“მსოფლიომ ამას პასუხი უნდა გასცეს” – პავილიონისი მელიას დაკავებაზე

ენმ-ს თავმჯდომარის ნიკა მელიას დაკავებას ლიეტუვას საგარეო ურთიერთობათა კომიტეტის თავმჯდომარე ჟიგიმუნტას პავილიონისი ეხმაურება.

პავილიონისი, რომელიც 2 დღის განმავლობაში საქართველოში იმყოფებოდა და ხელისუფლებას მოუწოდებდა, არ გამოეყენებინა ძალადობა წერს:

“როგორც ჩანს, მართალი ვიყავი, იმის მიუხედავად რომ ზოგიერთებმა ლიეტუვასა და რა თქმა უნდა, ხელისუფლების მაღალი ეშელონებიდან საქართველოში, გამაკრიტიკეს იმის გამო, რომ ვცდილობდი შემეჩერებინა ის, რაც ახლა ხდება. ნაციონალური მოძრაობის სათაო ოფისი შტურმით აიღეს გაზით, როგორც ამას პუტინი აკეთებს. ოპოზიციის ლიდერი დაკავებულია, იმის მიუხედავად რომ მთლიანი ოპოზიცია აცხადებს, რომ ისინი მზად არიან დიალოგისა და მოლაპარაკებებისთვის ხელისუფლებასთან. თუმცა ივანიშვილის შემსრულებლები მოქმედებდნენ როგორ პუტინი ან ლუკაშენკო. ჩვენ გვჭირდება ავიმაღლოთ ხმა და დავარეგულიროთ ეს ყოველივე. გუშინ მე ვესაუბრე მთელს მსოფლიოს, დღეს კი მსოფლიომ ამას პასუხი უნდა გასცეს.” _ წერს პავილიონისი