შეიძლებოდა გვეფიქრა, რომ ისინი, ვინც კორონავირუსის კრიზისის დროს დისტანციურად მუშაობენ და მთელი დღე თავის პარტნიორთან ერთად სხედან სახლში, სპორტულ შარვლებში, ნაკლებად კავდებიან სექსით. თუმცა რეალობა, როგორც ჩანს, სულ სხვანაირად გამოიყურება, – ამის შესახებ Die Welt-ი წერს.
როგორც გერმანული გამოცემა წერს, როდესაც პანდემია მძვინვარებს, როდესაც სახლი ხდება ოფისი, როდესაც sweatpants ხდება მუდმივი თანამგზავრი და წყვილებს აღარ შეუძლიათ ერთმანეთისგან თავის არიდება – რას უწყობს ეს მათ სექსუალურ ცხოვრებას? სექსოლოგებმა გერმანიაში წყვილების სქესობრივ ცხოვრებაზე კორონაკრიზისის გავლენა შეისწავლეს და მოულოდნელი შედეგები მიიღეს.
,,ურთიერთობების საკითხებში ექსპერტები მიიჩნევენ, რომ კორონაკრიზისი სულაც არ არის ცუდი დრო სექსისთვის.
ბერლინის ფსიქოთერაპევტი ვოლფგანგ კრიუგერის თქმით, სქესობრივი ცხოვრება წყვილების 50%-ზე მეტს გაუუმჯობესდა.
„მთლიანობაში, ამ ლოკდაუნის დროს ადამიანებს ერთმანეთის გვერდით უფრო მეტ ხანს სძინავთ. ჩვენი შეფასებით, სქესობრივი ცხოვრება წყვილების 50%-ზე მეტს გაუუმჯობესდა“, – ამბობს ბერლინელი ფსიქოთერაპევტი.
მას ამის დამამტკიცებელ საბუთად გერმანელების საყიდლების ჩამონათვალი მოჰყავს. „ლოკდაუნის დროს ყველაზე დიდი პოპულარობით ორი რამ სარგებლობს: ტუალეტის ქაღალდი და პრეზერვატები სარგებლობა. ასევე, როგორი უცნაურიც არ უნდა იყოს, სექს-სათამაშოები“, – ამბობს კრიუგერი.
ამას მოწმობს ეროტიული შეკვეთის ბიზნესიც – ,,სექს-სათამაშოებზე მოთხოვნა განსაკუთრებით მეორე ლოკდაუნის დროს გაიზარდა, ვიდრე პირველში. 2020 წლის ნოემბერში და დეკემბერში 170 % მეტი პროდუქტი გაიყიდა, ვიდრე აპრილსა და მაისში. რადგან სიყვარული და სექსუალობა არის უსაფრთხოების განცდის მისაღწევად. ომის დროსაც კი სექსუალურობის სურვილი ყოველთვის იზრდება“, _ ამბობს კომპანიის სპიკერი.
გერმანელი ფსიქოთერაპევტის თქმით, კრიზისულ პერიოდში სასიყვარულო ურთიერთობები ყოველთვის უფრო ინტენსიურია
„კრიზისულ პერიოდში სასიყვარულო ურთიერთობები ყოველთვის უფრო ინტენსიურია. სიყვარული და სქესობრივი ცხოვრება ხომ შესაძლებლობაა, თავი უსაფრთხოდ იგრძნო. ომის დროსაც სიახლოვის სურვილი ყოველთვის იზრდება“, _ ამბობს გერმანელი ფსიქოთერაპევტი.
მსგავსი ტენდენცია – თუმცა უფრო მცირე რაოდენობით – ნაჩვენებია ჰამბურგის უნივერსიტეტის სამედიცინო ცენტრის ეპენდორფის (UKE) და მერსებურგის უნივერსიტეტის მიერ ჯერ კიდევ გამოუქვეყნებელი ორი კვლევაში.
კვლევის ხელმძღვანელის, ჰეინც-იურგენ ვოსის, სექსოლოგიისა და სექსუალური განათლების პროფესორის, მერსებურგის გამოკითხვის თანახმად, გამოკითხული პარტნიორი მამაკაცების 72 % განაცხადა, რომ კორონას გამო, მათი პარტნიორობის მდგომარეობა არ გაუარესებულა 16 % თქმით, კი ეს კიდევ უკეთესი იყო.
„მერზებურგის უნივერსიტეტის მიერ გამოკითხული კაცების 72% აცხადებს, რომ კორონავირუსის დროს მათი ურთიერთობები არ გაუარესებულა, 16% კი ამბობს, რომ გაუმჯობესდა კიდეც. გამოკითხულთა მხოლოდ 12% მიიჩნევს, რომ მათი ურთიერთობები გაუარესდა. რაც შეეხება ქალებს, გამოკითხულთა 30%-მა თქვა, რომ ურთიერთობები გაუმჯობესდა, 58%-სთვის არ შეცვლილა, 12%-სთვის კი გაუარესდა“ – ამბობს ჰეინც-იურგენ ვოსი.
ვოსის თქმით, პარტნიორობის უკეთესი შეფასება, როგორც წესი, რესპონდენტებისთვის მეტ სექსსაც ნიშნავს.
”ქალები, რომლებიც კორონას პირობებში პარტნიორულ ვითარებაში გაუმჯობესებულ ვითარებას ასახელებენ, საშუალოდ, უფრო მეტი სექსი ჰქონდათ, ვიდრე მათ, ვინც სიტუაციას უარესად ახასიათებს. ციფრებით, ეს ნიშნავს 6,5-ჯერ, ვიდრე ოთხჯერ მეტს, ოთხ კვირაში.“ – აცხადებს ვოსი.
გამოცემა აღნიშნავს, რომ არის განსხვავებებიც.
ვოსი მიდის დასკვნამდე: „პირველ რიგში, როცა ურთიერთობებში უკვე იყო სირთულეები, ის ლოკდაუნის დროს გაუარესდა. თავის როლს თამაშობს ასევე ფინანსური სიტუაცია, საცხოვრებელი პირობები და განათლება. როგორც წესი, ადამიანები კარგი განათლებით ლოკდაუნის დროს პარტნიორთან სქესობრივი ცხოვრებით უფრო კმაყოფილები ხდებოდნენ“, _ წერია სტატიაში.
