მსოფლიოში უკვე გუშინდელი მონაცემებით 41 ქვეყანაში 26 მილიონი ვაქცინის დოზა არის გაკეთებული. პირველ ადგილზეა ჩინეთი 9 მილიონი დოზით, შემდეგ ამერიკა და დანარჩენი სახელწიფოები. ძირითადად გამოიყენება ორი დასახელების ვაქცინა: „ფაიზერი“ და „მოდერნა“.
ჯანდაცვის მსოფლიო ორგანიზაციას და ვაქცინების გლობალურ ალიანსს შორის შექმნილია „კოვაქსის პლათფორმა“, რომლის მიზანია ვაქცინები იყიდონ ან დათმონ მდიდარმა ქვეყნებმა და შედარებით საშუალო და დაბალი შემოსავლების ქვეყნებს გაუნაწილონ სამართლიანობა რომ არ დაირღვეს. პლათფორმაში გაწევრიანებულია 190 ქვეყანა, აქედან 98 არის შედარებით უფრო მდიდარი ქვეყანა, 92-ღარიბი. 92 ქვეყანაში შედის საქართველო. „კოვაქსის პლათფორმაზე“ გაწევრიანებულმა ქვეყნებმა გადარიცხეს გარკვეული თანხა ვაქცინისთვის, მათ შორის საქართველომაც. ჯამში 5 მილიარდი დოლარი, რომლითაც წინასწარი შეკვეთებით მოხდება ვაქცინის მწარმოებელი კომპანიებიდან ვაქცინის შეძენა.
„ ჯერ-ჯერობით კონტრაქტორი კომპანიებიდან ჩინური სინოფარმა და სინოვაკი, ოქსფორდის-ასტრაზენეკა გავიდნენ კვლევის ბოლო, მესამე ფაზაში. როდესაც ვაქცინების დოკუმენტაცია გადაეგზავნება WHO(მსოფლიო ჯანდაცვის ორგანიზაცია) და კვლევის შედეგები დაიდება. WHO მიიღებს გადაწყვეტილებას, რომელი ვაქცინა იქნება ყველაზე სანდო და მას შემდეგ გამოიგზავნება ჩვენთან. ყველაზე დიდი პერსპექტივა იქედან გამომდინარე, რომ უკვე აღიარა ინგლისმა, ინდოეთმა, ევროპის სამი სააგენტო დაჩქარებულად სწავლობს ასტრაზენეკას ვაქცინა აქვს. ნაკლებად სავარაუდოა ამ ვაქცინის დოკუმენტაციაში პრობლემა შეიქმნას, ამიტომ მე ყველაზე პერსპექტიულად დროის თვალსაზრისით სწორედ ეს ვაქცინა მიმაჩნია. აქედან გამომდინარე, ვფიქრობ, საქართველოში ვაქცინის შემოტანა თებერვლის ბოლოს, მარტის დასაწყისში იქნება შესაძლებელი.“- ამბობს ექიმი ალერგოლიგ-იმუნოლოგი ბიძინა კულუმბეგოვი.
