ირანში საპროტესტო აქციების შედეგად დაღუპულთა ოფიციალური რიცხვი 41-მდე გაიზარდა.
ირანში ანტისამთავრობო პროტესტი გრძელდება, ხელისუფლება კი საზღვარგარეთ განტევების ვაცის ძებნას აგრძელებს. ირანის საგარეო საქმეთა სამინისტრომ დღეს ბრიტანეთის და ნორვეგიის ელჩები დაიბარა.
სამინისტრომ განაცხადა, რომ დაურეკა გაერთიანებული სამეფოს ელჩს, საიმონ შერკლიფს, დიდ ბრიტანეთში სპარსულენოვანი საინფორმაციო გამოშვებების წინააღმდეგ პროტესტის ნიშნად, რომლებიც აშუქებდნენ ირანში ანტისამთავრობო საპროტესტო აქციებს.
საგარეო საქმეთა სამინისტროში ასევე დაიბარეს ნორვეგიის ელჩიც. სამინისტროს განცხადებით ამის მიზეზი ნორვეგიის პარლამენტის პრეზიდენტის, მასუდ გარახანის კომენტარი იყო, რომლითაც მან ღიად გამოუცხადა მხარდაჭერა აქციის მონაწილეებს.
თეირანში დაბადებულმა გარახანმა კვირას ტვიტერზე დაწერა: „ჩემს მშობლებს 1987 წელს რომ არ მიეღოთ გაქცევის გადაწყვეტილება, მე ვიქნებოდი ერთ–ერთი მათგანი, ვინც ახლა სიცოცხლეს ებრძვის ქუჩაში“.
რამ გამოიწვია მასიური პროტესტი ირანში ?
ირანში ბოლო წლების განმავლობაში ყველაზე დიდი საპროტესტო აქციები – ახალგაზრდა ქურთი ქალის გარდაცვალებას მოჰყვა, რომელიც ირანის მორალურმა პოლიციამ დააკავა ქალების მკაცრი ჩაცმულობის კოდექსის სრულად შეუსრულებლობის გამო.
თვის დასაწყისში, მაჰსა ამინის წამებით სიკვდილმა გამოიწვია პროტესტი თეირანში და ირანის სხვადასხვა ქალში. ქალებმა საჯაროდ მოიხსნეს თავსაბურავები, რასაც Human Rights Watch-ის მკვლევარი ტარა სეფეჰრი ფარი აღწერს როგორც “საკულტო” სცენას.
„არასდროს მინახავს ასე გავრცელებული და ასეთი მრავალფეროვანი კრიტიკა ჰიჯაბის სავალდებულო ტარების წინააღმდეგ ქვეყნის შიგნით და ირანულ საზოგადოებაში“, – განუცხადა ფარმა DW-ს.
დემონსტრანტების რიცხვი ყოველ დღე იმატებს, აღსანიშნავია ის ფაქტიც რომ, ბევრი მამაკაციც უერთდება მასობრივ პროტესტს. ხოლო პოლიციის ძალადობრივი დარბევის შედეგად დემონსტრაციებმაც ძალადობრივ გზაებს მიმართეს რამდენიმე ქალაქში.
ირანის სახელმწიფო ტელევიზიამ კვირას განაცხადა, რომ დაღუპულთა რიცხვი მინიმუმ 41-მდე გაიზარდა, ხოლო აქციის მონაწილეებს “აჯანყებულები” უწოდა.
ასევე, გავრცელებული ინფორმაციით, მოკლულია კიდევ ერთი ახალგაზრდა ქალი, ჰადის ნაჯაფი, რომლის საპროტესტო აქციაზე დადაღებული ვიდეოც ვირუსულად გავრცელდა.
იტყობინებიან სახელმწიფო უსაფრთხოების ძალების წევრების დაღუპვასაც. Associated Press-ის ინფორმაციით შაბათს ღამით, თეირანში მომიტინგეებთან შეტაკებისას დაიღუპა ირანის რევოლუციური გვარდიის მოხალისე ძალების, „Basij“_ის წევრი.
შაბათს, ულტრაკონსერვატორმა პრეზიდენტმა ებრაჰიმ რაისიმ ძალოვნებს საპროტესტო მოძრაობის შესაჩერებლად “გადამწყვეტი” ზომების მიღებისკენ მოუწოდა.
მხარდაჭერა ინტერნეტის გამორთვის ფონზე ასგარ ფარჰადიმ, (ოსკარის პრემიის ლაურეატი რეჟისორი), გააზიარა ვიდეო ინტერნეტში, სადაც ქალების მიერ მართულ საპროტესტო აქციის მხარდაჭერა გამოხატა.
მან შეაქო “პროგრესული და მამაცი ქალები, რომლებიც მამაკაცებთან ერთად მართავენ საპროტესტო აქციებს თავიანთი უფლებების დასაცავად“.
”მე დავინახე აღშფოთება მათ სახეებში ქუჩებში მსვლელობისას,” – თქვა მან ინსტაგრამზე გამოქვეყნებულ ვიდეო შეტყობინებაში. ”მე დიდ პატივს ვცემ მათ ბრძოლას თავისუფლებისთვის და საკუთარი არჩევნის უფლებისთვის, მიუხედავად მთელი სისასტიკისა, რომელსაც ისინი აწყდებიან.“
ირანის მთავრობამ საპროტესტო გამოსვლებს ქვეყანაში ინტერნეტის გათიშვით უპასუხა, რითაც მკაცრად ზღუდავს ინფორმაციის ხელმისაწვდომობას როგორც ირანის შიგნით, ისე მის ფარგლებს გარეთ.
მილიარდერ ელონ მასკის განცხადებით, ის მზად არის გააქტიუროს Starlink-ის თანამგზავრული კავშირები ირანისთვის, რათა უზრუნველყოს ინტერნეტთან წვდომა, მაგრამ მთავარ პრობლემას ის ქმნის, რომ საჭიროა Starlink-ის ტერმინალების შეტანა და განთავსება ქვეყნის მასშტაბით, რათა მოსახლეობამ შეძლოს ინტერნეტით სარგებლობა.
ავტორი
