სამი ახალგაზრდა დავით ვაშაყმაძე, საბა სირაძე და ვახტანგ დოლიძე ოზურგეთის მუნიციპალიტეტში გარემოში არსებული პლასტმასის ნარჩენების ათვისებას, გადამუშავებასა და ეკოლოგიურად სუფთა მეორეული ნაწარმის შექმნას აპირებს. პროექტი უკვე შერჩეულია და სოციალური ინოვაციების იდეების კონკურსის ხუთ გამარჯვებულ შორის არის.
Socialinnovation.ge ფეისბუქგვერდზე აღნიშნულია, რომ იდეა გულისხმობს გარემოში არსებული პლასტმასის ნარჩენების ათვისებას, გადამუშავებასა და ეკოლოგიურად სუფთა მეორეული ნაწარმის შექმნას. კერძოდ, ვახტანგი თავის თანამოაზრეთა გუნდთან ერთად, ოზურგეთში, გეგმავს 3D პრინტერების მეშვეობით პლასტმასის ნარჩენების გადამუშავების მცირე საწარმოს ამოქმედებას. საწარმო რეალიზაციას გაუწევს გადამუშავების შედეგად მიღებული ფილამენტის ძაფს და ასევე, მისგან დამზადებულ სხვადასხვა ნივთებს. ამასთან, საწარმო ეცდება გამოცდილებისა და ბიზნეს მოდელის გავრცელებას სხვა მუნიციპალიტეტებში.
საბა, დავითი და ვახტანგი წმ.გაბრიელ ეპისკოპოსის სახელობის სამრევლო სკოლაში სწავლობდნენ.
ვახტანგ დოლიძე: დავიბადე და გავიზარდე გურიაში, ქალაქ ოზურგეთში.
მეც და ჩემი გუნდის წევრებმაც დავამთავრეთ წმინდა გაბრიელ ეპისკოპოსის სახელობის სამრევლო სკოლა. სკოლაში მოსწავლეთა რაოდენობა არასდროს ყოფილა ბევრი, რაც ყოველთვის ქმნიდა ოჯახურ გარემოსა და სიახლოვის შეგრძნებას. სკოლის დამთავრების შემდეგ ჩავაბარე ტექნიკურ უნივერსიტეტში, არქიტექტურის ურბანისტიკისა და დიზაინის ფაკულტეტზე. სწავლის პერიოდში განვივითარე ხატვის, ხაზვისა და სხვა უნარები, რომლებიც ახლოს არის არქიტექტურასთან. სწორედ უნივერსიტეტში პირველად მქონდა შეხება 3D პრინტერთან, რამაც ძალიან დამაინტერესა და იმთავითვე დავიწყე ფიქრი როგორ იქნებოდა შესაძლებელი არსებული ტექნოლოგიით მაშტაბური წარმოების შექმნა.დღეს ეს ყველაფერი უკვე რეალური გახდა, რისთვისაც მადლობა მინდა გადავუხადო ტრენინგებისა და კონსულტაციების ცენტრს.“
საბა სირაძე: დავიბადე და გავიზარდე ქალაქ ოზურგეთში.
წმინდა გაბრიელ ეპისკოპოსის სამრევლო სკოლის დამთავრების შემდეგ ჩავაბარე თბილის სახელმწიფო უნივერსიტეტის, საერთაშორისო სამართლის ფაკულტეტზე.
ამჟამად ვმუშაობ საბანკო სექტორში საკრედიტო ექსპერტის პოზიციაზე.
სოციალური ინოვაციების კონკურსის შესახებ მე და ჩემმა გუნდმა სოციალური ქსელის მეშვეობით სრულიად შემთხვევიტ შევიტყვეთ. გამოდინარე იქედან რომ ჩვენ უკვე დამუშვებული გვქონდა 3D საამქროს მუშაობის კონცეფცია, აქტიურად ვეძებდიტ ადამიანებს, რომლებიც ასევე დაინტერესდებოდნენ ამ იდეით და დაიჯერებდნენ მისი წარმატების გარდაუვალობას. კონკურსის პირობების გაცნობის შემდეგ მივხვდიტ რომ ეს იყო ჩვენთვის და ჩვენი იდეისთვის იდეალური შანსი და პლატფორმა, იმისთვის რო მეს ყველაფერი რეალობად გვექცია, საბედნიეროდ ასეც მოხდა.
დავით ვაშაყმაძე: დავიბადე და გავიზარდე ოზურგეთში, სოფელ ლიხაურში. საშუალო სკოლის დამთავრების შემდეგ ჩავაბარე ილიას სახელმწიფო უნივერსიტეტში, ბიზნეს-ადმინისტრირებისა და ეკონომიკის ფაკულტეტზე, დღეს კი ბიზნესისა და ტექნოლოგიების უნივერსიტეტის სტუდენტი ვარ. დედაქალაქში წლების განმავლობაში ვმუშაობდი ბარმენად. საუნივერსიტეტო ცხოვრების პერიოდში მივედი იმ დასკვნამდე რომ 21-ე საუკუნეში განსაკუთრებიტ წარმატებულები ხდებიან ის ადამიანები, რომლებმაც შეძლეს და მოიფიქრეს რაღაც ახალი და განსხვავებული რაც მანამდე მათ რეალობაში არ არსებობდა. ჩვენს ქვეყანაში მძინე ეკოლოგიური მდგომარებობა ყოველდღიურად გვიქმნის დისკომფორტს. როგორც კი მე და ჩემმა მეგობრებმა გავიგეთ იმის შესახებ რომ 3D პრინტერით და მასთან დაკავშირებული ტექნოლოგიებით, როგორც ფინანსური ისე ეკოლოგიური სარგებლობის მირება შეგვეძლო და ტან ეს ყველაფერი ქართული რეალობისთვის აბსოლუტურად უცხო ხილი იყო, ამ ყველაფერმა ტავიდანვე ძალიან მოგვხიბლა, შედეგი კი სახეზეა.
ვახტანგ დოლიძე “გურია ნიუსთან“ საუბრის დროს ამბობს, რომ პროექტის გახორციელება ზაფხულში დაიწყება.
