მკვლევარებმა ღამურებში კიდევ ერთი ვირუსი აღმოაჩინეს, რომელიც SARS-CoV-2-ს ძალიან ჰგავს. ამის შესახებ ინფორმაცია sciencealert-ზე ვრცელდება.
როგორ განვითარდა კოროავირუსი არის მარტივი კითხვა, რომელმაც გამოიწვია გამოძიება, სპეკულაცია და აშკარა შეთქმულებები.
ახალმა კვლევებმა აჩვენა, რომ სავარაუდოდ, COVID 19 ბუნებრივად განვითარდა- ალბათ ღამურებით დაიწყო, შემდეგ კი მუტაცია განიცადა და გლობალურ პანდემიად იქცა.
ახალმა კვლევამ კიდევ უფრო მეტი ყურადღება დაიმსახურა თეორიისთვის, რომლის მიხედვითაც ვირუსის ამგვარი ცვლილება ბუნებრივად შეიძლება მოხდეს.
„SARS-CoV-2-ის აღმოჩენის შემდეგ არაერთი უსაფუძვლო ვარაუდი გამოითქვა, მაგალითად ის, რომ ვირუსს აქვს ლაბორატორიული წარმოშობა“,_ ამბობს შანდონგის პირველი სამედიცინო უნივერსიტეტის მიკრობიოლოგი ვეი ში.
„ჩვენ კვლევაში ნათლად ჩანს, რომ ეს მოვლენები ბუნებრივად ხდება ველურ ბუნებაში. ეს იძლევა მტკიცებულებას იმის წინააღმდეგ რომ SARS-CoV-2 ლაბორატორიიდან გაექცათ“,_ ამბობს ის.
ეს ახლად აღმოჩენილი კორონავირუსი, რომელსაც გუნდმა RmYN02 დაარქვა, გამოვლენილ იქნა ჩინეთში, 2019 წლის მეორე ნახევარში, იუნანის პროვინციაში 207 ღამურიდან აღებულ ანალიზის ნიმუშებში.
ღამურების ანალიზში ნაპოვნი ვირუსების შესწავლის შემდეგ გუნდა აღმოაჩინა ორი კორონავირუსის გენომი- RmYN01 და RmYN02.
RmYN02 93.3 %-ით იზიარებს SARS-CoV-2-ის გენომს, ხოლო ერთი კონკრეტული გენი 1ab 97.2%-ით ემთხვევა.
მიუხედავად მსგავსებისა, ეს არ ნიშნავს, რომ RmYN02 არის კოვიდ 19-ის გამომწვევი წინაპირი მსოფლიოში. განსაკუთრებით იმის გათვალისწინებით,რომ ყველა მნიშვნელოვანი რეცეპტორის დამაკავშირებელი დომენის გენს ძალიან დაბალი მსგავსება ჰქონდა SARS-CoV-2– თან, მხოლოდ 61.3 პროცენტი.
მაგრამ ახალი კორონავირუსის გენომის პოვნა წარმოუდგენლად გამოსადეგია, თუკი გვინდა, გაირკვეს, თუ რამდენად არის ჩართულ დღევანდელობაში SARS-CoV-2 ვირუსი.
“ჩვენი გამოკვლევა კიდევ ერთხელ ადასტურებს, რომ ღამურები, განსაკუთრებით Rhinolophus- ის წარმომადგენლები, მნიშვნელოვანი ბუნებრივი რეზერვუარები არიან კორონავირუსისთვის და ამჟამად SARS-CoV-2- ის უახლოესი ნათესავები არიან, თუმცა ეს სურათი შეიძლება შეიცვალოს ველური ბუნების ნიმუშების გაზრდით“, _ წერია კვლევაში.
SARS-CoV-2– ს ჯერჯერობით ყველაზე უახლოესი მსგავსება არის კორონავირუსის გვარი, რომელსაც RaTG13 ეწოდება – მისი RNA– ის 96,1 პროცენტია, მაგრამ სავარაუდოა, რომ კიდევ უფრო მეტად მსგავსი ვირუსები არსებობს.
”არც RaTG13 და არც RmYN02 არ არის SARS-CoV-2– ის პირდაპირი წინაპარი, რადგან ამ ვირუსებს შორის ჯერ კიდევ არსებობს ევოლუციური უფსკრული“,_ განმარტავს ში.
მკვლევარების თქმით, კვლევა ცხადყოფს, რომ რაც უფრო მეტად შეისწავლიან ველური ბუნების ჯიშებს, მით უფრო გამოავლენენ ვირუსებს, რომლებიც კიდევ უფრო მჭიდროდ დაკავშირებულია SARS-cov-2-თან, რომელიც გვეტყვის, თუ როგორ გაჩნდა ეს ვირუსი ადამიანებში.
