ჯანდაცვის მსოფლიო ორგანიზაციამ (WHO) კოვიდინფიცირების ყველაზე მაღალი დღიური მაჩვენებელი აღრიცხა. დღე-ღამეში ვირუსი 307 930 ადამიანს დაუდგინდა, – ამის შესახებ BBC იუწყება.
24 საათის განმავლობაში, კორონავირუსს 5 500-ზე მეტი ადამიანის სიცოცხლე ემსხვერპლა და გარდაცვლილთა ჯამურმა რაოდენობამ 917 417 შეადგინა.
დღე-ღამეში ინფიცირებულთა რაოდენობამ ყველაზე მეტად ინდოეთში, აშშ-სა და ბრაზილიაში იმატა.
ინდოეთმა 94,372 ახალი შემთხვევა გამოაცხადა კვირას, შემდეგ მოსდევს აშშ 45,523 და ბრაზილია 43,718 შემთხვევით.
აქამდე, ყველაზე მაღალი მაჩვენებელი 6 სექტემბერს დაფიქსირდა, როცა ვირუსი 306 857 ადამიანს გამოუვლინდა.
1000-ზე მეტი ახალი სიკვდილი დაფიქსირდა აშშ-სა და ინდოეთში, ხოლო ბრაზილიამ თქვა, რომ ბოლო 24 საათის განმავლობაში 874 ადამიანი გარდაიცვალა კოვიდ -19-თან დაკავშირებული დაავადებით.
ცნობისთვის, ინდოეთში დადასტურებული შემთხვევების რაოდენობით მსოფლიოში მეორე ადგილი აქვს აშშ-ს ჩამორჩება. გასულ კვირას მან აგვისტოში აღნიშნა თითქმის ორი მილიონი კოვიდ -19 შემთხვევა, რაც მსოფლიოში ყველაზე მაღალი თვიური მაჩვენებელია პანდემიის დაწყების შემდეგ.
