აშშ-ის პრეზიდენტი ჯო ბაიდენი მე-20 საუკუნის დასაწყისში ოსმალეთის იმპერიაში სომეხთა მასობრივი მკვლელობის გენოციდად აღიარებას გეგმავს, _ ამის შესახებ საკუთარ წყაროებზე დაყრდნობით, გამოცემა The Wall Street Journal-ი წერს.
გამოცემის ინფორმაციით, ოფიციალური პირები აცხადებენ, რომ თეთრი სახლის ლიდერი ჯო ბაიდენი განცხადებას 24 აპრილს გააკეთებს, როდესაც სომხეთში გენოციდის მსხვერპლთა ხსოვნის დღეს აღნიშნავენ.
The Wall Street Journal-ი წერს, წყაროს ინფორმაციით, საბოლოო გადაწყვეტილება ჯერ არაა მიღებული და შესაძლოა, ბაიდენი შემოიფარგლოს ფორმალური განცხადებით, რომელშიც გენოციდის აღიარება არ იქნება ნახსენები.
გამოცემა წერს, რომ სომეხთა გენოციდის აღიარების შემთხვევაში, ვაშინგტონისა და ანკარის ურთიერთობები მკვეთრად გაუარესდება. რამდენიმე დღის წინ თურქეთის საგარეო საქმეთა მინისტრმა, მევლუთ ჩავუშოღლუმ განაცხადა, რომ ჯო ბაიდენის ნებისმიერი ნაბიჯი 1915 წელს ოსმალეთის იმპერიის მიერ სომეხთა მასობრივი მკვლელობის გენოციდად აღიარების შესახებ კიდევ უფრო დააზიანებს ორ ქვეყანას შორის ურთიერთობებს.
წინა წლებში ბაიდენის წინამორბედები – დონალდ ტრამპი და ბარაკ ობამა ამ საკითხზე საუბრისას სიტყვა „გენოციდის“ გამოყენებისგან თავს იკავებდნენ. 2019 წელს სენატმა და წარმომადგენელთა პალატამ პირველად მიიღეს რეზოლუციები, რომლებშიც 1915 წლის მოვლენებს სომეხთა გენოციდი უწოდეს, რასაც თურქეთის უკმაყოფილება მოჰყვა.
22 მარტს ორმოცამდე ამერიკელმა სენატორმა, მათ შორის სენატის საგარეო ურთიერთობათა კომიტეტის თავმჯდომარემ, პრეზიდენტ ჯო ბაიდენს ოსმალეთის იმპერიის მიერ სომეხთა გენოციდის აღიარებისკენ მოუწოდა.
ამერიკელი კანონმდებლების განცხადებით, „ჯო ბაიდენმა ოფიციალურად უნდა აღიაროს გენოციდი, რათა მკაფიოდ გაჟღერდეს ის, რომ აშშ-ის მთავრობა ამ საშინელ ჭეშმარიტებას აღიარებს“.
თურქეთი უარყოფს მკვლელობებს, როგორც გენოციდს და აცხადებს, რომ სომხები ადგნენ მთავრობის წინააღმდეგ. საგარეო საქმეთა მინისტრმა მევლუთ ჩავუშოღლუმ სამშაბათს ტელეკომპანია Haberturk- ს განუცხადა, რომ ბ-ნი დეკლარაცია ბაიდენი მხოლოდ ზიანს აყენებს კავშირებს. კომენტარი არ გააკეთა ვაშინგტონში თურქეთის საელჩოს სპიკერმა.
ისტორიკოსების უმეტესობა აღიარებს, რომ 1915-1923 წლებში ოსმალეთის იმპერიის დამოკიდებულებას სომხებისა და სხვა ეთნიკური და რელიგიური უმცირესობების წარმომადგენლების მიმართ გენოციდს. როგორც ისტორიკოსები აცხადებენ, რომ პირველი მსოფლიო ომის დროს ოსმალეთის იმპერიაში 1,5 მილიონამდე სომეხის დახოცვა და დეპორტაცია განხორციელდა.
