“მივიღეთ ცნობები ერიტრეელი ლტოლვილების მკვლელობის, გატაცების შესახებ”

გაეროს  უმაღლესი კომისარი ლტოლვილთა საკითხებში, ფილიპო გრანდი,  ეთიოპიაში ერიტრეელი ლტოლვილების უსაფრთხოებისა და კეთილდღეობის შესახებ, განცხადებას ავრცელებს.

„მე ღრმად შეშფოთებული ვარ ეთიოპიაში ერიტრეელი ლტოლვილების უსაფრთხოებისა და კეთილდღეობის შესახებ, რომლებიც ტიგრის რეგიონში კონფლიქტის შედეგად მოხვდნენ. თვეზე მეტია, UNHCR– სა და ჰუმანიტარულ პარტნიორებს არ აქვთ წვდომა ტიგრის შიგნით არსებულ ერიტრეელ ლტოლვილთა ოთხ ბანაკზე, რის გამოც ლტოლვილთა უსაფრთხოებასა და გადარჩენას დიდი საფრთხე ემუქრება.

ბოლო თვის განმავლობაში, ჩვენ მივიღეთ შემაშფოთებელი ცნობები ტიგრეიში ერიტრეელი ლტოლვილების მკვლელობის, გატაცებისა და ერიტრეაში იძულებით დაბრუნების შესახებ. დადასტურების შემთხვევაში, ეს ქმედებები საერთაშორისო სამართლის მნიშვნელოვანი დარღვევაა”,_ აცხადებს ფილიპო გრანდი.