“ჩვენ გავაძევებთ მთავრობას” _ პრემიერი აქციიდან დაცვამ გაიყვანა

რუსთაველის გამზირზე შეკრებილმა ადამიანებმა პრემიერ-მინისტრს საუბრის დასრულების შესაძლებლობა არ მისცეს _ გიორგი კვირიკაშვილს აქციის მონაწილეებმა სხვადასხვა სახის ნივთები ესროლეს და ტერიტორიის დატოვება მოსთხოვეს.

მთავრობის მეთაური აქციიდან დაცვამ გაიყვანა.

_ თქვენ, ხალხმა პრემიერი გააძევეთ. ჩვენ გავაძევებთ მთავრობას, _ მიმართა ხალხს ზაზა სალარიძემ.

აქციის მონაწილეების თქმით, თუკი ივანიშვილი მთავრობას არ გადააყენებს 100 000 კაცი ეზოს აუტალახებს:

_ პრემიერი კვირიკაშვილი ხალხს გაექცა, საქართველოს სინდისს და ნამუსს გაექცა, _ აღნიშნეს აქციის მონაწილეებმა.