ცნობილია, რომ კოსმოსური რადიო სიგნალები ხშირად მეორდება, მაგრამ მკვლევარებმა პირველად შეამჩნიეს განსხვავებული სიგნალების სერია, რომლებიც განცალკევებული ადგილიდან მოდის და დედამიწამდე მოსაღწევად ნახევარი მილიარდი სინათლის წელიწადი სჭირდება.
სწრაფი რადიო იმპულსები (იგივე FRB) არის რადიო ტალღების წამის მეათედი სიგრძის იმპულსები. ინდივიდუალური რადიო იმპულსი ერთხელ წარმოიქმნება და ის აღარ მეორდება. მაგრამ აღმოჩნდა, რომ არსებობს განმეორებადი სწრაფი რადიო იმპულსებიც, რომლებიც ხასიათდება მოკლე და ენერგიული რადიო ტალღების რამდენჯერმე წარმოქმნით. პირველადი დაკვირვების მიხედვით, როდესაც ისინი მეორდებიან, ეს შემთხვევითი, არარეგულირებული ან კლასტერული (ჯგუფური) იმპულსებია.
CNN-ის ინფორმაციით, 2018 წლის 16 სექტემბრიდან, 2019 წლის 30 ოქტომბრის ჩათვლით, კანადის წყალბადის ინტენსივობის კარტირების (CHIME) და სწრაფი რადიო იმპულსების (FRB) პროექტების თანამშრომლობით მკვლევარებმა დაადგინეს, რომ ეს იმპულსები ყოველ 16.35 დღეში მეორდება. 4 დღის განმავლობაში სიგნალი იგზავნებოდა 1-2 იმპულსით საათში. შემდეგ, კი 12 დღე იკარგებოდა.
გასულ წელს, CHIME / FRB თანამშრომლებმა დააფიქსირეს მსგავსი ხასიათის რვა ახალი სიგნალი. განმეორებითი იმპულსი აღმოჩენილი იქნა მასიური სპირალურ გალაქტიკაში, რომელიც დედამიწიდან 500 მილიონი სინათლის წლის მანძილზეა დაშორებულია.
მკვლევარები იმედოვნებენ, რომ ამ იდუმალი ტალღების წარმოშობის კვალდაკვალ, ისინი შეძლებენ განსაზღვრონ, თუ რა იწვევს მათ. ჯერჯერობით, მათ ნახეს ერთჯერადი და განმეორებითი სწრაფი რადიო იმპულსები, რომლებიც დაბრუნდნენ ძალიან განსხვავებული წყაროებიდან, რაც კიდევ უფრო მეტ კითხვას ბადებს.
პირველი განმეორებითი სწრაფი რადიო იმპულსის კვალი, FRB 121102, მეცნიერებმა დაუკავშირეს პატარა ჯუჯა გალაქტიკას, რომელიც შეიცავს ვარსკვლავებსა და მეტალებს. ხოლო სხვა ტიპის სწრაფი რადიო სიგნალის წყაროდ (FRB 180916) მიჩნეული იქნა ირმის ნახტომის მსგავსი გალაქტიკა. მკვლევარებმა თქვეს, რომ ის იყო გალაქტიკის იმ მკლავში (ირმის ნახტომი ეკუთვნის სპირალურ გალაქტიკებს, რაც ნიშნავს რომ მას გააჩნია სპირალური მკლავები. ყოველი მკლავი წარმოადგენს ლოგარითმულ სპირალს 12 გრადუსიანი დახრით. მიჩნეულია რომ არსებობს ოთხი ძირითადი მკლავი.) სადაც ვარსკვლავები იქმნებიან.
”16.35 – დღიანი პერიოდულობის აღმოჩენა, ამ ობიექტის ბუნებისთვის (FRB) მნიშვნელოვანი მახასიათებელია ”, – წერდნენ მკვლევარებმა თავიანთ კვლევაში. ამ ნაშრომებში ასევე განიხილულია ამ იმპულსების წარმოქმნის შესაძლო მიზეზებოც. მაგალითად, ვარსკვლავის ორბიტალური მოძრაობა ან ისეთი საგნის მოძრაობა, რომელიც თანამგზავრად მოქმედებს გალაქტიკის გარეუბანში. სხვა სტატიების ავტორები, რომლებიც კონსულტაციას უწევენ მკვლევარებს, რომლებმაც აღმოაჩინეს ნიმუში, ვარაუდობენ, რომ იმპულსების გამომწვევი მიზეზები შეიძლება მოდიოდეს ნეიტრონული ვარსკვლავიდან და ადრეული OB-ტიპის ვარსკვლავის ბინარული სისტემიდან.
ნეიტრონული ვარსკვლავები სამყაროში სუპერნოვას ყველაზე პატარა ნაშთებია. ისინი დიამეტრით შეიძლება შევადაროთ ისეთი ქალაქების დიამეტრს, როგორიცაა ჩიკაგო ან ატლანტა, მაგრამ ისინი წარმოუდგენლად მკვრივებია, მასით მზეს აღემატებიან. OB-ტიპის ვარსკვლავები მოკლე ხანგრძლივონის, მასიური ვარსკვლავები არიან. ამ ორი ტიპის ვარსკვლავს შორის ურთიერთქმედებამ შეიძლება გამოიწვიოს FRB-ის განმეორებითი ტალღები.
ასეთი ტალღების ხშირ გამეორებას, შეუძლია ასტრონომებს საშუალება მისცეს უფრო მეტი შეიტყონ თავად სამყაროს შესახებ. რაც უფრო მეტი ტალღის დაჭერას შეძლებენ, მით უფრო უკეთესად შეეძლებათ სიგნალების გამოყენება, რათა დააფიქსირონ, თუ როგორ არის განაწილებული მატერია მთელ სამყაროში.
მკვლევარები მიიჩნევენ, რომ მომავალში დაკვირვებები მათ მისცემს საშუალებას დაადგინონ, არსებობს თუ არა სხვა ტიპის მსგავსი სიგნალები. ისინი იმედოვნებენ, გაშიფრონ სიგნალების პერიოდულობის ფენომენი და მისი ქცევა.
