გამოდიან მოლაპარაკებაზე ბიძინა ივანიშვილისგან იმასთან დაკავშირებით, რომ კობახიძე გაქრება პოლიტიკური სპექტრიდან, იმ შემთხვევაში თუ ოპოზიცია თანახმა იქნება, დაჯდება მოლაპარაკებების მაგიდასთან „ქართულ ოცნებასთან“, – ამის შესახებ „კოალიცია ცვლილებისთვის“ ლიდერმა, ნიკა გვარამიამ „ტვ პირველის“ ეთერში განაცხადა და დააკონკრეტა, რომ შესაბამისი „სიგნალი“ ქვეყნის ტერიტორიაზე არ მიუღიათ და მათი და “ქართული ოცნების” წარმომადგენლებს შორის ინფორმაციის გაცვლა ქვეყნის გარეთ მოხდა.
მისი თქმით, მათი მხრიდან „ქართულ ოცნებასთან” არავითარი მოლაპარაკება არ იქნება. როგორც გვარამიამ განმარტა, მოლაპარაკება შესაძლებელია ერთადერთ საკითხზე – ხელახალი არჩევნები და ხელისუფლების მშვიდობიანი გადაბარება.
“ქართული ოცნება” უნდა შეეგუოს, რომ მას მოუწევს ახალი არჩევნების ჩატარება. ვერავითარი 25 ნოემბერი, ვერავითარი ახალი მთავრობა, ვერაფერი მსგავსი „ქართულ ოცნებას“ ვერ გადაარჩენს, თუ არადა ბატონ კობახიძეს მოვუყვებით, როგორ გამოდიან მოლაპარაკებაზე ბიძინა ივანიშვილისგან ჩვენთან პირადად, იმასთან დაკავშირებით, რომ კობახიძე საერთოდ გაქრება პოლიტიკური სპექტრიდან, იმ შემთხვევაში თუ ოპოზიცია თანახმა იქნება, (ამ შემთხვევაში არა მხოლოდ ჩვენი პარტია), რაღაცნაირად ისაუბრებს და დაჯდება მოლაპარაკებების მაგიდასთან „ქართულ ოცნებასთან“.
ახლა კობახიძემ სანამ არ მობეზრდება, იქამდე ატაროს მთავრობის სხდომები. რა თქმა უნდა, „ქართულ ოცნებასთან” არავითარი მოლაპარაკება არ იქნება, მოლაპარაკება შესაძლებელია ერთადერთ საკითხზე – ხელახალი არჩევნები და ხელისუფლების მშვიდობიანი მოლაპარაკება. კობახიძე არავის არ აღელვებს, საიდანაც გინდა იქიდან ააორთქლოს ბიძინა ივანიშვილმა” , -განაცხადა გვარამიამ.
ამავე თემაზე საუბრისას, დამაზუსტებელი კითხვის საპასუხოდ, ნიკა გვარამიამ აღნიშნა, რომ სიგნალი იყო პირადად ივანიშვილის მხრიდან იმასთან დაკავშირებით, რომ კობახიძე საერთოდ გაქრება პოლიტიკური დღის წესრიგიდან.
მისი განმარტებით, ეს „სიგნალი ამ ქვეყნის ფარგლებში არ ყოფილა“.
„კობახიძე არაფერს არ წარმოადგენ. სიგნალი იყო პირადად ივანიშვილის მხრიდან იმასთან დაკავშირებით, რომ კობახიძე საერთოდ გაქრება პოლიტიკური დღის წესრიგიდან.
ეს სიგნალი ამ ქვეყნის ფარგლებში არ ყოფილა. მოგვაწოდეს ეს სიგნალი ბიძინა ივანიშვილის მხრიდან, ოღონდ ამ ქვეყნის ფარგლებს გარეთ. პასუხი იყო აბსოლუტურად ცალსახა – არავითარი ინტერესი ჩვენ არ გაგვაჩნია იმასთან დაკავშირებით, ვის რას სთავაზობს ბიძინა ივანიშვილი“, – განაცხადა გვარამიამ.
გვარამიას თქმით, ქვეყნის გარეთ მათი და “ქართული ოცნების” წარმომადგენლებს შორის მოხდა კონკრეტული ინფორმაციების გაცვლა, რომ კობახიძე და დღევანდელი მთავრობა საერთოდ არ იფიგურირებდნენ არანაირ პოლიტიკურ დისკურსში, ოღონდ ოპოზიცია დათანხმდეს იმაზე, რომ რაღაც ფორმით მაინც შედგეს თანამშრომლობა.
„ჩვენ ტერიტორიაზე არ მომხდარა ამ სიგნალების გაცვლა, ჩვენ გვყავს წარმომადგენლები, ასევე, მათაც ჰყავთ ქვეყნის გარეთ წარმომადგენლები და მოხდა ურთიერთგაცვლა, ასე ვთქვათ, კონკრეტული ინფორმაციის, რომ კობახიძე და დღევანდელი მთავრობა საერთოდ არ იფიგურირებდნენ არანაირ პოლიტიკურ დისკურსში, ოღონდ ოპოზიცია (მოგეხსენებათ, ჩვენ წამყვანი ოპოზიციურ ძალა ვართ) დათანხმდეს იმაზე, რომ რაღაცა ფორმით მაინც შედგეს თანამშრომლობა. არავითარი თანამშრომლობა არ შედგება…
კობახიძეს ვინ ეკითხება რაიმე სიგნალის გაგზავნას, ან ვის ელაპარაკება საერთოდ. ეს არის ივანიშვილის ტექსტი და კიდევ ერთხელ ვუთვლი მას: არავითარი საუბარი მასთან არ იქნება, ერთადერთი საკითხი, რაც შეიძლება გადაწყდეს – ეს არის ხელახალი არჩევნები, კობახიძე ჩვენთვის არაფერს წარმოადგენს, იგი არის არარაობა“, – განაცხადა გვარამიამ.
კითხვაზე, რაზე უნდა დალაპარაკებოდა ბიძინა ივანიშვილი ოპოზიციურ პარტიებს, გვარამიამ უპასუხა, რომ „ნებისმიერ რამეზე, რაც შეიძლება მისაღები ყოფილიყო.“
„ჩემთვის არაფერი არ იქნება მისაღები. არც შევსულვართ სიღრმეებში. პასუხი არის მოჭრილად – ყველა ვინც ჩვენი სახელით საუბრობს, ავტორიზებულია, ისაუბროს ერთადერთ რამეზე – ხელახალი არჩევნები, მეტი არაფერი“, – განაცხადა გვარამიამ.
კითხვაზე, რას თმობდა „ქართული ოცნების“ საპატიო თავმჯდომარე, მოლაპარაკებების სანაცვლოდ, გვარამიამ აღნიშნა, რომ მთელ თავის პოლიტიკურ გუნდს.
„დღეს ვინც აღმასრულებელ ხელისუფლებაშია, ყველას უკლებლივ. ეს ჩვენ არ გვაინტერესებს – ჩვენთვის არ არსებობს „ქართულ ოცნებაში“ არცერთი სახელი და გვარი ბიძინა ივანიშვილის გარდა, ამიტომ საუბარი იქნება მხოლოდ ახალ არჩევნებზე“, – განაცხადა გვარამიამ.
