ალერგიისა და იმუნოლოგიის ცენტრის მიერ გავრცელებული ინფორმაციით, ყველაზე გავრცელებული ალერგიული პრობლემა, რომელიც აღდგომის ბრწყინვალე დღესასწაულის დღეებში გვხდება არის კვებითი ალერგია.
„კვებითი ალერგიის მიზეზია მარხვის დასრულება და სადღესასწაულოდ ალერგიული საკვების ჭარბი დოზით მიღება (მაგ. კვერცხი, ტკბილეული, ღორის ხორცი, ალკოჰოლური სასმელები და სხვა).
მეორე გავრცელებული პრობლემა უკავშირდება მცენარეულ ალერგია . ქალაქგარეთ გასვლა მზიან დღეებში იწვევს მცენარეული ალერგენების მაღალი კონცენტრაციით მოხვედრას ლორწოვანსა და კანზე და ალერგიული რეაქციების განვითარებას.
ასევე მნიშვნელოვანია მტვრისმიერი ალერგიაც, მათვის ვინც ქალაქგარეთ გადის და დახურულ სახლებსა და ეზოებს ალაგებს“,_ ამბობენ ალერგიისა და იმუნოლოგიის ცენტრში.
ცენტრი გასცემს რეკომენდაციებს იმის შესახებ თუ რა უნდა გავითვალისწინოთ და როგორ დავიცვათ თავი⁉️
„მოერიდეთ მრავალფეროვანი ალერგიული საკვების გადაჭარბებული რაოდენობით მიღებას;
მათ ვინც ზუსტად იცის რაზე აქვს ალერგია, მნიშვნელოვანია სტუმრად ყოფნისას იკითხონ, რომელი კერძი რა ინგრედიენტებისგან შედგება;
პოლინოზის მქონე პაციენტებმა თავი აარიდეთ ყვავილებთან და ბალახებთან კონტაქტს;
ოთახის მტვრის ტკიპების მიმართ ალერგიის მქონე პაციენტებმა სადღესასწაულოდ სახლის, ეზოების, საფლავების დასუფთავებისას გამოიყენეთ პირბადე, ხელთათმანები, დახურული სამოსი;
თან ატარეთ ანტიალერგიული პრეპარატები და ინჰალატორი იმ შემთხვევაში თუ გაქვთ ასთმა;
ნებისმიერი სერიოზული ალერგიული რეაქციის გამოვლენის შემთხვევაში, დროულად მიმართეთ ალერგოლოგს“,_ წერია ალერგიისა და იმუნოლოგიის ცენტრის მიერ გავრცელებულ ინფორმაციაში.
