რუსეთი ბელარუსში ტაქტიკურ ბირთვულ იარაღს განათავსებს, _ ამის შესახებ განაცხადა რუსეთის პრეზიდენტმა ვლადიმერ პუტინმა.
რუსეთის სახელმწიფო მედიის ცნობით, პრეზიდენტმა პუტინმა თქვა, რომ ეს ნაბიჯი არ დაარღვევს ბირთვული იარაღის გაუვრცელებლობის შეთანხმებებს.
მან დასძინა, რომ მოსკოვი არ გადასცემს თავის იარაღზე კონტროლს მინსკს.
ბელარუსს აქვს გრძელი საზღვარი უკრაინასთან და ნატოს წევრებთან პოლონეთთან, ლიტვასთან და ლატვიასთან.
ეს იქნება პირველი შემთხვევა 1990-იანი წლების შუა პერიოდის შემდეგ, როცა მოსკოვი ატომურ იარაღს ქვეყნის ფარგლებს გარეთ განათავსებს.
საბჭოთა კავშირის დაშლა 1991 წელს ნიშნავს, რომ იარაღი დაფუძნებული იქნა ოთხ ახლად დამოუკიდებელ სახელმწიფოში – რუსეთში, უკრაინაში, ბელარუსაში და ყაზახეთში – ყველა ქობინი რუსეთისთვის გადაცემით დასრულდა 1996 წელს.
ბელარუსის რეჟიმი კრემლის მტკიცე მოკავშირე და უკრაინაში შეჭრის მხარდამჭერია.
პრეზიდენტმა პუტინმა შაბათს განუცხადა რუსეთის სახელმწიფო ტელევიზიას, რომ ბელარუსის ლიდერი ალექსანდრე ლუკაშენკო დიდი ხანია აყენებს ბელარუსში ტაქტიკური ბირთვული იარაღის განლაგების საკითხს.
“არაფერია აქაც უჩვეულო”, – თქვა მან. “პირველ რიგში, შეერთებული შტატები აკეთებს ამას ათწლეულების განმავლობაში. მათ დიდი ხანია განალაგეს თავიანთი ტაქტიკური ბირთვული იარაღი მათი მოკავშირე ქვეყნების ტერიტორიაზე.”
რუსეთი მომავალი კვირიდან დაიწყებს ეკიპაჟების მომზადებას იარაღის ექსპლუატაციისთვის. ბელორუსიაში ტაქტიკური ბირთვული იარაღის შენახვის ობიექტის მშენებლობა 1 ივლისისთვის დასრულდება, დასძინა პრეზიდენტმა პუტინმა.
„ისკანდერის“ ტაქტიკური სარაკეტო სისტემების მცირე რაოდენობა, რომლებიც შეიძლება გამოყენებულ იქნას ბირთვული იარაღის გასაშვებად, უკვე გადაეცა ბელორუსიას, განაცხადა პრეზიდენტმა პუტინმა.
მან არ დააკონკრეტა, როდის გაიგზავნება თავად იარაღი.
