ბრაუნის უნივერსიტეტის მკვლევარებმა, შეისწავლეს მანქანის შიგნით მიკროკლიმატ, რის შედეგადაც დაადგინეს, რომ მანქანის ფაჯრების ჩაწევა ამცირებს კორონავირუსის გადაცემის რისკს. ამის შესახებ გამოცემა Medscape წერს.
როგორც ცნობილია, მკვლევარებმა გამოიყენეს კომპიუტერული მოდელები, ავტომობილის შიგნით ჰაერის ნაკადის შესასწავლად Toyota Prius -ის საფუძველზე, რომელიც 80 კმ/სთ სიჩქარით მოძრაობდა. ავტომობილში, მძღოლთან ერთად, უკანა სავარძელზე ორი პირი იჯდა.
გამოკვლევამ შეისწავლა ჰაერის დინება, რადგან მკვლევარები ფიქრობენ, რომ აეროზოლები ვირუსის გადაცემის ერთ-ერთი მთავარი გზაა, დასაჯდომი ადგილის კონფიგურაცია მაქსიმალურად ზრდის ადგილს ორ ადამიანს შორის.
როგორც მკვლევარები აცხადებენ, კომპიტერული სიმულაციით დადგინდა, რომ ავტომობილის უკანა ფანჯრებთან ჰაერის წნევა გაცილებით მაღალია, ვიდრე – წინა ფანჯრებთან. მოძრავ ავტომობილში, ჰაერის ძირითადი ნაკადი უკანა ფანჯრებიდან შედის და წინა ფანჯრებიდან გამოედინება.
ბრაუნის უნივერსიტეტის პროფესორის, კენი ბროერის თქმით, დაინფიცირების რისკი ყველაზე მეტად 4-ვე ფანჯრის გაღებისას მცირდება, თუმცა, ჯვარედინი პრონციპით, ავტომობილის ორივე ფანჯრის ღია მდგომარეობაში დატოვებაც ეფექტურია.
ასევე პროფესორმა აღნიშნა, რომ კვლევის ერთ-ერთი აღმოჩენაა ისიც, რომ მძღოლის დაინფიცირების რისკს ყველაზე მეტად ამცირებს გვერდით მჯდომის ფანჯრის ჩაწევა, უკანა სავარძელზე მსხდომებისთვის კი – მათგან მარცხნივ მდებარე ფანჯრის გაღება.
”როდესაც ავტომობილში მოპირდაპირე ფანჯრები გახსნილია, თქვენ მიიღებთ დინებას, რომელიც მძღოლს უკან შედის მანქანაში, მგზავრის უკან სალონიდან და შემდეგ გადის მძღოლის წინა ფანჯრიდან,” – ამბობს კენი ბროერი.
მისივე თქმით, დადგინდა, რომ ღია ფანჯრების შემთხვევაშიც, შედარებით მაღალია მძღოლის დაინფიცირების ალბათობა.
ბრეურის თქმით, ეს არის პირველი გამოკვლევა, რომელიც ეხება “მიკროკლიმატს მანქანის შიგნით”.
“იყო რამდენიმე გამოკვლევა, რომელიც შეისწავლის რამდენად ხდება გარე დაბინძურება მანქანაში, ან რამდენ ხანს ტრიალებს სიგარეტის კვამლი მანქანაში. მაგრამ ეს პირველი შემთხვევაა, როდესაც ვინმემ დეტალურად შეისწავლა ჰაერის ნაკადის ნიმუშები”, – განაცხადა ბრაუნის უნივერსიტეტის პროფესორმა, კენი ბროერმა.
