რუსმა ოკუპანტებმა უკრაინაში, ხარკოვის ოლქი დაბომბეს. ამის შესახებ ინფორმაციას Ukrayinska Pravda ხარკოვის გუბერნატორ ოლეგ სინეგუბოვზე დაყრდნობით გაავრცელა.
გუბერნატორის ინფომაციით, რუსი ოკუპანტების თავდსხმის შედეგად, 4 მშვიდობიანი მოქალაქე დაიღუპა, რომელთაგან 1 ბავშვია. 10 პირი კი დაშავდა.
“ჩვენ დავაფიქსირეთ დაბომბვა ინდუსტრიულ ოლქში, წინასწარი მონაცემებით – დაშავდა 7 მშვიდობიანი მოქალაქე. მონაცემები ახლდება.
მოსახლეობა იტყობინება, რომ დაბომბვის დაწყების შემდეგ ელექტროენერგიის გათიშვა მოხდა, ზოგიერთ ადგილას წყალი შეწყდა. სავარაუდოდ, ოკუპანტების არტილერიამ ესროლა ქალაქს, რადგან საჰაერო თავდასხმა არ იყო გამოცხადებული.
ოკუპანტები ხარკოვში კვლავ ბომბავენ დასახლებულ პუნქტებს და ატერორებენ მშვიდობიან მოსახლეობას. ხარკოვის მაცხოვრებლებს ვთხოვთ, რომ მაქსიმალურად ფრთხილად იყვნენ და თუ აუცილებელი არაა, ქუჩაში გასვლისგან თავი შეიკავონ, რადგან ეს ახლა ძალიან საშიშია”. – წერს სინეგუბოვი.
ხარკოვის საოლქო საბჭოს თავმჯდომარის მრჩეველმა ნატალია პოპოვამ დააზუსტა დაბომბვის შედეგად დაღუპულთა და დაშავებულთა შესახებ მონაცემები. მისი თქმით, რეგიონის ჩრდილოეთით ბავშვი გარდაიცვალა.
ავტორი
