ერთი კვირის განმავლობაში ოზურგეთის მუნიციპალიტეტის საკრებულოს კომისიებში 2018 წლის ბიუჯეტის პროექტის განხილვა შედგა. წლის მთავარი დოკუმენტის დამტკიცება ახალი წლის დღეებში ვერ მოხერხდა და მისი დამტკიცება 2018 წლის იანვარში არის მოსალოდნელი.
აღმასრულებელი ორგანოს მიერ წარმოდგენილი ბიუჯეტის პროექტის პარამეტრები და პრიორიტეტები 18 479.0 ათასი ლარით არის განსაზღვრული. 2018 წლის ბიუჯეტით გაერთიანებულ მუნიციპალიტეტში ადმინისტრაციული ხარჯი 4,2 მლნ. იქნება.
ზემოაღნიშნულის გათვალისწინებით, 2018-2021 წლების ოზურგეთის მუნიციპალიტეტის ძირითადი პრიორიტეტებია: ინფრასტრუქტურის მშენებლობა, რეაბილიტაცია და ექსპლოატაცია; განათლების ხელშეწყობა; კულტურა; მოსახლეობის ჯანმრთელობის დაცვა და სოციალური უზრუნველყოფა; ინფრასტრუქტურის მშენებლობა, რეაბილიტაცია და ექსპლოატაცია. ინფრასტრუქტურის მშენებლობა, რეაბილიტაცია და ექსპლოატაცია – 2018 წლის ბიუჯეტის პროექტში 6 515 000 ლარია განსაზღვრული; განათლება – 3 100 000 ლარი, კულტურა – 2 980 700 ლარი, სოციალური უზრუნველყოფა და ჯანმრთელობის დაცვა 1 505 100 ლარი.
მუნიციპალიტეტის წარმომადგენლობითი და აღმასრულებელი ორგანოების შენახვაზე 4 მილიონზე მეტი ლარი დაიხარჯება. 2018 ბიუჯეტის პროექტის მიხედვით, წარმომადგენლობითი ორგანოების შენახვაზე 886.9 ათასი ლარი, კერძოდ: შრომის ანაზღაურების მუხლში 545.2 ათასი ლარი, ხოლო საქონელი და მომსახურების მუხლში – 331.7 ათასი ლარი, არაფინანსური აქტივების ზრდა -10.0 ათ.ლარი. აღმასრულებელი ორგანოების შენახვაზე – 2973,3 ათასი ლარი, კერძოდ: შრომის ანაზღაურების მუხლში 2290,7 ათასი ლარი, ხოლო საქონელი და მომსახურების მუხლში – 607,6 ათასი ლარი, არაფინანსური აქტივების ზრდა -75.0 ათ.ლარი.
„დღეს ჩვენ ვიმსჯელეთ მუნიციპალიტეტის მომავალი წლის ბიუჯეტის პროექტზე, არის კონკრეტული ხარვაზები, ბიუჯეტი, თითქოსდა, არის შედგენილი პროგრამულ ფორმატში, მაგრამ მისი ძირითადი პარამეტრები, სწორედ შედგენის მეთოდოლოგიის ნაწილში გარკვეული ხარვეზებით ხასიათდება. თითოეული პროგრმაის გახორციელების საბოლოო შედეგები, მათი შეფასების ინდიკატორები არასრულყოფილადაა წარმოდგენილი. აქედან გამომდინარე, ის ვერ იძლევა განხორციელებული სამუშაოების შეფასების ობიექტურ პარამეტრებს. ეს არის სერიოზული ხარვეზი, რომელიც აუცილებლად უნდა გამოსწორდეს. კომისიამ შეიმუშავა დასკვნა, რომელშიც კოლეგების წინადადებები, შინიშვნები აისახა და მიგვაჩნია, რომ შესაბამისმა სამსახურებმა უნდა გაითვალისწინოს“, _ თქვა სივრცით-ტერიტორიული დაგეგმარების და ინფრასტრუქტურის კომისიის თავმჯდომარემ ლავრენტი ბიგვავამ.
ოზურგეთის მუნიციპალიტეტის მერიის საბიუჯეტო-საფინანსო სამსახურის უფროსის გია მამაკაიშვილის თქმით, ოფიციალურად შენიშვნები, წინადადები და რეკომენდაციები არ შესულა.
“2018 წლის პირველი დღეებში შემოვა და ყველა საკითხზე მოხდება გადახედვა. მერიის წარმომადგენლები საკრებულოს კომისიების და ფრაქციების სხდომებს ესწრებოდა და ჩავინიშნეთ ყველა ის შენიშვნა, რაც ჰქონდათ საკრებულოს წევრებს. ამ წუთებში სწორედ ამ საკითხზე ვმუშაობთ, რომ მოხდეს ცვლილებები და დროულად დავუბრუნოთ 2018 წლის ბიუჯეტის პროექტი საკრებულოს“, – გვითხრა გია მამაკაიშვილმა.
საქართველოს მოქმედი კანონმდებლობის შესაბამისად, ოზურგეთის მუნიციპალიტეტის 2018 წლის ბიუჯეტის პროექტი, მისი განხილვის პროცესში შემოსული სათანადო შენიშვნებით, წინადადებებით, რეკომენდაციებითა და ინიციატივებით აღმასრულებელ ორგანოს დაუბრუნდა.
“გურია ნიუსი“ დაუკავშირდა ოზურგეთის მუნიციპალიტეტის საკრებულოს პრესსამსახურს და მოითხოვა იმ შენიშვნების ნუსხა, რომელიც საკრებულოსგან გაეგზავნა აღმასრულებელ ხელისუფლებას.
წარმოგიდგენთ საკრებულოს შენიშვნებს, წინადადებებს, რეკომენდაციებსა და ინიციატივებს ბიუჯეტის პროექტის შესახებ:
1.დარღვეულია პროექტის საკრებულოში შემოტანის ვადა. ბიუჯეტის პროექტის შემუშავებისას დაცული ვერ იქნა კანონმდებლობით გასაზღვრული ნორმები.
2.მუნიციპალიტეტის 2018-2021 წლების პრიორიტეტების დოკუმენტი შეიცავს მხოლოდ დასაგეგმი – 2018 წელს განსახორციელებელ პროგრამებს/ქვეპროგრამებს, დაფინანსების ოდენობებს, მიზნებსა და შედეგებს, პროგრამების/ქვეპროგრამების მოსალოდნელი შედეგების შესრულების ინდიკატორებს;
3.აღნიშნული პროექტია იძლევა შესაძლებლობას შედარებული იქნას გაერთიანებული მუნიციპალიტეტების ფაქტიური შემოსულობები გასული წლის, დასაგეგმიდა მომდევნო სამი წლის შემოსულობებთან.
4.ბიუჯტის პროექტში არ ჩანს, თუ რა პროგრამებს (ქვეპროგრამებს) განახორციელებს მუნიციპალიტეტი და რომელი საბიუჯეტო ოგანიზაციები იქნებიან თითოეულის შესრულებაზე პასუხისმგებელი. ოზურგეთის მუნიციპალიტეტის 2018 წლის ბიუჯეტის წარმოდგენილი პროექტი სრულად ვერ აკმაყოფილებს პროგრამული ბიუჯეტის სტანდარტებს.
5.მუნიციპალიტეტის ბიუჯეტი შედგენილია პროგრამულ ფორმატში, თუმცა იგი არ არის დაზღვეული ცალკეული ხარვეზებისგან სწორედ პროგრამული ბიუჯეტის შედგენის მეთოდიკის ნაწილში. კერძოდ სერიოზულად დასახვეწია ცალკეული პროგრამების განხორცილების შედეგად მოსალოდნელი შუალედური და საბოლოო შედეგების და შეფასების ინდიკატორების ბიუჯეტის პროექტში მოცემული მაჩვენებლები და მაჩვენებელთა სისტემები. ფაქტობრივად, გარდა იშვიათი გამონაკლისისა, პროგრამების განხორცილების შედეგების შეფასებისთვის გამოყენებული ინდიკატორების ტიპებიდან გამოყენებულია მხოლოდ რაოდენობრივი. საერთოდ არ არის გამოყენებული ინდიკატორის სხვა ტიპები, მაგ: ხარისხობრივი, ეფექტური, ხარჯებზე მიბმული და სხვა. უფრო მეტიც, პროგრამების/ქვეპროგრამების განხორციელების შედეგების შეფასების ინდიკატორების აბსოლუტური უმრავლესობა არ არის გაზომვადი, შესაბამისად დამდგარი შედეგების დადასტურება ფაქტობრივად შეუძლებელია.
6.გზების რეაბილიტაცია და მოვლა-შენახვის პროგრამა (პროგრამულიკოდი 0301 01) აღნიშნული პროგრამის განხორციელებისთვის ბიუჯეტის პროექტი ითვალისწინებს 500,0 ათასი ლარი ღირებულების სამუშაოების შესრულებას. უცნობია საგზაო ინფრასტრუქტურის მოწესრიგების (შიდა მნიშვნელობის გზების მდგომარეობის შენარჩუნება, სავალი ნაწილი, ტროტუარები, მიწისქვეშა კომუნიკაციები) რაოდენობრივი და ხარისხობრივი მაჩვენებლებ იიმიტომ რომ ისინი ფაქტობრივადაც არ არის მოცემული ბიუჯეტის პროექტში.
7.ქვეპროგრამა მუნიცპალური ტრანსპორტი( პროგრამული კოდი 0301 02) მოცემული პროგრამის განხორცილებაზე განსაზღვრულია 75,0 ათასი ლარის ღირებულების სამუშაოების შესრულება. აღნიშნული პროგრამის განხორციელებამ როგორ უნდა უზრუნველყოს საგზაო ინფრასტრუქტურის გაუმჯობესება გაუგებარია. უფრო მეტიც, დასახელებული პროგრამის საბოლოო შედეგების ერთ-ერთი ინდიკატორია „მოსახლეობის კმაყოფილება“.
8.პროგრამა კომუნალური ინფრასტრუქტურის მშენებლობა-რეაბილიტაცია და ექსპლოატაცია. აღნიშნული პროგრამის განხორცილებაზე განსაზღვრულია 5450 ათასი ლარის სამუშაოების და სხვადასხვა სახის მომსახურეობების გაწევა. აღსანიშნავია, რომ აღნიშნული პროგრამები/ქვეპროგრამების განხორციელების საბოლოო შედეგებისა და შეფასების ინდიკატორების პროექტში მოცემული მაჩვენებლებით შეუძლებელია იმსჯელო მოცემული პროგრამის განხორცილებელის როგორც განზომვად, ასევე ხარისხობრივ სიდიდეებზე
10.პროგრამების „სკოლამდელი განათლების დაფინანსება და ზოგადი განათლების ხელშეწყობა“ – განხორციელების საბოლოო შედეგები და შეფასების ინდიკატორები უნდა დაზუსტდეს. უნდაგანისაზღვროსსახსრებისგამოყენებისკონკრეტულიმიმართულებები. ასე მაგალითად სკოლამდელი განათლების ქსელში ინფრასტრუქტურის სრულყოფის ღონისძიებები, ბაგა-ბაღების მაქსიმალური გამტარუნარიანობის და სტანდარტების შესაბამისი სააღმზრდელო პროგრამა/მეთოდოლოგიის დახვეწის მიზნით განსახორციელებელი სამუშაოები, საინიციატივო ჯგუფების, მოსწავლეთა თვითმმართველობისა და სხვა სასკოლო კლუბების მიერ შემოთავაზებული ღონისძიებების რაოდენობა, ინკლუზიური განათლების ხელშეწყობა და სხვა.
11.ფაქტობრივად, პრიორიტეტების დოკუმენტში მოცემული ყველა პროგრამა/ქვე პროგრამის აღწერილობითი ნაწილი მოითხოვს სერიოზულად ამუშავებას, რათა დოკუმენტში სრულყოფილად აისახოს მუნიციპალიტეტის საშუალო ვადიან პერსპექტივაში განვითარების აგრეგირებული მაჩვენებლები. ბიუჯეტის პროექტის აღწერილობითი ნაწილი, რომელიც საერთოდ არ არის მოცემული წარმოდგენილ პროექტში, თავიდან უნდა დამუშავდეს.
12.არც პრიორიტეტების დოკუმენტში და არც ბიუჯეტის პროექტში არ არის წარმოდგენილი მუნიციპალიტეტში ეკონომიკის განვითარების ხელშეწყობის პროგრამის/ქვეპროგრამის განხორციელება მაშინ როდესაც ზემოთ აღნიშნული პროფილის სამსახური ფუნქციონირებს მუნიციპალიტეტის მერიაში. ეკონომიკის განვითარების ხელშეწყობის პროგრამა პირველ ეტაპზე მინიმალური დანახარჯების პირობებშიც კი ხელს შეუწყობდა მუნიციპალიტეტის მიწათსარგებლობის გეგმის შემუშავებას, რომელიც პერსპექტივაში საფუძვლად დაედებოდა გრძელვადიანი ქალაქ მშენებლობითი სხვადასხვა დადასახლებების განვითარების სტრატეგიის განსაზღვრას.
13.გამომდინარე იმ გარემოებებიდან, რომ „ც“ჰეპატიტით დაავადებულ პირებში მკურნალობის ტაქტიკის განსაზღვირისთვის საჭირო კვლევების ანალოგიური ხარჯი გათვალისწინებულია 2018 წლის სახელმწიფო ბიუჯეტით, მიზანშეწონილად მიგვაჩნია ბიუჯეტის პროექტის ხარჯვით ნაწილშიმუხლი დაფინანსება (ორგკოდი 06 02 06 თანხით 100,0 ათ.ლარი).გადატანილი იქნას „მოსახლეობის ჯანმრთელობის დაცვა და სოციალური უზრუნველყოფის“ (კოდი 06 00) ბლოკის სხვა ქვე პროგრამაში.
ფრაქცია „ქართული ოცნება- დემოკრატიული საქართველო“- ინიციატივით შემოდის: -დაფინანსდეს ოზურგეთის მუნციპალიტეტში მცხოვრები სოცილაურად დაუცველი ოჯახებისათვის კომუნალური გადასახადების თანადაფინანსების პროგრამა. პროგრამა ითვალისწინებს „სოციალურად დაუცველი ოჯახების მონაცემთა ერთიან ბაზაში“ 65 000-დან 120 000-მდე სარეიტინგო ქულით რეგისტრირებული ოჯახებისათვის, კომუნალური გადასახადების თანადაფინანსებას არაუმატეს 100 ლარისა.
– 2018 წელის ბიუჯეტში გამოიყოს 50 000 ლარი სხვადასხვა კატეგორიის სოციალურად შეჭირვებული ოჯახებისათვის საახალწლო სასურსათო ამანათების შესაძენად. აღნიშნული დაემატოს სოციალური ღონისძიებების მუხლს.
საკრებულოს კომისებსა და ფაქციებში განხილვის დასრულების შემდეგ, კანონმდებლობის შესაბამისად ბიუჯეტის პროექტი დასაბუთებული შენიშვნებით, რეკომენდაციებითა და წინადადებებით აღმასრულებელ რგოლს გადაეგზავნა (საკრებულომ მერიას 2018 წლის ბიუჯეტის პროექტი პარასკევს სამუშაო დღის დასრულებამდე გაუგზავნა).
