ჩოხატაურში გასული 24 საათის განმავლობაში კორონავირუსით ინფიცირების 14 ახალი შემთხვევა გამოვლინდა.
როგორც ჩოხატაურის საზოგადოებრივი ჯანდაცვის ცენტრში ამბობენ, ინფიცირებულებს შორის 6 მოსწავლეა.
კორონავირუსი 1-ლი საჯარო სკოლის და სამრევლო სკოლის მოსწავლეებს დაუდასტურდათ.
„პირველ საჯარო სკოლაში ინფიცირებულია 3 მოსწავლე, ისინი ერთი ოჯახის წევრები არიან, ასევე ინფიცირება დაუდასტურდა და-ძმას, და რაც შეეხება ინფიცირებულ კიდევ 1 მოსწავლეს, მასაც ინფიცირების შემთხვევა ოჯახის წევრებიდან დაუფიქსირდა“,_ გვითხრეს საზოგადოებრივი ჯანდაცვის ცენტრში.
ინფიცირების შემთხვევები გამოვლენილია დაბლაციხეში, გორაში, დაბაში და გუთურში.
