ეკონომისტი, პოლიტოლოგი და “ლიდერთა სკოლის” დამფუძნებელი გია მაისაშვილი საკუთარი ჯანმრთელობის მდგომარეობის შესახებ სოციალურ ქსელში ინფორმაციას აქვეყნებს. როგორც პოსტიდან ვიგებთ, მაისაშვილის ჯანმრთელობის მდგომარეობა გაუარესდა.
“მდგომარეობა მოულოდნელად გაუარესდა, კვლავ სასწორზეა სიცოცხლე, სიკვდილის შიში არაა, უბრალოდ რამდენია გასაცემი და ეს მენანება.
მით უმეტეს მარტში ჩამოსვლას და ჩვენს ახალ პარტნიორებთან ერთად, მსოფლიო სახელის მეცნიერებთან სტენფორდიდან ქართველ განმანათლებლებთან ზაზა მარუაშვილთან და მის კოლეგასთან, ელენესთან, რომელსაც მომავალ ლიდერად ვზრდით თანამედროვე ინფრასტრუქტურაში უნდა გაგვეახლებინა ლიდერთა სკოლა, ახალი რევოლუციური მიგნებების დამატებით.
ცოტა ძალას რომ მოვიკრებ ვეცდები ფეისბუქზე მოკლედ და მარტივად აგიხსნათ ის დიდი გარღვევა, რაც ლიდერთა სკოლაში გვექნება თქვენთვის. მანამდე ყველა მადლიან ადამიანს გთხოვთ მხურვალე ლოცვასა და კეთილ სურვილებს. მჯერა იმდენი მადლი ტრიალებს და ისეთი შეუპოვარი ბრძოლაა, რომ უფალი ჩაერევა და ურჩხულს სიკეთეზე არ გაამარჯვებინებს.
კეთილმა სძლია ბოროტსა არსება მისი გრძელია! მადლობა ყველას, სიცოცხლეს ეზეიმოს!კეთილშობილი მამა ნიკოლოზი ლოცულობს მხურვალედ”,- ამბობს მაისაშვილი.
გია მაისაშვილი მეოთხე წელია თავის ტვინის სიმსივნეს ებრძვის.
