მთავრობის მიერ წარდგენილი ანტიკრიზისული გეგმის მიხედვით, COVID-19-ს ეპიდემიის კრიზისის პერიოდში, ადამიანები, რომლებმაც დაკარგეს სამსახურები ან უხელფასო შვებულებაში გაუშვეს, 6 თვის განმავლობაში 200 ლარიან დახმარებას მიიღებენ, ამისთვის კი აუცილებელი პირობაა, ადამიანებმა დაასაბუთონ, რომ იყვნენ დასაქმებულები და კრიზისის დაწყებამდე უდასტურდებათ შემოსავალი.
თუმცა, ყველა დასაქმებული აღნიშნულ სოციალურ დახმარებას ვერ მიიღებს, იქიდან გამომდინარე, რომ ბევრ დამსაქმებელს, დასაქმებულებთან არ ჰქონდათ შრომითი ხელშეკრულება გაფორმებული, შესაბისად შემოსავლების სამსახურს არ აწვდიდნენ დასაქმებულის შესახებ ინფორმაციას, ხშირ შემთხევაში ამას დამსაქმებლები აკეთებდენ იმის გამო, რომ მათ არ გადაეხადათ საშემოსავლო გადასახადი. ძირითადად, ასეთი კომპანიებიაა სუპერმაკეტები, რესტორნები, კაფე-ბარები და სხვა..
,,გურია ნიუსი“ აღნიშნულ საკითხთან დაკავშირებით ესაუბრა ადამიანებს, რომელბმაც საგანგებო მდგომარეობის შემოღების გამო დაკარგეს სამსახური და დახმარების მისაღებად კი ვერ ადასტურებენ თავიანთ შემოსავალს.
ერთ-ერთი სუპერმარკეტის თანამშრომლის, თ.ხ-ს თქმით, საგანგებო მდგომარეობის შემოღების პირველივე დღიდან დაკარგა სამსახური და ახლა სოციალური დახმარების მისაღებად ვერ ადასტურებს შემოსავალს.
,,ვმუშაობდი მაღაზიაში, ვიყავი ღამის სმენის თანამშრომელი, ხელფასს კი ხელზე ვიღებდი. კომენდანტის საათის გამოცხადების დღიდან დავკარგე სამსახური. ხელმძღავნელობამ გვითხრა, რომ ღამით მაღაზია დაიკეტება და სანამ ეს მდგომარეობა იქნება, მანამდე ვერ იმუშავებო, შესაბამისად ხელფასსაც არ მიხდიან. ახლა, როცა მთავრობამ გამოაცხადა, რომ ვინც სამსახური დაკარგა, ისინი დახმარებას მიიღებენ, მენეჯერს დავუკავშირდი, რომ გამერკვია თუ მომცემდენ შესაბამის ცნობას, ასევე დავინტერესდი თუ ფიქსირდებოდა ჩემი შემოსავალი, შემოსავლების სამსახურში, რაზეც მითხრეს, რომ ვერ მომცემდენ რადგან არ ვიყავი გაფორმებული. შემდგომ დავრეკე ფინანსთა სამინისტროს ცხელ ხაზზე, იქ კი მითხრეს, რომ ამ შემთხვევაში ვერ მივიღებდი დახმარებას,“_ აცხადებს თ.ხ.
მსგავს მდგომარებაშია, თბილისში მდებარე ერთ-ერთი რესტორნის თანამშრომელი, ი.ჯ. მასაც განუცხადეს, რომ ცნობას ვერ გასცემდენ, რადგან არ ჰქონდა დადებული შრომითი ხელშეკრულება.
,,ვარ სტუდენტი. პარალელურად, ვმუშაობდი თბილისის ერთ-ერთ პრესტიჟულ რესტორანში ოფიციანტად, თუმცა მათთან შრომითი ხელშეკურულება არ მქონდა, არც მომითხოვია, რადგან ჩემთვის მთავარი იყო მემუშავა და სწავლის ქირა გადამეხადა, ვინაიდან მშობლებს ბინის ქირის და სწავლის საფასურის გადახდის შესაძლებლობა არ ქონდათ.
როდესაც კომენდანტის საათი გამოცხადდა, მენეჯერმა გვითხრა, რომ სამსახურში არ გავსულიყავით და ხელფასსაც ვერ მივიღებდი. ასევე გვითხრეს, რომ როცა შეზღუდვები მოიხსენება დაგიკავშირდებითო.
როდესაც მთავრობამ გამოაცხადა სოციალური დახმარების შესახებ, მე მივმართე რესტორნის მენეჯმენტს და დავინტერესდი ჩემი ხელფასი თუ ფიქსირდებოდა შემოსავლის სამსახურში და თუ შეძლებდენ დასაქმების შესახებ რაიმე სახის ცნობის მოცემას, რაზეც უარი განმიცხადეს, იმ მიზეზით, რომ მე ოფიციალურად არ ვიყავი დასაქმებული,“ _ ამბობს ი.ჯ.
„გურია ნიუსს“, ასევე ესაუბრა ერთ-ერთი ღამის კლუბის თანამშრომელი თ.ჯ, რომელიც აცხადებს, რომ კომენდანტის საათის შემოღების შემდეგ 20-მდე თანამშორმელმა სამსახური დაკარგა, ასევე ვერ ასაბუთებენ, რომ იყვნენ დასაქმებულები, რადგან დამსაქმებელს, მათან არ გაუფორმებია შრომითი ხელშეკრულება.
,,ვიყავი ღამის კლუბის ოფიციანტი, კომენდანტის საათის გამოცხადების დღიდან სამსახურიდან გაგვიშვეს ისე, რომ, არც ხელფას გვაძლევენ და არც კომპენსაცია გადაუხდიათ. მუშაობის პერიოდში მენეჯერმა თანამშრომლებს გამოართვა პირადობის მოწმობები და გვითხრეს, რომ უნდა გაგაფორმოთო, მეც მეგონა რომ ვიყავი ოფიციალურად დასაქმებული, მაგრამ სამწუხაროდ ესე არ ყოფილა. მენეჯერს რომ ვუთხარი ცნობა მოეცათ, მითხრეს, რომ ვერ მოგცემთო, რადგან არ ქონდათ შრომითი ხელსეკრულება კლუბთან გაფორმებულიო, ვერაფრით დაგეხმარებითო, ჩვენც შეგვექმნება პრობლემა, ცნობა რომ მოგცეთო.
სამწუხაროდ, ვერც მე და ვერც ჩემი 20-მდე თანამშრომელი მთავრობის გამოცხადებულ დახმარებას ვერ მივიღებთ,“ _ აცხადებს თ.ჯ.
მიიღებენ თუ არა ის ადამიანები დახმარებას, ვისაც კომპანიებთან არ ქონდათ შრომითი ხელშეკრულება გაფორმებული?_ აღნიშნულ საკითხთან დაკავშირებით ,,გურია ნიუსი“ დაუკავშირდა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინსიტროს, სადაც საზოგადოებასთან ურთიერთობის სამსახურის წარმომადგენელმა განაცხადა, რომ ეს ადამიანები სავარაუდოდ ვერ მიიღებენ დახმარებას.
,,მათ ელქრონულ პორტალზე MOH.GOV.GE-ზე უნდა შეავსონ განაცხადი, შემდეგ კომისია განიხილავს და გაიგებენ მიიღებენ თუ არა დახმარებას, თუმცა სავარაუდოდ ეს ადამიანები ვერ შეძლებენ დახმარების მიღებას, რადგან აუცილებელი პირობაა დაადასტურონ, რომ იყვნენ დასაქმებულები და ქონდათ შემოსავალი,“ _ განაცხადეს სამინისტროში.
,,გურია ნიუსი“ ასევე დაუკავშირდა ფინასნთა სამინსიტროს ცხელ ხაზს, სადაც გვითხრეს, რომ ესეთი ადამიანები, რომელებიც იყვნენ დასაქმებულები, ქონდათ ხელფასი და ამას ვერ ადასტურებენ, რადგან დამსაქმებელი შემოსავლების სამსახურს არ აწვდიდა ამის შესახებ ინფორმაციას, ვერ მიიღებენ დახმარებას.
,,ეს ადამიანები სამწუხაროდ ვერ მიიღებენ დახმარებას, რადგან აუცილებელია მათ დაადასტურონ, რომ იყვნენ დასაქმებულები და ქონდათ შემოსავალი. ისინი ვერ ადასტურებენ, ამ შემოსავალს რადგან დამსაქმებელი არ აწვდიდა დასაქმებულის შესახებ ინფორმაციას შემოსავლების სამსახურს, რომ მათ ხელფასს უხდიდა, რადგან არ ქონდათ შრომითი ხელშეკრულება. ეს ადამიანები, ასევე არ ითვლებიან თვითდაქმებულებად,“ _ გვითხრეს ფინანსთა სამინისტროს ცხელ ხაზე დარეკვისას.
