“ნაციონალური მოძრაობის” ოზურგეთის ორგანიზაციაში ჯერ პარტიული სია არ აქვთ. პარტიის ბიუროს წევრის, ბესო ქათამაძის თქმით, დეტალები ამ დღეებში დაზუსტდება:
_ 15 კაცი უნდა გვყავდეს სიაში და ჯერ საბოლოოდ არ ვართ ჩამოყალიბებულები. ამ დღეებში შეიკრიბება ბიურო და ვიმსჯელებთ ამ საკითხზე, _ აღნიშნა ჩვენთან საუბრისას ქათამაძემ.
მისივე თქმით, ამ დროისთვის საბოლოოდ არ გადაწყვეტილა მაჟორიტარი კანდიდატების საკითხიც:
_ ახლა გავდივართ კონსულტაციებს. დაზუსტებით მხოლოდ ის შემიძლია გითხრათ, რომ მე კენჭს ვიყრი დაბა ნასაკირლაში, დავით მჟავანაძე _ ჭანიეთში, ხოლო შალვა თავდიშვილი ძიმითში, _ თქვა ჩვენთან საუბრისას ქათამაძემ.
