის მონაწილებს, აშშ-ის პრეზიდენტმა დონალდ ტრამპმა მახდაჭერა გამოუცხადა და ზოგიერთი გუბერნატორის მისამართით განაცხადა, რომ მათ მიერ დაწესებული აკრძალვები ,,მეტისმეტად შორს წავიდა“.
ასევე დაწესებული შემზღუდავი ზომების წინააღმდეგ, ხალხი ბრაზილიაშიც გამოვიდა. ქვეყნის პრეზიდენტი ჟაირ ბოლსონარომ პრეიდენტის სასახლე დატოვა და ქუჩაში საპროტესტო აქციის მონაწილეებს შეუერთდა, რომლებიც კარანტინის და სოციალური დისტანციის გაუქმებას მოითხოვენ.
პარლამენტის და რეგიონების ხელმძღვანელების მიერ პანდემიის გამო კარანტინის გამოცხადება პრეზიდენტმა გააკრიტიკა. ის კორონავირუსს გრიპს უწოდებს, მის წინააღმდეგ მიღებულ ზომებს კი ,,ისტერიად“ აფასებს. მან 17 აპრილს ჯანდაცვის მინისტრიც კი თანამდებობიდან გაათავისუფლა, რომელიც სოციალური დისტანციის ერთ-ერთი მომხრე იყო.
,,თაღლითების ეპოქა დასრულდა, ახლა ხალხის მმართველობის დროა“ – განაცხადა ბოლსონარომ სიტყვით გამოსვლისას.
რაც შეეხება ევროპას, საფრანგეთის პრეზიდენტმა, ემანუელ მაკრონმა, კორონავირუსის პრევენციის მიზნით, ზომები 11 მაისამდე გაამკაცრა. გამკაცრებული ზომები კი, თავისთავად, სოციალური დისტანციის დაცვაზე კონტროლსაც გულისხმობს. საფრანგეთში, სოციალური დისტანციის ვერ თუ არ დაცვის ბრალდებით, ბევრი მუსლიმი დააკავეს. საბოლოოდ, მათი დაკავება საპროსტესტო აქციაში გადაიზარდა – პოლიციელები რასიზმში დაადანაშაულეს.
პარიზის ცენტრში აქციის მონაწილეებსა და სამართალდამცავებს შორი ფიზიკური დაპირისპირებას მოხდა. პოლიციამ კი მათ დასაშლელად ცრემლსადენი გაზი გამოიყენა.
საფრანგეთში, კორონავირუსთან დაკავშირებული ზომების შერბილება სავარაუდოდ, 2 კვირაში დაიწყება.
COVID-19-ი ვირუსის გამო დაწესებული შეზღუდვები გააპროტესტეს საქართველოშიც. საპროტესტო აქცია თბილისში, იპოდრომის ტერიოტორიაზე გაიმართა.
აქციის ორგანიზატორის, პარტია ,,გირჩის“ ხელმძღვანელი ზურაბ ჯაფარიძე აცხადებს, რომ უნდა მოიხსნას შეზღუდვები, რადგან ეკონომიკა ინგრევა.
პოლიციამ აქციის მონაწილეები და ორგანიზატორები დააკავა და 3000 ლარიანი ჯარიმები გამოუწერა.
აქცია გაიმართა აზიაშიც, ლიბანის დედაქალაქ ბეირუთში ხალხმა ავტომობილებით მსვლელობით გააპროტესტა ხელისუფლება და დაწესებული შეზღუდვები. მათი თქმით, ხელისუფლების კორუფცია, კორონავირუსმა ვერ შეაჩერა.
ანტისამთავრობო აქცია, სოციალური დისტანციის წესის დაცვით გაიმართა ისრაელის დედაქალაქ თელ-ავივში.
აქ, აქციის მონაწილეებმა პრემიერ-მინისტრის ბენიამინ ნეთანიაუს მთავრობას აკრიტეკებენ, მათი თქმით არ დაუშვებენ ისრაელის დემოკრატიის ეროზიას, ისინი მხარს არ დაუჭერენ იმ მთავრობას, რომლის მეთაურიც კორუფციაში და ფულის გათეთრებაშია ბრალდებული
,,დარჩი სახლში“ – ეს ჯანდაცვის მსოფლიო ორგანიზაციის მთავარი მოწოდებაა. თუმცა სახლში დარჩენით ბევრი ადამიანი უმუშევარი რჩება, ქვეყნების ეკონომიკა კი მნიშვნელოვნად ზარალდება.
