ბიძინა ივანიშვილის გამარჯვება მნიშვნელოვან გამარჯვებებს მოგვიტანს, _ ეს განცხადება საქართველოს პარლამენტის წევრმა “ქართული ოცნების” დეპუტატმა გია ბენაშვილმა ჩოხატაურში, “ქართული ოცნების” საოლქო ყრილობაზე გააკეთა, რომელიც ხელოვნების სასახლეში ამ წუთებში მიმდინარეობს.
ბენაშვილის თქმით, ქვეყანა წინ მიდის, ვითარდება და ჩვენ ქვეყანას უფრო დიდი წარმატებები ელის.
_ რა თქმა უნდა, გვაქვს ჯერ კიდევ პრობლემები. ბევრი უმუშევარი ადამიანია, გვაქვს ტერიტორიების პრობლემა. ჩვენი აქტივი, ხშირ შემთხვევაში, მიხედული არ არის. საუბარი მაქვს იმ ადამიანებზე, რომლებიც აქტიურად მუშაობდნენ 2011-2012 წლებში. ამ მიმართულებით ვიმიშავებთ. პარტია ახლა განახლების ეტაპზეა. უნდა მოვიზიდოთ ახალგაზრდები, ქალბატონები და უფრო მეტად გავძლიერდეთ, _ აღნიშნა ბენაშვილმა.
