,,ევროპული საქართველოს“ წევრი სერგო რატიანი ,,გურია ნიუსთან“ საუბრისას ,,ზოგადი განათლების შესახებ“ კანონში დაანონსებულ ცვლილებებს გამოეხმაურა. რატიანმა ახალი კანონპროექტი რეფორმის უკან დაბრუნებად შეაფასა.
_ 2013 წელს ,,ზოგადი განათლების შესახებ“ კანონში რაც შეიცვალა, ფაქტობრივად, უკან აბრუნებენ. რაც 5 წლის განმავლობაში მანდატურის სამსახურის ჩამოშლას. არანაირი რეფორმა არ გახორციელებულა, 5 წლის წინანდელ კანონს აბრუნებენ უკან, ოღონდ კიდევ უფრო უმატებენ შინაგან საქმეთა სამინისტროს დისკრეციას და ის კომპონენტი, რომელიც მიმართული უნდა ყოფილიყო სკოლის განვითარებისკენ, ფაქტობრივად, ვერ გახორციელდა.
_ ახალი რეფორმის მიხედვით, შემოვიდა ე.წ. შეყოვნების მექანიზმი, რომლის მიხედვით, მანდატურს შეეძლება დისციპლინური ან სხვა დარღვევის შემთხვევაში, მოსწავლე შეაყოვნოს და განცალკევებით ამყოფოს მისი მშობლის ან კანონიერი წარმომადგენლის სკოლაში მისვლამდე. გარდა ამისა, მანდატურის ფუნქციებში შედის კანონის დარღვევის შემთხვევაში სამართალდამცავ ორგანოებთან კომუნიკაცია. ეს მექანიზმი მანამდე არ არსებობდა?
_ ე.წ. შეყოვნების მექანიზმს რაც შეეხება, კანონში ისედაც წერია, რომ, როცა სამართალდარღვევა ხდება, მანდატური ვალდებულია, შემთხვევის შესახებ სამართალდამცავ ორგანოებს აცნობოს.
_ ახალი კანონპროექტის მიხედვით, ვიდეოკამერების დამონტაჟება სკოლებში სავალდებულო ხდება, მაშინ, როცა სკოლა ისედაც ვალდებულია ჰქონდეს ვიდეოკამერები0…
_ არსებობს 2007 წლის ბრძანება, რაც ყველა სკოლას ვალდებულებას ანიჭებს, რომ კამერებით იყვნენ აღჭურვილი. დღეს კამერები ყველა სკოლაში არსებობს, მეტიც, ავტორიზაციის პირობებში წერია, რომ სკოლა ავტორიზაციის პირობებს ვერ დააკმაყოფილებს იმ შემთხვევაში, თუ დამონტაჟებული არ ექნება ვიდეოკამერების სისტემა. ეს ყველაფერი მეტი არაფერია, გარდა რეფორმის უკან დაბრუნებისა და გამეორებისა. კრიტიკას ,,ქართულ ოცნებაში“ არ ეთანხმებიან და ცალსახად აცხადებენ, რომ კანონმდებლობა ამ მხრივ სწორად ვითარდება.
კრიტიკას ,,ქართულ ოცნებაში“ არ ეთანხმებიან და ცალსახად აცხადებენ, რომ კანონმდებლობა ამ მხრივ სწორად ვითარდება.
,,აუცილებელია, რომ არსებობდეს ინსტიტუტი, რომელიც ყურადღებას მიაქცევს არასრულწლოვანთა აგრესიულ ქმედებებს, ამ ასაკში ახალგაზრდისთვის დამახასიათებელია აგრესიულობა, პასუხისმგებლობის დეფიციტი, ამიტომ კანონმდებლობა გასამკაცრებელია. ბუნებრივია, თვითონ სკოლის ფარგლებში მანდატურს ფუნქციები ისე უნდა გაეზარდოს, რომ არ შეზღუდოს ბავშვების უფლებებს. მინდა გითხრათ, რომ ეს არ იქნება პოლიციური ინსტიტუტი, არამედ ზედამხედველობის თვალსაზრისით გაძლიერდება. პირდაპირ შემიძლია გითხრათ, რომ ეს არ არის გამოსავალი, სკოლის ფარგლებში შეიძლება ყურადღების ქვეშ იყვნენ ბავშვები, მაგრამ სკოლის გარეთ მათი დაცვა ვერ მოხერხდება. ეს არის დიდი პრობლემა”, _ განაცხადა „გურია ნიუსთან“ საუბრისას ქართული ოცნების წევრმა გია გაჩეჩილაძემ.
