უკრაინის მეხუთე პრეზიდენტს, ევროპული სოლიდარობის ლიდერს, პეტრო პოროშენკოს, უარი ეთქვა საზღვრის გადაკვეთაზე მისი სანებართვო დოკუმენტის ნამდვილობის დადასტურების შეუძლებლობის გამო,_ ამის შესახებ სახელმწიფო სასაზღვრო სამსახურის წყაროზე დაყრდნობით უკრაინული მედია წერს.
წყაროების თანახმად, პოროშენკომ გუშინ, 27 ივნისს 21:50 საათზე საკუთარი მანქანით სცადა პოლონეთთან საზღვრის გადაკვეთა ლვოვის რეგიონში რავა-რუსკაიას საგუშაგოს გავლით, როგორც უკრაინის ევროკავშირში ინტეგრაციის უმაღლესი რადას კომიტეტის წევრს, მას თან 5 ადამიანი ახლდა.
პასპორტის კონტროლის დროს პოლიტიკოსმა მიაწოდა უმაღლესი რადას თავმჯდომარის რუსლან სტეფანჩუკის ბრძანების ასლი ნატოს საპარლამენტო ასამბლეაში უმაღლესი რადას მუდმივმოქმედი დელეგაციისა და უმაღლესი რადას თანამშრომლის რესპუბლიკაში მივლინების შესახებ. ლიტვა ნატოს საპარლამენტო ასამბლეის საგაზაფხულო სესიაში მიიღებს მონაწილეობას.
უკრაინული მედიის წყაროს თანხმად, დოკუმენტის გადამოწმებისას QR კოდი არ წაუკითხავთ. შესაბამისად, დოკუმენტის ნამდვილობა ვერ დადგინდა.
ეს იყო საზღვრის გადაკვეთაზე უარის თქმის მიზეზი. 23:50 საათზე პოროშენკო და მისი გარემოცვა უკრაინის ტერიტორიაზე დაბრუნდნენ.
ცნობისთვის, 23 მაისს SBU- მ გამოაქვეყნა პრორუსი ოლიგარქის, მედვედჩუკის ჩვენების ფრაგმენტი უკრაინის მეხუთე პრეზიდენტის, პეტრო პოროშენკოს წინააღმდეგ. მედვედჩუკმა ისაუბრა სამარა-დასავლეთის მიმართულების მთავარი ნავთობპროდუქტის მილსადენის ნაწილის სახელმწიფო საკუთრებიდან გამოყოფის სქემაზე, რათა შემდგომში დიზელის საწვავი მასში გადაეტანათ.
მან, ჩვენებაში აღწერა პოროშენკოს როლი, კერძოდ, რომ მან არა მხოლოდ მიმართა მას რუსეთის ფედერაციის ხელმძღვანელობასთან დაკავშირების თხოვნით, არამედ უზრუნველყო, რომ ყველა უკრაინის ინსტანციაში მიღებულ იქნა საჭირო გადაწყვეტილებები. შედეგად, მედვედჩუკის თქმით, ეს მილსადენი კერძო საკუთრება გახდა, ფაქტობრივად კი – თავად პოროშენკოს საკუთრება.
ავტორი
