დუმამ  მიიღო კანონპროექტი, რომელიც ლგბტ-ს  და პედოფილიის  პროპაგანდას კრძალავს

სახელმწიფო დუმამ პირველი მოსმენით მიიღო კანონპროექტების პაკეტი, რომელიც ლგბტ-ს და პედოფილიის  პროპაგანდას კრძალავს. ინფორმაციას INTERFAX ავრცელებს.

კანონის მიხედვით იკრძალება ლგბტ თემის გაშუქება, სექსუალურ უმცირესობებთან დაკავშირებული ინფორმაციის გავრცელება და დარღვევის შემთხვევაში ჯარიმას ითვალისწინებს.

კანონპროექტის (217471-8) მიხედვით, სიახლეები შეეხება: ინტერნეტს, მედიას, წიგნებს, აუდიოვიზუალურ სერვისებს, კინოსა და რეკლამას.

ინიციატივების თანაავტორი იყო 390 დეპუტატი, მათ შორის ფრაქციის ყველა ლიდერი და ვიცე–სპიკერი.

“ბავშვთა შორის გავრცელებისთვის აკრძალული ინფორმაციის სია ფართოვდება: პროპაგანდა და არატრადიციული სექსუალური ურთიერთობების,  პრეფერენციების პროპაგანდა და დემონსტრირება, ასევე ინფორმაცია, რამაც შეიძლება ბავშვებს სქესის შეცვლის სურვილი გაუჩინოს. შემოდის ახალი კომპოზიცია „დემონსტრაციის“ და „პროპაგანდის“ ცნებების გამიჯვნის მიზნით.

დაინერგება სავალდებულო ფასიანი გამოწერა და დამატებითი ტექნიკური საშუალებები, რომლებიც იცავს ტელევიზიისა და რადიო მაუწყებლობის წვდომას ბავშვებისთვის აკრძალულ შინაარსზე, ასევე ამ შინაარსის სარეკლამო მასალებში ასაკობრივი მარკირება.

გარდა ამისა, ფართოვდება რეკლამის მოთხოვნები, რომლებიც არ უნდა შეიცავდეს არატრადიციული სექსუალური ურთიერთობების ან პრეფერენციების დამადასტურებელ ინფორმაციას.

კანონპროექტი კრძალავს არატრადიციული სექსუალური ურთიერთობების ან პრეფერენციების პროპაგანდას, მათ შორის პედოფილიის პროპაგანდას რუსეთის მოქალაქეებს შორის, როგორც მოზრდილებში, ასევე არასრულწლოვანებში,“ – წერს INTERFAX.

კანონით, “ლგბტ პროპაგანდისთვის” ჯარიმები და იურიდიული პირებისთვის საქმიანობის შეჩერებაც განისაზღვრა.

ლგბტ პროპაგანდისთვის დაწესებულია ჯარიმა  50 ათასი რუბლი.  400 ათასი რუბლი  მოქალაქეებისთვის; 100 – 800 ათასი რუბლი  თანამდებობის პირებისთვის; 800 ათასი – 5 მილიონი რუბლი ან საქმიანობის შეჩერება 90 დღემდე იურიდიული პირებისთვის.

პედოფილიის პროპაგანდისთვის: 200 ათასი – 800 ათასი რუბლი. – მოქალაქეებისთვის; 400 ათასი – 2 მილიონი რუბლი. – თანამდებობის პირებისთვის; 1 მილიონი – 10 მილიონი რუბლი. ან საქმიანობის შეჩერება 90 დღემდე – იურიდიული პირებისთვის.

ლგბტ–ის დემონსტრირება და ინფორმაცია, რომელიც ხელს უწყობს მოზარდებში სქესის შეცვლას, გამოიწვევს ჯარიმას: 50 ათასი – 200 ათასი რუბლის ოდენობით. – მოქალაქეებისთვის; 100 ათასი – 400 ათასი რუბლი – თანამდებობის პირებისთვის; 800 ათასი – 4 მილიონი რუბლი ან საქმიანობის შეჩერება 90 დღემდე – იურიდიული პირებისთვის.

უცხო ქვეყნის მოქალაქეებისა და მოქალაქეობის არმქონე პირებისთვის კანონპროექტი ითვალისწინებს რუსეთის ფედერაციიდან ადმინისტრაციულ გაძევებას.